ಹಲವಾರು ತಮಿಳು ಮತ್ತು ಕನ್ನಡ ಚಿತ್ರಗಳಲ್ಲಿ ಖಳನಟನಾಗಿ ನಟಿಸಿದ್ದ ನಟ ಕಝಾನ್ ಖಾನ್ ಹೃದಯಾಘಾತದಿಂದ ನಿಧನರಾಗಿದ್ದಾರೆ.
‘ದಿ ಕಿಂಗ್’, ‘ಸಿಐಡಿ ಮೂಸಾ’ ಮುಂತಾದ ಚಿತ್ರಗಳಲ್ಲಿ ನಟಿಸಿದ್ದ ಖಳನಟ ಕಝಾನ್ ಖಾನ್ ಮೃತಪಟ್ಟಿದ್ದಾರೆ. ಪ್ರೊಡಕ್ಷನ್ ಕಂಟ್ರೋಲರ್ ಎನ್ ಎಂ ಬಾದುಷಾ ಅವರು ನಟನ ಸಾವಿನ ಸುದ್ದಿಯನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದಾರೆ.
ಮಮ್ಮುಟ್ಟಿ ಮತ್ತು ಸುರೇಶ್ ಗೋಪಿ ಅಭಿನಯದ ಶಾಜಿ ಕೈಲಾಸ್ ಚಿತ್ರ ‘ದಿ ಕಿಂಗ್’ ನಲ್ಲಿ ವಿಕ್ರಮ್ ಘೋರ್ಪಡೆ ಮತ್ತು ಸಿಐಡಿ ಮೂಸಾದಲ್ಲಿ ಭಯೋತ್ಪಾದಕನ ಪಾತ್ರಗಳಿಗಾಗಿ ನಟ ಹೆಚ್ಚಾಗಿ ಹೆಸರುವಾಸಿಯಾಗಿದ್ದರು. ದಿಲೀಪ್ ನಾಯಕನಾಗಿ ನಟಿಸಿದ ‘ಇವಾನ್ ಮರ್ಯಾದರಾಮನ್’, ‘ದಿ ಡಾನ್’ ಮುಂತಾದ ಚಿತ್ರಗಳಲ್ಲಿಯೂ ಅವರು ಕಾಣಿಸಿಕೊಂಡಿದ್ದರು. ಕಜಾನ್ ಖಾನ್ ಹಲವಾರು ತಮಿಳು ಮತ್ತು ಕನ್ನಡ ಚಿತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ದಿಲೀಪ್ ಸೇರಿದಂತೆ ಹಲವಾರು ಸೆಲೆಬ್ರಿಟಿಗಳು ನಟನ ನಿಧನಕ್ಕೆ ಸಂತಾಪ ಸೂಚಿಸಿದ್ದಾರೆ.
