ನವದೆಹಲಿ-ಡಿಜಿಟಲ್ ಪಾವತಿಗಳಿಗೆ ಉತ್ತೇಜನ ನೀಡುವ ನಿಟ್ಟಿನಲ್ಲಿ ಕೇಂದ್ರ ಹಣಕಾಸು ಸಚಿವಾಲಯದ (ಹಣಕಾಸು ಸೇವೆಗಳ ಇಲಾಖೆ) ಅಡಿಯಲ್ಲಿ ಮಹತ್ವದ ಅಧಿಸೂಚನೆ ಹೊರಬಿದ್ದಿದೆ.
ಪಾವತಿ ಮತ್ತು ಇತ್ಯರ್ಥ ವ್ಯವಸ್ಥೆಗಳ ಕಾಯಿದೆ, 2007 ರ ಸೆಕ್ಷನ್ 10A ರ ಅಡಿಯಲ್ಲಿ ಕೇಂದ್ರ ಸರ್ಕಾರವು ಅಧಿಕೃತವಾಗಿ ಹೊಸ ಆದೇಶವನ್ನು ಜಾರಿಗೊಳಿಸಿದೆ.
ಈ ಹೊಸ ಆದೇಶದ ಪ್ರಕಾರ, ಸಾರ್ವಜನಿಕರು ಡಿಜಿಟಲ್ ಪಾವತಿಗಳನ್ನು ಯಾವುದೇ ಹೆಚ್ಚುವರಿ ಶುಲ್ಕ ಅಥವಾ ತೊಂದರೆಯಿಲ್ಲದೆ ಬಳಸಲು ಅನುಕೂಲವಾಗುವಂತೆ ಕೆಲವು ಪ್ರಮುಖ ಎಲೆಕ್ಟ್ರಾನಿಕ್ ಪಾವತಿ ವಿಧಾನಗಳಿಗೆ ಶುಲ್ಕ ವಿನಾಯಿತಿ ಘೋಷಿಸಲಾಗಿದೆ.
ಯಾವ ವಿಧಾನಗಳಿಗೆ ಅನ್ವಯ?
ಯಾವ ವಿಧಾನಗಳಿಗೆ ಅನ್ವಯ?
RuPay (ರೂಪೇ) ಚಾಲಿತ ಡೆಬಿಟ್ ಕಾರ್ಡ್ ಬಳಕೆ.
ರೂ. 2,000 ವರೆಗಿನ ಯೂನಿಫೈಡ್ ಪೇಮೆಂಟ್ಸ್ ಇಂಟರ್‌ಫೇಸ್ (UPI) ಮೂಲಕ ನಡೆಸುವ ವಹಿವಾಟುಗಳು.
ಶುಲ್ಕ ವಿಧಿಸುವಂತಿಲ್ಲ:
ಡಿಜಿಟಲ್ ಪಾವತಿ ವಿಧಾನಗಳನ್ನು ಬಳಸಿ ಹಣ ಪಾವತಿಸುವ ಅಥವಾ ಸ್ವೀಕರಿಸುವ ಗ್ರಾಹಕರ ಮೇಲೆ ಯಾವುದೇ ಬ್ಯಾಂಕ್ ಅಥವಾ ಸಿಸ್ಟಮ್ ಪ್ರೊವೈಡರ್ (System Provider) ನೇರವಾಗಿ ಅಥವಾ ಪರೋಕ್ಷವಾಗಿ ಯಾವುದೇ ರೀತಿಯ ಶುಲ್ಕವನ್ನು (MDR / Merchant Discount Rate) ವಿಧಿಸುವಂತಿಲ್ಲ.
ಅನೂಕುಲಗಳು
ಅನುಕೂಲಗಳು
ಡಿಜಿಟಲ್ ವ್ಯವಹಾರಗಳನ್ನು ಉತ್ತೇಜಿಸಲು ಮತ್ತು ಸಾಮಾನ್ಯ ಜನರಿಗೆ ಆರ್ಥಿಕ ಹೊರೆ ತಪ್ಪಿಸಲು ಈ ಕ್ರಮ ಕೈಗೊಳ್ಳಲಾಗಿದೆ. ರೂ. 2,000 ವರೆಗಿನ ಸಣ್ಣ ಮೊತ್ತದ ಯುಪಿಐ ಪಾವತಿಗಳು ಮತ್ತು ರೂಪೇ ಕಾರ್ಡ್ ಬಳಕೆ ಸಂಪೂರ್ಣ ಉಚಿತವಾಗಿರಲಿದೆ.
ಸಣ್ಣ ವ್ಯಾಪಾರಿಗಳು ಮತ್ತು ಗ್ರಾಹಕರು ಯಾವುದೇ ಹೆಚ್ಚುವರಿ ಶುಲ್ಕದ ಭೀತಿಯಿಲ್ಲದೆ ಡಿಜಿಟಲ್ ಪಾವತಿಗಳನ್ನು ಮುಕ್ತವಾಗಿ ಸ್ವೀಕರಿಸಲು ಇದು ಸಹಾಯ ಮಾಡುತ್ತದೆ.
ಡಿಜಿಟಲ್ ವಹಿವಾಟುಗಳ ಬಳಕೆಯನ್ನು ಮತ್ತಷ್ಟು ಜನಪ್ರಿಯಗೊಳಿಸಲು ಮತ್ತು ನಗದುರಹಿತ ಆರ್ಥಿಕತೆಯನ್ನು (Cashless Economy) ಸಾಧಿಸಲು ಈ ಅಧಿಸೂಚನೆ ಬಲವಾದ ಹೆಜ್ಜೆಯಾಗಿದೆ.
ಕೇಂದ್ರ ಸರ್ಕಾರದ ಈ ನಿರ್ಧಾರವು ದೇಶದಾದ್ಯಂತ ಡಿಜಿಟಲ್ ಪಾವತಿ ವ್ಯವಸ್ಥೆಗೆ ಮತ್ತಷ್ಟು ಉತ್ತೇಜನ ನೀಡಲಿದ್ದು, ಗ್ರಾಹಕರು ಮತ್ತು ವರ್ತಕರು ಇಬ್ಬರಿಗೂ ದೊಡ್ಡ ಮಟ್ಟದ ಲಾಭ ಒದಗಿಸಿದೆ. ಸರ್ಕಾರದ ಈ ಅಧಿಸೂಚನೆಗೆ ಸಂಬಂಧಿಸಿದ ಹೆಚ್ಚಿನ ಮಾಹಿತಿಗಾಗಿ ಹಣಕಾಸು ಸಚಿವಾಲಯದ ಅಧಿಕೃತ ಆದೇಶ ಸಂಖ್ಯೆ [F. No. 01/05/2025-DP-DFS] ಅನ್ನು ಉಲ್ಲೇಖಿಸಬಹುದಾಗಿದೆ.
