ಕರಾವಳಿ ರಸ್ತೆಯ ಕಳಪೆ ಕಾಮಗಾರಿ ; ವಿಡಿಯೋ ಮೂಲಕ ಬಹಿರಂಗ | Watch

ಮುಂಬೈ ಕರಾವಳಿ ರಸ್ತೆಯ ಕಾಮಗಾರಿಯ ಗುಣಮಟ್ಟದ ಬಗ್ಗೆ ಸಾರ್ವಜನಿಕರು ತೀವ್ರ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಇತ್ತೀಚೆಗೆ ವೈರಲ್ ಆದ ವಿಡಿಯೋದಲ್ಲಿ ಕರಾವಳಿ ರಸ್ತೆಯ ದುರಸ್ತಿ ಕಾರ್ಯ ಅತ್ಯಂತ ಕಳಪೆ ಮಟ್ಟದಲ್ಲಿರುವುದು ಕಂಡುಬಂದಿದೆ.

“ಎಟರ್ನಲ್ ಡ್ರಿಫ್ಟ್” ಎಂಬ X (ಟ್ವಿಟರ್) ಬಳಕೆದಾರರು ಹಂಚಿಕೊಂಡ ವಿಡಿಯೋದಲ್ಲಿ, 14,000 ಕೋಟಿ ರೂಪಾಯಿ ವೆಚ್ಚದ ಈ ಮಹತ್ವದ ಯೋಜನೆಯಲ್ಲಿ ಕಳಪೆ ಗುಣಮಟ್ಟದ ಕಾಮಗಾರಿ ನಡೆಸಲಾಗಿದೆ ಎಂದು ಟೀಕಿಸಿದ್ದಾರೆ. “ಇದು ನಿರಾಶಾದಾಯಕ. ಮುಂಬೈನ 14,000 ಕೋಟಿ ಕರಾವಳಿ ರಸ್ತೆ ಈಗಾಗಲೇ ಪ್ಯಾಚ್‌ವರ್ಕ್‌ನಂತೆ ಕಾಣುತ್ತದೆ. ನಾವು ಮೋಸ ಹೋದಂತೆ ಭಾಸವಾಗುತ್ತದೆ – ಇದು ವಿಶ್ವ ದರ್ಜೆಯ ಮೂಲಸೌಕರ್ಯವಾಗಿರಬೇಕಿತ್ತು. L&T ಮತ್ತು BMC ಜವಾಬ್ದಾರರಾಗಿರಬೇಕು. ಇದಕ್ಕಾಗಿ ನಾವು ಹಣ ಪಾವತಿಸಿದ್ದೇವೆಯೇ?” ಎಂದು ಅವರು ಪ್ರಶ್ನಿಸಿದ್ದಾರೆ.

ಈ ವಿಡಿಯೋ ವೈರಲ್ ಆದ ನಂತರ, ಬಿಎಂಸಿ ಪ್ರತಿಕ್ರಿಯೆ ನೀಡಿದೆ. ಹಾಜಿ ಅಲಿ ಸೇತುವೆಯ ಉತ್ತರ ದಿಕ್ಕಿನ ರಸ್ತೆಯಲ್ಲಿ ಮಳೆಗಾಲದ ಪೂರ್ವದಲ್ಲಿ ಡಾಂಬರೀಕರಣ ಕಾರ್ಯ ನಡೆಸಲಾಗಿತ್ತು. ಇದರಿಂದಾಗಿ ಜಾಯಿಂಟ್‌ಗಳಲ್ಲಿ ಸ್ವಲ್ಪ ಬೇರ್ಪಡಿಕೆ ಉಂಟಾಗಿದೆ. ಇದನ್ನು ಮಳೆಗಾಲದಲ್ಲಿ ತಾತ್ಕಾಲಿಕವಾಗಿ ಸರಿಪಡಿಸಲಾಗಿದೆ. ಶೀಘ್ರದಲ್ಲೇ ಹೊಸ ಡಾಂಬರು ಪದರವನ್ನು ಹಾಕಲಾಗುವುದು ಎಂದು ಬಿಎಂಸಿ ತಿಳಿಸಿದೆ.

ಆದರೆ, ಸಾರ್ವಜನಿಕರು ಬಿಎಂಸಿಯ ಸಮಜಾಯಿಷಿಯನ್ನು ಒಪ್ಪಿಕೊಳ್ಳಲು ಸಿದ್ಧರಿಲ್ಲ. ಕಳಪೆ ಕಾಮಗಾರಿಯಿಂದಾಗಿ ರಸ್ತೆ ಹಾಳಾಗುವ ಸಾಧ್ಯತೆ ಇದೆ ಎಂದು ಅವರು ಆತಂಕ ವ್ಯಕ್ತಪಡಿಸಿದ್ದಾರೆ. ಮಳೆಗಾಲದಲ್ಲಿ ರಸ್ತೆ ಮತ್ತಷ್ಟು ಹದಗೆಟ್ಟರೆ ಏನು ಮಾಡುವುದು ಎಂದು ಪ್ರಶ್ನಿಸಿದ್ದಾರೆ.

ಇತ್ತೀಚೆಗೆ, ಕರಾವಳಿ ರಸ್ತೆಯ ಹೊಸ ಇಂಟರ್‌ಚೇಂಜ್ ತೆರೆಯಲಾಗಿತ್ತು. ಹಾಜಿ ಅಲಿ ಜ್ಯೂಸ್ ಸೆಂಟರ್‌ನಿಂದ ಮೆರೈನ್ ಡ್ರೈವ್‌ವರೆಗೆ ಸಂಪರ್ಕ ಕಲ್ಪಿಸುವ ಈ ರಸ್ತೆಯಿಂದ ಪ್ರಯಾಣದ ಸಮಯ ಕಡಿಮೆಯಾಗಿದೆ ಎಂದು ಹೇಳಲಾಗಿತ್ತು. ಆದರೆ, ಈ ವಿಡಿಯೋದಿಂದ ರಸ್ತೆಯ ಗುಣಮಟ್ಟದ ಬಗ್ಗೆ ಅನುಮಾನಗಳು ಮೂಡಿವೆ.

ಈ ವಿವಾದವು ಬಿಎಂಸಿ ಮತ್ತು ಗುತ್ತಿಗೆದಾರರ ಜವಾಬ್ದಾರಿಯ ಬಗ್ಗೆ ಪ್ರಶ್ನೆಗಳನ್ನು ಹುಟ್ಟುಹಾಕಿದೆ. ಮುಂಬೈನ ಕರಾವಳಿ ರಸ್ತೆಯು ವಿಶ್ವ ದರ್ಜೆಯ ಗುಣಮಟ್ಟವನ್ನು ಹೊಂದಿರಬೇಕು ಎಂದು ಸಾರ್ವಜನಿಕರು ಆಗ್ರಹಿಸಿದ್ದಾರೆ.

This is beyond disappointing. Mumbai’s ₹14000 crore Coastal Road already looks like patchwork. I feel betrayed—this was supposed to be world-class infrastructure. L&T and BMC must be held accountable. Is this what we paid for? #Mumbai #CoastalRoad #InfrastructureFail pic.twitter.com/OjxZyoDrJI

— Eternal Drift (@drifteternal_) February 19, 2025

The asphalting work on the Northbound Carriageway of the bridge at Haji Ali was completed during the pre-monsoon period, which resulted in some separation at the joints of the work done in the subsequent days.

This was temporarily repaired using mastic asphalt during the… https://t.co/KqgupF5L2d

— माझी Mumbai, आपली BMC (@mybmc) February 20, 2025

Monsoon toh aane do!
Fir dekho aur bhot sara patchworks

— Sanket Ambre (@BeingSanket1992) February 20, 2025