ನಾಂದೇಡ್: ಮಹಾರಾಷ್ಟ್ರದ ನಾಂದೇಡ್ ಜಿಲ್ಲೆಯಲ್ಲಿ 20 ವರ್ಷದ ಯುವಕನನ್ನು ಕ್ರೂರವಾಗಿ ಕೊಲ್ಲಲಾಗಿದೆ. ಅಂತ್ಯಕ್ರಿಯೆಯ ಸಮಯದಲ್ಲಿ 21 ವರ್ಷದ ಗೆಳತಿ ಹಣೆಯ ಮೇಲೆ ಸಿಂಧೂರ ಹಚ್ಚುವ ಮೂಲಕ ಅವನ ಶವವನ್ನು ಮದುವೆಯಾದ ನಂತರ ‘ಪ್ರೀತಿ ಅಮರ’ ಎಂದು ಸಾಬೀತುಪಡಿಸಿದ್ದಾಳೆ.
ಹುಡುಗ ಮತ್ತು ಹುಡುಗಿಯನ್ನು ಸಕ್ಷಮ್ ಟೇಟ್ ಮತ್ತು ಆಂಚಲ್ ಮಾಮಿದ್ವಾರ ಎಂದು ಗುರುತಿಸಲಾಗಿದೆ. ಇಬ್ಬರೂ ಆಂಚಲ್ ಅವರ ಸಹೋದರರ ಮೂಲಕ ಭೇಟಿಯಾಗಿದ್ದರು ಮತ್ತು ಕಳೆದ ಮೂರು ವರ್ಷಗಳಿಂದ ಸಂಬಂಧದಲ್ಲಿದ್ದರು. ಇಬ್ಬರೂ ಬೇರೆ ಬೇರೆ ಜಾತಿಗಳಿಗೆ ಸೇರಿದವರಾಗಿದ್ದರಿಂದ ಆಂಚಲ್ ಅವರ ಕುಟುಂಬವು ಈ ಸಂಬಂಧವನ್ನು ವಿರೋಧಿಸಿತ್ತು.
ಇದರ ಹೊರತಾಗಿಯೂ, ಆಂಚಲ್ ಸಕ್ಷಮ್ ಜೊತೆ ತನ್ನ ಸಂಬಂಧವನ್ನು ಮುಂದುವರೆಸಿದರು, ಇದು ಅವರ ಕುಟುಂಬ ಸದಸ್ಯರನ್ನು ಕೆರಳಿಸಿತು.
ನಾಂದೇಡ್ ನ ಹಳೆಯ ಗಂಜ್ ಪ್ರದೇಶದಲ್ಲಿ ಸಕ್ಷಮ್ ಮತ್ತು ಆಂಚಲ್ ಅವರ ಸಹೋದರ ಹಿಮೇಶ್ ಮಾಮಿದ್ವಾರ ನಡುವೆ ಜಗಳ ನಡೆಯಿತು. ಜಗಳದ ಸಮಯದಲ್ಲಿ, ಸಕ್ಷಮ್ ಮೇಲೆ ಹಿಮೇಶ್ ಗುಂಡು ಹಾರಿಸಿದ್ದಾನೆ. ಗುಂಡು ಅವನ ಪಕ್ಕೆಲುಬುಗಳಿಗೆ ತಾಗಿದೆ. ನಂತರ ಅವನು ಸಕ್ಷಮ್ ನ ತಲೆಯ ಮೇಲೆ ಒಂದು ಹೆಂಚನ್ನು ಒಡೆದಿದ್ದು, ಅವರು ಮೃತಪಟ್ಟಿದ್ದಾನೆ.
ಸಕ್ಷಮ್ ನ ಹತ್ಯೆಯ ನಂತರ, ಆಂಚಲ್ ಶುಕ್ರವಾರ ಸಂಜೆ ಅವನ ಮನೆಗೆ ಹೋಗಿದ್ದಾಳೆ. ಅಲ್ಲಿ ಅವನ ಕುಟುಂಬ ಸದಸ್ಯರು ಅವನ ಅಂತ್ಯಕ್ರಿಯೆಗೆ ಸಿದ್ಧತೆ ನಡೆಸುತ್ತಿದ್ದರು. ತನ್ನ ಭೇಟಿಯ ಸಮಯದಲ್ಲಿ ಆಂಚಲ್ ಸಿಂಧೂರ ಹಚ್ಚುವ ಮೂಲಕ ಸಕ್ಷಮ್ ನ ಮೃತದೇಹವನ್ನು ‘ಮದುವೆಯಾಗಿದ್ದು’, ಅವರ ಪ್ರೀತಿ ‘ಅಮರ’ ಎಂದು ಹೇಳಿಕೊಂಡಿದ್ದಾಳೆ.
ಆಂಚಲ್ ಈಗ ತನ್ನ ತಂದೆ ಮತ್ತು ಸಹೋದರರಿಗೆ ಮರಣದಂಡನೆ ವಿಧಿಸಬೇಕೆಂದು ಒತ್ತಾಯಿಸಿದ್ದಾಳೆ. ತಾನು ಸಕ್ಷಮ್ ನ ಮನೆಯಲ್ಲಿಯೇ ಇರಲು ಯೋಜಿಸುತ್ತಿರುವುದಾಗಿ ಹೇಳಿದ್ದಾಳೆ.
ಕಳೆದ ಮೂರು ವರ್ಷಗಳಿಂದ ನಾನು ಸಕ್ಷಮ್ ನನ್ನು ಪ್ರೀತಿಸುತ್ತಿದ್ದೆ. ಆದರೆ ನನ್ನ ಜಾತಿ ಬೇರೆಯಾದ ಕಾರಣ ತಂದೆ ನಮ್ಮ ಸಂಬಂಧವನ್ನು ವಿರೋಧಿಸಿದರು. ನನ್ನ ಕುಟುಂಬವು ಆಗಾಗ್ಗೆ ಸಕ್ಷಮ್ ನನ್ನು ಕೊಲ್ಲುವುದಾಗಿ ಬೆದರಿಕೆ ಹಾಕುತ್ತಿತ್ತು. ಈಗ ನನ್ನ ತಂದೆ ಮತ್ತು ಸಹೋದರರಾದ ಹಿಮೇಶ್ ಮತ್ತು ಸಾಹಿಲ್ ಅದನ್ನು ಮಾಡಿದ್ದಾರೆ. ನನಗೆ ನ್ಯಾಯ ಬೇಕು. ಆರೋಪಿಗಳನ್ನು ಗಲ್ಲಿಗೇರಿಸಬೇಕೆಂದು ನಾನು ಬಯಸುತ್ತೇನೆ ಎಂದು ಅವಳು ಹೇಳಿದ್ದಾಳೆ.
ಪೊಲೀಸರು ಈಗ ಹಿಮೇಶ್ ನನ್ನು ಬಂಧಿಸಿದ್ದಾರೆ. ಅವನ ಜೊತೆಗೆ, ಅವನ ಸಹೋದರ ಸಾಹಿಲ್(25) ಮತ್ತು ಅವರ ತಂದೆ ಗಜಾನನ್ ಮಾಮಿದ್ವಾರ(45) ಅವರನ್ನು ಸಹ ಬಂಧಿಸಲಾಗಿದೆ. ಮೂವರನ್ನು ಮೂರು ದಿನಗಳ ಪೊಲೀಸ್ ಕಸ್ಟಡಿಗೆ ಕಳುಹಿಸಲಾಗಿದೆ.
