ಇಸ್ಲಾಮಾಬಾದ್ : ಪಾಕಿಸ್ತಾನದ ಮಾಜಿ ಪ್ರಧಾನಿ ನವಾಜ್ ಷರೀಫ್ ಮತ್ತೊಮ್ಮೆ ಚಂದ್ರಯಾನ -3 ಮಿಷನ್ಗಾಗಿ ಭಾರತವನ್ನು ಶ್ಲಾಘಿಸಿದ್ದಾರೆ. ನಮ್ಮ ನೆರೆಯ ದೇಶವು ಚಂದ್ರನನ್ನು ತಲುಪಿದೆ, ಆದರೆ ಪಾಕಿಸ್ತಾನದಲ್ಲಿರುವ ನಮಗೆ ಇನ್ನೂ ನೆಲದ ಮೇಲೆ ಸರಿಯಾಗಿ ನಿಲ್ಲಲು ಸಾಧ್ಯವಾಗಿಲ್ಲ ಎಂದು ಹೇಳಿದ್ದಾರೆ.
ಪಾಕಿಸ್ತಾನದ ಆರ್ಥಿಕ ಸಂಕಷ್ಟಗಳಿಗೆ ಭಾರತ ಅಥವಾ ಅಮೆರಿಕ ಕಾರಣವಲ್ಲ ನಮ್ಮ ಅವನತಿಗೆ ನಾವೇ ಜವಾಬ್ದಾರರಾಗಿದ್ದೇವೆ, ಇಲ್ಲದಿದ್ದರೆ ಈ ದೇಶವು ಬೇರೆ ಸ್ಥಳಕ್ಕೆ ತಲುಪುತ್ತಿತ್ತು ಎಂದು ಹೇಳಿದರು.
ಇಂದು ಪಾಕಿಸ್ತಾನದ ಪ್ರಧಾನಿ ಭಿಕ್ಷೆ ಬೇಡಲು ದೇಶದಿಂದ ದೇಶಕ್ಕೆ ಅಲೆದಾಡುತ್ತಿದ್ದಾರೆ, ಆದರೆ ಭಾರತವು ಚಂದ್ರನನ್ನು ತಲುಪಿದೆ ಮತ್ತು ಜಿ -20 ಸಭೆಗಳನ್ನು ನಡೆಸುತ್ತಿದೆ. ಭಾರತ ಸಾಧಿಸಿದ್ದನ್ನು ಪಾಕಿಸ್ತಾನ ಏಕೆ ಸಾಧಿಸಲು ಸಾಧ್ಯವಾಗಲಿಲ್ಲ. ಇದಕ್ಕೆ ಇಲ್ಲಿ ಯಾರು ಜವಾಬ್ದಾರರು?” ಎಂದು ಪ್ರಶ್ನಿಸಿದ್ದಾರೆ.
