ಬಾಗಲಕೋಟೆ: ಬಾಗಲಕೋಟೆ ಜಿಲ್ಲೆ ಗುಳೇದಗುಡ್ಡ ತಾಲೂಕಿನ ‘ಜಯಸಿಂಹ’ ಹೆಸರಿನ ಟಗರು ದಾಖಲೆಯ 5 ಲಕ್ಷ ರೂಪಾಯಿಗೆ ಮಾರಾಟವಾಗಿದೆ.
ಟಗರು ಕಾಳಗದಲ್ಲಿ ಅನೇಕ ಬಹುಮಾನ ಗೆದ್ದಿರುವ ಈ ಟಗರು 5 ಲಕ್ಷ ರೂಪಾಯಿಗೆ ಮಾರಾಟವಾಗಿರುವುದು ಎಲ್ಲರ ಹುಬ್ಬೇರುವಂತೆ ಮಾಡಿದೆ. ತೆಗ್ಗಿ ಗ್ರಾಮದ ಬಸವರಾಜ ತೆಗ್ಗಿ ಅವರು ಸಾಕಿರುವ ಈ ಟಗರು ಅನೇಕ ಟಗರು ಕಾಳಗಗಳಲ್ಲಿ 6 ಲಕ್ಷ ರೂಪಾಯಿ ಬಹುಮಾನ, ಬೈಕ್ ಗೆದ್ದಿದೆ.
ಎರಡು ವರ್ಷದ ಹಿಂದೆ ಬಸವರಾಜ ಅವರು 90 ಸಾವಿರ ರೂಪಾಯಿ ನೀಡಿ ಇದನ್ನು ಖರೀದಿಸಿದ್ದರು. ಆರ್.ಎಕ್ಸ್.ವೈ. ಟಗರು ಗ್ರೂಪ್ ನವರು 5 ಲಕ್ಷ ರೂಪಾಯಿ ನೀಡಿ ‘ಜಯಸಿಂಹ’ ಟಗರನ್ನು ಖರೀದಿ ಮಾಡಿದ್ದಾರೆ.
