ತನಗೆ ಯಾವ ರೀತಿಯ ವರ ಬೇಕು ಎಂತಹ ಜೀವನ ಸಿಗಬೇಕು ಎಂಬ ಆಸೆಗಳನ್ನು ಮಹಿಳೆಯೊಬ್ಬರು ಸಾಮಾಜಿಕ ಮಾಧ್ಯಮದಲ್ಲಿ ಪೋಸ್ಟ್ ಮಾಡಿ ವರನಿಗಾಗಿ ಹುಡುಕಾಡುತ್ತಿದ್ದಾರೆ. ಮಹಿಳೆಯ ಪೋಸ್ಟ್ ನೆಟ್ಟಿಗರ ಗಮನ ಸೆಳೆದಿದ್ದು ವೈರಲ್ ಆಗಿದೆ.
ಮಹಿಳೆಯ ಬೇಡಿಕೆಯ ವಿವರವಾದ ಪಟ್ಟಿಯಲ್ಲಿರುವ ಆಕೆಯ ವಿವಾಹದ ಅಗತ್ಯತೆಗಳು ಅಂತರ್ಜಾಲದಲ್ಲಿ ಬಿರುಗಾಳಿ ಎಬ್ಬಿಸಿವೆ. ಇಂಟರ್ನೆಟ್ ನಲ್ಲಿ ವ್ಯಾಪಕವಾಗಿ ಹಂಚಿಕೊಳ್ಳಲಾದ ಪೋಸ್ಟ್ ನಲ್ಲಿ ಮಹಿಳೆಯ ಸಂಬಳ, ಉದ್ಯೋಗ ಮತ್ತು ಭಾವಿ ಪತಿಗೆ ಇರಬೇಕಾದ ನಿರ್ದಿಷ್ಟ ಅವಶ್ಯಕತೆಗಳನ್ನು ಬಹಿರಂಗಪಡಿಸಿವೆ.
ವಾರ್ಷಿಕ 1.3 ಲಕ್ಷ ರೂಪಾಯಿ ಗಳಿಸುವ ಮತ್ತು ಪದವಿ (B.Ed) ಪಡೆದಿರುವ ಮಹಿಳೆ, ವಾರ್ಷಿಕ 30 ಲಕ್ಷ ರೂಪಾಯಿಗಳಷ್ಟು ಹೆಚ್ಚು ಆದಾಯವನ್ನು ಹೊಂದಿರುವ ಟೆಕ್ಕಿ ವರನನ್ನು ಹುಡುಕುತ್ತಿದ್ದಾರೆ. ಅವರ ಪೋಸ್ಟ್ ಪ್ರಕಾರ ಆಕೆ ಭಾರತ, ಅಮೆರಿಕ ಅಥವಾ ಯುರೋಪ್‌ನಲ್ಲಿ ನೆಲೆಸಿರುವ ಯಾರಿಗಾದರೂ ಆದ್ಯತೆ ನೀಡುತ್ತಾರೆ. ವಿಶಾಲವಾದ 3BHK ಮನೆಯನ್ನು ಹೊಂದಿರಬೇಕು , ಹೆಚ್ಚುವರಿಯಾಗಿ ಅವರು ತಮ್ಮ ಐಷಾರಾಮಿ ಜೀವನವನ್ನು ವ್ಯಕ್ತಪಡಿಸಲು ಪ್ರಪಂಚದಾದ್ಯಂತದ ವಿವಿಧ ಸ್ಥಳಗಳಿಗೆ ಪ್ರಯಾಣಿಸಲು ಮತ್ತು 5-ಸ್ಟಾರ್ ಹೋಟೆಲ್‌ಗಳಲ್ಲಿ ಉಳಿಯಲು ಇಷ್ಟಪಡುವ ಮತ್ತು ಇದಕ್ಕೆಲ್ಲಾ ಖರ್ಚುಮಾಡುವ ವರ ಬೇಕು ಎಂಬ ರೀತಿಯಲ್ಲಿ ಬೇಡಿಕೆ ಇಟ್ಟಿದ್ದಾರೆ.
ಮಹಿಳೆಯು ತನ್ನ ಆದಾಯ ಮತ್ತು ವಸತಿಗೆ ಮೀರಿದ ಹಲವಾರು ನಿರ್ದಿಷ್ಟ ಅವಶ್ಯಕತೆಗಳನ್ನೂ ಪಟ್ಟಿ ಮಾಡಿದ್ದಾರೆ. ಅವರು ಪ್ರಸ್ತುತ ತನ್ನ ಪೋಷಕರೊಂದಿಗೆ ವಾಸಿಸುತ್ತಿದ್ದು ಅವರು ಮಗಳ ಮೇಲೆ ಅವಲಂಬಿತರಾಗಿರುವುದರಿಂದ ಅದನ್ನೇ ಮುಂದುವರಿಸುವುದಾಗಿ ಹೇಳಿದ್ದಾರೆ. ತನ್ನ ಭವಿಷ್ಯದ ಸಂಗಾತಿಯು ಇದನ್ನು ಅರ್ಥಮಾಡಿಕೊಳ್ಳಬೇಕು ಮತ್ತು ದೊಡ್ಡ ಸ್ವತಂತ್ರ ಮನೆಯಲ್ಲಿ ಅವರಿಗೆ ಅವಕಾಶ ಕಲ್ಪಿಸಬೇಕೆಂದು ನಿರೀಕ್ಷಿಸಿದ್ದಾರೆ. ಇದಲ್ಲದೆ ತನ್ನ ಕೆಲಸದ ಬದ್ಧತೆಗಳಿಂದಾಗಿ ಅಡುಗೆ ಮಾಡಲು ಅಥವಾ ಮನೆ ಸ್ವಚ್ಛಗೊಳಿಸಲು ನನ್ನಿಂದ ಸಾಧ್ಯವಾಗುತ್ತಿಲ್ಲ ಇದರಿಂದಾಗಿ ತನ್ನ ಪತಿ ಅಡುಗೆಯವರು ಮತ್ತು ಸೇವಕಿಯನ್ನು ಒದಗಿಸುವ ಅಗತ್ಯವಿದೆ ಎಂದಿದ್ದಾರೆ.
“ನಾನು ಆಹಾರಪ್ರೇಮಿ ಮತ್ತು ಪ್ರಯಾಣವನ್ನು ಇಷ್ಟಪಡುತ್ತೇನೆ, ಹಾಗಾಗಿ ಮದುವೆಯ ನಂತರ ಪ್ರಪಂಚದಾದ್ಯಂತ ಎಲ್ಲಾ ಸ್ಥಳಗಳಿಗೆ ಭೇಟಿ ನೀಡಲು ನಾನು ನಿರೀಕ್ಷಿಸುತ್ತೇನೆ. ನನ್ನ ಪತಿ ಈ ಪ್ರಯಾಣದ ಉತ್ಸಾಹವನ್ನು ಹಂಚಿಕೊಳ್ಳಬೇಕಾಗಿದೆ, ”ಎಂದು ಬರೆದಿದ್ದಾರೆ. ಅವಿಭಕ್ತ ಕುಟುಂಬದ ಪರಿಕಲ್ಪನೆಯನ್ನು ನಂಬದ ಆಕೆ ಅತ್ತೆ ಮಾವ ಪ್ರತ್ಯೇಕವಾಗಿ ವಾಸಿಸಬೇಕೆಂದು ಬಯಸಿದ್ದಾರೆ.
ವಿಚ್ಛೇದಿತ ಮಹಿಳೆಯ ಈ ಬೇಡಿಕೆಗಳು ನೆಟ್ಟಿಗರನ್ನು ಬೆಚ್ಚಿಬೀಳಿಸಿದ್ದು, ಅವಳ ಆದಾಯ ಮತ್ತು ಭಾವಿ ಪತಿಯ ಆದಾಯ ನಿರೀಕ್ಷೆಗಳ ನಡುವಿನ ಅಗಾಧ ಅಂತರವನ್ನು ಎತ್ತಿ ತೋರಿಸಿದ್ದಾರೆ. ಆಕೆಯ ಸ್ವಂತ ಸಂಬಳ ವಾರ್ಷಿಕ 1.3 ಲಕ್ಷ ರೂ. ಇದ್ದು 30 ಲಕ್ಷ ರೂ. ಗಳಿಸುವ ಸಂಗಾತಿಯ ಬೇಡಿಕೆಯ ನಡುವಿನ ವ್ಯತ್ಯಾಸದಿಂದ ಅನೇಕ ಬಳಕೆದಾರರು ಆಶ್ಚರ್ಯಚಕಿತರಾದರು.
