Leopard attack : ಚಾಮರಾಜನಗರದಲ್ಲಿ ಚಿರತೆ ದಾಳಿಗೆ 6 ವರ್ಷದ ಬಾಲಕಿ ಬಲಿ

ಚಾಮರಾಜನಗರ: ಮನೆಯ ಮುಂದೆ ಆಟವಾಡುತ್ತಿದ್ದ ಬಾಲಕಿ ಮೇಲೆ ಚಿರತೆಯೊಂದು ದಾಳಿ ನಡೆಸಿದ ಘಟನೆ ಚಾಮರಾಜನಗರ ಜಿಲ್ಲೆಯ ಹನೂರು ತಾಲೂಕಿನಲ್ಲಿ ನಡೆದಿದೆ.

20 ದಿನಗಳ ಹಿಂದೆ ಚಿರತೆ ದಾಳಿಗೆ ಒಳಗಾದ ಬಾಲಕಿ ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದಾಳೆ. ಮೃತ ಬಾಲಕಿಯನ್ನು ಶಾಲಿನಿ (6) ಎಂದು ಗುರುತಿಸಲಾಗಿದೆ.

ಮನೆ ಅಂಗಳದಲ್ಲಿ ಆಟವಾಡುತ್ತಿದ್ದ ಬಾಲಕಿ ಮೇಲೆ ಹೊಂಚು ಹಾಕಿ ಚಿರತೆ ದಾಳಿ ನಡೆಸಿದೆ. ನಂತರ ಯಾವುದೋ ಶಬ್ದಕ್ಕೆ ಚಿರತೆ ಬಾಲಕಿಯನ್ನು ಬಿಟ್ಟು ಓಡಿ ಹೋಗಿದೆ. ಪರಿಣಾಮ ಬಾಲಕಿಗೆ ಗಂಭೀರವಾಗಿ ಗಾಯಗಳಾಗಿತ್ತು, ಅಲ್ಲದೇ ಚಿರತೆ ಭಯದಿಂದ ಬಾಲಕಿ ನಡುಗುತ್ತಿದ್ದಳು. ನಂತರ ಪೋಷಕರು ಬಾಲಕಿಯನ್ನು ಮೈಸೂರಿನ ಕೆ ಆರ್ ಆಸ್ಪತ್ರೆಗೆ ದಾಖಲು ಮಾಡಿದ್ದರು , ಅಲ್ಲದೇ ಬಾಲಕಿಗೆ ಮೂರ್ಚೆ ರೋಗ ಇತ್ತು ಎನ್ನಲಾಗಿದೆ. ಆದರೆ 20 ದಿನ ಆಸ್ಪತ್ರೆಯಲ್ಲಿದ್ದ ಬಾಲಕಿ ಚಿಕಿತ್ಸೆ ಫಲಿಸದೇ ಮೃತಪಟ್ಟಿದ್ದಾಳೆ.