ಇತ್ತೀಚಿನ ದಿನಗಳಲ್ಲಿ ದಂಪತಿಗಳ ವಿಚ್ಛೇದನ ಹಾಗೂ ಪ್ರೇಮಿಗಳ ಬ್ರೇಕಪ್‌ ಹೆಚ್ಚುತ್ತಲೇ ಇದೆ. ಇವೆರಡೂ ಅತ್ಯಂತ ಸೂಕ್ಷ್ಮ ಸಂಬಂಧಗಳು. ಆದರೆ ಈ ರೀತಿ ಸಂಗಾತಿಗಳ ಮಧ್ಯೆ ಭಿನ್ನಾಭಿಪ್ರಾಯ, ಸಂಬಂಧದಲ್ಲಿ ಬಿರುಕು ಮೂಡುತ್ತಿರುವುದೇಕೆ ಅನ್ನೋದು ಬಹುತೇಕರನ್ನು ಕಾಡುವ ಪ್ರಶ್ನೆ. ವಿಚ್ಛೇದನ ಹೆಚ್ಚಳಕ್ಕೆ ಕಾರಣಗಳೇನು ಅನ್ನೋದನ್ನು ನೋಡೋಣ.
ಅಭದ್ರತೆ ಮತ್ತು ಆತ್ಮವಿಶ್ವಾಸದ ಕೊರತೆ: ಅಭದ್ರತೆ ಮತ್ತು ಆತ್ಮವಿಶ್ವಾಸದ ಕೊರತೆಯು ಅನೇಕ ಬಾರಿ ಸಂಬಂಧದಲ್ಲಿ ಬಿರುಕು ಮೂಡಿಸುತ್ತದೆ. ಸಂಗಾತಿಯೇ ಮೋಸ ಮಾಡುವ ಸಾಧ್ಯತೆಗಳಿರುತ್ತವೆ.
ಖಿನ್ನತೆ ಮತ್ತು ಇತರ ಮಾನಸಿಕ ಆರೋಗ್ಯ ಸಮಸ್ಯೆಗಳು: ಕೆಲವೊಮ್ಮೆ ಖಿನ್ನತೆ, ಒತ್ತಡ, ಅಥವಾ ಇತರ ಮಾನಸಿಕ ಆರೋಗ್ಯ ಸಮಸ್ಯೆಗಳು ವಿಚ್ಛೇದನಕ್ಕೆ ಕಾರಣವಾಗಬಹುದು. ಈ ಸಂದರ್ಭಗಳಲ್ಲಿ ಜನರು ದುಃಖ ಮತ್ತು ನೋವಿನಿಂದ ತಪ್ಪಿಸಿಕೊಳ್ಳಲು ಸಂಬಂಧವನ್ನೇ ಕಡಿದುಕೊಳ್ಳುತ್ತಾರೆ.
ಬದಲಾಗುತ್ತಿರುವ ಆಸೆ-ಆಕಾಂಕ್ಷೆ: ನಮ್ಮ ಆಕಾಂಕ್ಷೆಗಳು ಮತ್ತು ಆಸೆಗಳು ಬದಲಾಗುತ್ತಲೇ ಇರುತ್ತವೆ. ಈ ಬದಲಾವಣೆಗಳನ್ನು ಗೌರವಿಸದಿದ್ದರೆ ಅದು ಹೆಚ್ಚಾಗಿ ವಂಚನೆಗೆ ಕಾರಣವಾಗುತ್ತದೆ.
ಪ್ರೀತಿಯ ಕೊರತೆ ಮತ್ತು ಒಂಟಿತನ: ಕೆಲವೊಮ್ಮೆ ವ್ಯಕ್ತಿಯು ತನ್ನ ಸಂಬಂಧದಲ್ಲಿ ಪ್ರೀತಿ ಮತ್ತು ಸಮರ್ಪಣೆಯ ಕೊರತೆಯನ್ನು ಅನುಭವಿಸುತ್ತಾನೆ. ಹೀಗಿರುವಾಗ ಅದನ್ನು ಅರಸಿ ಬೇರೆ ಕಡೆ ಹೋಗುತ್ತಾರೆ.
ಸಂಬಂಧದ ಗುಣಮಟ್ಟ: ಸಂಗಾತಿಯು ತಮ್ಮ ಸಂಬಂಧವನ್ನು ಗೌರವಿಸುತ್ತಿಲ್ಲ ಎಂಬ ಭಾವನೆ ಬಂದರೆ ಅದು ಕೂಡ ಅವರನ್ನು ಬೇರೆಡೆಗೆ ಪ್ರಚೋದಿಸಬಹುದು.
ಅನ್ಯೋನ್ಯತೆಯ ಕೊರತೆ: ಸಂಗಾತಿಗಳ ಮಧ್ಯೆ ಅನ್ಯೋನ್ಯತೆ ಇಲ್ಲದಿದ್ದಾಗ ಅದು ಮೋಸಕ್ಕೆ ಕಾರಣವಾಗುತ್ತದೆ. ಅನ್ಯೋನ್ಯತೆಯ ಕೊರತೆಯಿಂದ ದಾಂಪತ್ಯ ಮುರಿದು ಬೀಳುವುದುಂಟು.
ಸಂಗಾತಿಯೊಂದಿಗೆ ಕಳೆಯಲು ಸಮಯದ ಕೊರತೆ: ಅನೇಕ ಬಾರಿ ಕೆಲಸದ ಒತ್ತಡದಿಂದಾಗಿ ಸಂಗಾತಿಯೊಂದಿಗೆ ಸಮಯ ಕಳೆಯಲು ಸಾಧ್ಯವಾಗುವುದಿಲ್ಲ. ಅಂತಹ ಸಂದರ್ಭಗಳಲ್ಲಿ ದಾಂಪತ್ಯ ದ್ರೋಹದ ಮಾರ್ಗವನ್ನು ಆಯ್ಕೆ ಮಾಡಬಹುದು.
ಸ್ಪರ್ಧೆ ಮತ್ತು ನಿರಾಕರಣೆಯ ಭಯ: ಕೆಲವರು ತಮ್ಮ ಸಂಗಾತಿಯೊಂದಿಗೆ ಸ್ಪರ್ಧೆಗಿಳಿಯುತ್ತಾರೆ ಅಥವಾ ಅವರ ನಿರಾಕರಣೆಯ ಭಯವನ್ನು ಅನುಭವಿಸುತ್ತಾರೆ. ಈ ಭಾವನೆಗಳನ್ನು ನಕಾರಾತ್ಮಕ ರೀತಿಯಲ್ಲಿ ಅನುಭವಿಸುವ ಜನರು ಮೋಸ ಮಾಡಬಹುದು.
ಇತರರೊಂದಿಗೆ ಹೋಲಿಕೆ: ಇತರರೊಂದಿಗೆ ಹೋಲಿಕೆ ಮಾಡುವ ಅಭ್ಯಾಸ ದಂಪತಿ ಮಧ್ಯೆ ವಿರಸಕ್ಕೆ ಕಾರಣವಾಗಬಹುದು. ಇದೇ ವಿಚಾರ ವಿಚ್ಛೇದನದವರೆಗೆ ತಲುಪಿದರೂ ಆಶ್ಚರ್ಯವಿಲ್ಲ.
ಬದಲಾವಣೆ: ವ್ಯಕ್ತಿಗಳು ಮತ್ತು ಅವರ ಸಂಬಂಧಗಳು ಕಾಲಾನಂತರದಲ್ಲಿ ಬದಲಾಗುತ್ತವೆ. ಈ ಬದಲಾವಣೆಯನ್ನು ಸರಿಯಾಗಿ ಸ್ವೀಕರಿಸದಿದ್ದರೆ, ಅದು ದ್ರೋಹದ ದಿಕ್ಕಿನಲ್ಲಿ ಹೋಗಬಹುದು.
ಈ ಎಲ್ಲಾ ಕಾರಣಗಳ ಹೊರತಾಗಿಯೂ, ವಂಚನೆಯು ವೈಯಕ್ತಿಕ ನಿರ್ಧಾರವಾಗಿದೆ ಮತ್ತು ಅದರ ಜವಾಬ್ದಾರಿಯು ವಂಚನೆ ಮಾಡಿದ ವ್ಯಕ್ತಿಯ ಮೇಲಿರುತ್ತದೆ. ಸಂಬಂಧದಲ್ಲಿನ ಸಮಸ್ಯೆಗಳಿಗೆ ಪರಿಹಾರಗಳನ್ನು ಕಂಡುಹಿಡಿಯಲು ಇಬ್ಬರೂ ಪರಸ್ಪರ ತಿಳುವಳಿಕೆ ಮತ್ತು ಸಹಕಾರವನ್ನು ತೋರಿಸಬೇಕು.
Loading ...
