ನೇಣುಬಿಗಿದು ಕೋತಿ ಸಾಯಿಸಿದ ದುರುಳರು: ಆಘಾತಕಾರಿ ವಿಡಿಯೋ ವೈರಲ್

ನವದೆಹಲಿ: ಕೋತಿಯನ್ನು ನೇಣು ಬಿಗಿದು ಸಾಯಿಸಿದ ಆಘಾತಕಾರಿ ಘಟನೆಯೊಂದು ದೆಹಲಿಯಲ್ಲಿ ನಡೆದಿದೆ. ಇದರ ವಿಡಿಯೋ ವೈರಲ್​ ಆಗಿದ್ದು ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.

ಆಶೆರ್ ಜೇಸುದಾಸ್ ಎಂಬ ಟ್ವಿಟರ್ ಬಳಕೆದಾರರು ಈ ಆಘಾತಕಾರಿ ವಿಡಿಯೋವನ್ನು ಟ್ವೀಟರ್​ನಲ್ಲಿ ಶೇರ್​ ಮಾಡಿದ್ದಾರೆ. ವಿಡಿಯೋದಲ್ಲಿ ಕೋತಿಯನ್ನು ಮರಕ್ಕೆ ಕಟ್ಟಿಹಾಕಿ ನೇಣು ಬಿಗಿದು ಸಾಯಿಸುವುದನ್ನು ನೋಡಬಹುದು. ಜೀವಂತ ಕೋತಿಯನ್ನೇ ನೇಣು ಹಾಕಿರುವುದಕ್ಕೆ ಸಾಕ್ಷಿಯಾದದ್ದು ಈ ಕೋತಿಯ ನಾಲಿಗೆ ಹೊರಕ್ಕೆ ಚಾಚಿರುವುದು.

ವರದಿಯ ಪ್ರಕಾರ, ಇದು ದೆಹಲಿಯ ಸರೈ ರೋಹಿಲಾ ಪ್ರದೇಶದಲ್ಲಿ ಸಂಭವಿಸಿದೆ ಮತ್ತು ಫ್ರಾನ್ಸ್ ಮೂಲದ ಪತ್ರಕರ್ತರು ಜಿ20 ಶೃಂಗಸಭೆಯ ಅಧಿವೇಶನಗಳಿಗಾಗಿ ಭಾರತಕ್ಕೆ ಭೇಟಿ ನೀಡಿದ್ದರು. ಈ ಸಂದರ್ಭದಲ್ಲಿ ಅವರ ಗಮನಕ್ಕೆ ಈ ಘಟನೆ ಬಂದಿದೆ.

ವೀಡಿಯೊ ಆನ್‌ಲೈನ್‌ನಲ್ಲಿ ಕಾಣಿಸಿಕೊಂಡ ನಂತರ ದೆಹಲಿ ಪೊಲೀಸರು ದೂರು ದಾಖಲಿಸಿಕೊಂಡಿದ್ದು, ತಪ್ಪಿತಸ್ಥರಿಗಾಗಿ ಹುಡುಕಾಟ ನಡೆಸಿದ್ದಾರೆ.

https://twitter.com/JesudossAsher/status/1628838787651600384?ref_src=twsrc%5Etfw%7Ctwcamp%5Etweetembed%7Ctwterm%5E1629102972067262464%7Ctwgr%5Eecedee8b578eb7695fbad4d944ec554f16af5d7f%7Ctwcon%5Es2_&ref_url=https%3A%2F%2Fwww.freepressjournal.in%2Fviral%2Fdelhi-shocker-monkey-mercilessly-tied-to-a-tree-hanged-to-death-police-register-case-after-chilling-video-surfaces-online