ಭಾರತೀಯ ಜೀವ ವಿಮಾ ನಿಗಮವು (ಎಲ್‌ಐಸಿ) ಮಹಿಳೆಯರ ಆರ್ಥಿಕ ಸಬಲೀಕರಣವನ್ನು ಗುರಿಯಾಗಿಟ್ಟುಕೊಂಡು ಹೊಸ ಯೋಜನೆಯೊಂದನ್ನು ತಂದಿದೆ. ಭೀಮಾ ಸಖಿ ಯೋಜನೆ ಎಂಬ ಹೆಸರಿನಲ್ಲಿ ಪ್ರಾರಂಭಿಸಲಾದ ಈ ಯೋಜನೆಯ ಮೂಲಕ ಮಹಿಳೆಯರು ಮನೆಯಲ್ಲೇ ಇದ್ದುಕೊಂಡು ಸ್ಥಿರವಾದ ಮಾಸಿಕ ಆದಾಯವನ್ನು ಗಳಿಸಬಹುದು. ಡಿಸೆಂಬರ್ 2024 ರಲ್ಲಿ ನರೇಂದ್ರ ಮೋದಿ ಸರ್ಕಾರವು ಪ್ರಾರಂಭಿಸಿದ ಈ ಯೋಜನೆಯು ಮಹಿಳೆಯರನ್ನು ಆರ್ಥಿಕವಾಗಿ ಸಬಲಗೊಳಿಸುವುದರ ಜೊತೆಗೆ ಗ್ರಾಮೀಣ ಹಾಗೂ ಕುಗ್ರಾಮಗಳಿಗೂ ವಿಮಾ ಸೇವೆಗಳನ್ನು ವಿಸ್ತರಿಸುವ ಗುರಿಯನ್ನು ಹೊಂದಿದೆ.
ಏನಿದು ಭೀಮಾ ಸಖಿ ಯೋಜನೆ?
ಈ ಯೋಜನೆಯಡಿ ಆಯ್ಕೆಯಾದ ಮಹಿಳೆಯರಿಗೆ ಎಲ್‌ಐಸಿ ವಿಶೇಷ ತರಬೇತಿಯನ್ನು ನೀಡುತ್ತದೆ. ಅವರು ವಿಮಾ ಏಜೆಂಟರಾಗಿ ಕಾರ್ಯನಿರ್వಹಿಸುತ್ತಾ, ಜನರಿಗೆ ಪಾಲಿಸಿಗಳ ಬಗ್ಗೆ ಅರಿವು ಮೂಡಿಸುತ್ತಾರೆ. ಈ ಪ್ರಕ್ರಿಯೆಯಲ್ಲಿ ಅವರಿಗೆ ಸ್ಟೈಪೆಂಡ್ (ಶಿಷ್ಯವೇತನ) ಜೊತೆಗೆ ಕಮಿಷನ್ ಕೂಡ ಸಿಗುತ್ತದೆ.
ಅರ್ಹತೆಗಳು:
- ಕೇವಲ ಮಹಿಳೆಯರು ಮಾತ್ರ ಅರ್ಜಿ ಸಲ್ಲಿಸಬೇಕು.
- ವಯಸ್ಸು 18 ರಿಂದ 70 ವರ್ಷದೊಳಗಿರಬೇಕು.
- ಕನಿಷ್ಠ 10ನೇ ತರಗತಿ ತೇರ್ಗಡೆಯಾಗಿರಬೇಕು.
ಆರ್ಥಿಕ ಪ್ರಯೋಜನಗಳು:
ಈ ಯೋಜನೆಯಡಿ ಆಯ್ಕೆಯಾದ ಮಹಿಳೆಯರಿಗೆ 3 ವರ್ಷಗಳ ಕಾಲ ಸ್ಟೈಪೆಂಡ್ ಸಿಗುತ್ತದೆ.
- ಮೊದಲನೇ ವರ್ಷ: ತಿಂಗಳಿಗೆ 7,000 ರೂ. ಸ್ಟೈಪೆಂಡ್.
- ಎರಡನೇ ವರ್ಷ: ತಿಂಗಳಿಗೆ 6,000 ರೂ. ಸ್ಟೈಪೆಂಡ್. (ಮೊದಲ ವರ್ಷದಲ್ಲಿ ಕನಿಷ್ಠ 65 ಪ್ರತಿಶತ ಪಾಲಿಸಿಗಳನ್ನು ಪೂರ್ಣಗೊಳಿಸಿದರೆ ಮಾತ್ರ ಇದು ಅನ್ವಯಿಸುತ್ತದೆ).
- ಮೂರನೇ ವರ್ಷ: ತಿಂಗಳಿಗೆ 5,000 ರೂ. ಸ್ಟೈಪೆಂಡ್.
- ಕಮಿಷನ್: ಸ್ಟೈಪೆಂಡ್ ಜೊತೆಗೆ ಮೊದಲ ವರ್ಷದಲ್ಲಿ 48,000 ರೂ. ವರೆಗೆ ಕಮಿಷನ್ (ಬೋನಸ್ ಹೊರತುಪಡಿಸಿ) ಪಡೆಯುವ ಅವಕಾಶವಿದೆ.
ಅರ್ಜಿ ಸಲ್ಲಿಸುವ ವಿಧಾನ:
- ಎಲ್‌ಐಸಿಯ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಿ.
- ಮುಖಪುಟದಲ್ಲಿ (ಹೋಮ್ ಪೇಜ್) “Click for Bima Sakhi” (ಕ್ಲಿಕ್ ಫಾರ್ ಭೀಮಾ ಸಖಿ) ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ.
- ಅರ್ಜಿ ನಮೂನೆಯಲ್ಲಿ ನಿಮ್ಮ ವಿವರಗಳನ್ನು ಸರಿಯಾಗಿ ನಮೂದಿಸಿ.
- ಅಗತ್ಯ ದಾಖಲೆಗಳನ್ನು ಅಪ್‌ಲೋಡ್ ಮಾಡಿ ಮತ್ತು ಅರ್ಜಿಯನ್ನು ಸಲ್ಲಿಸಿ.
- ನಿಮ್ಮ ಹತ್ತಿರದ ಎಲ್‌ಐಸಿ ಶಾಖಾ ಕಚೇರಿಗೂ ಭೇಟಿ ನೀಡಿ ಅರ್ಜಿ ಸಲ್ಲಿಸಬಹುದು.
ಅರ್ಜಿ ಸಲ್ಲಿಸಲು ಯಾರು ಅನರ್ಹರು?
- ಪ್ರಸ್ತುತ ಎಲ್‌ಐಸಿ ಏಜೆಂಟರಾಗಿ ಅಥವಾ ಉದ್ಯೋಗಿಗಳಾಗಿ ಕೆಲಸ ಮಾಡುತ್ತಿರುವವರು ಹಾಗೂ ಅವರ ಸಂಬಂಧಿಕರು.
- ನಿವೃತ್ತ ಎಲ್‌ಐಸಿ ಉದ್ಯೋಗಿಗಳು ಮತ್ತು ಮಾಜಿ ಏಜೆಂಟರು.
