ಬಾಲಿವುಡ್‌ನ ಪ್ರಸಿದ್ಧ ನಟ ಇಮ್ರಾನ್ ಹಶ್ಮಿ ಅವರಿಗೆ ಹಂದಿ ಜ್ವರ (ಎಚ್1ಎನ್‌1) ತಗುಲಿರುವುದು ದೃಢಪಟ್ಟಿದೆ. ಇತ್ತೀಚೆಗೆ ತಮ್ಮ ವೃತ್ತಿಪರ ಕೆಲಸ ಹಾಗೂ ಶೂಟಿಂಗ್‌ಗಾಗಿ ರಾಂಚಿ ಸೇರಿದಂತೆ ವಿವಿಧ ನಗರಗಳಿಗೆ ಪ್ರವಾಸ ಕೈಗೊಂಡಿದ್ದ ಅವರು, ಪ್ರವಾಸದಿಂದ ಹಿಂತಿರುಗಿದ ನಂತರ ತೀವ್ರ ಅನಾರೋಗ್ಯಕ್ಕೆ ಒಳಗಾಗಿದ್ದರು. ಕೆಲವು ದಿನಗಳಿಂದ ಅಸ್ವಸ್ಥರಾಗಿದ್ದ ಅವರಿಗೆ ನಡೆಸಲಾದ ವೈದ್ಯಕೀಯ ಪರೀಕ್ಷೆಯಲ್ಲಿ ಎಚ್1ಎನ್‌1 ಸೋಂಕು ಇರುವುದು ತಿಳಿದುಬಂದಿದೆ.
ಅನಾರೋಗ್ಯದ ಹಿನ್ನೆಲೆಯಲ್ಲಿ ನಟ ಇಮ್ರಾನ್ ಹಶ್ಮಿ ಬೆಂಗಳೂರಿನಲ್ಲಿ ಭಾಗವಹಿಸಬೇಕಿದ್ದ ತಮ್ಮ ಕಾರ್ಯಕ್ರಮವನ್ನು ಮುಂದೂಡಿದ್ದಾರೆ. ಈ ಕುರಿತು ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಅಭಿಮಾನಿಗಳಿಗೆ ಮಾಹಿತಿ ಹಂಚಿಕೊಂಡಿರುವ ಅವರು, ತಮಗೆ ತೀವ್ರ ಅನಾರೋಗ್ಯವಿರುವ ಕಾರಣ ನಿಗದಿತ ಬೆಂಗಳೂರು ಶೋಗೆ ಹಾಜರಾಗಲು ಸಾಧ್ಯವಾಗುತ್ತಿಲ್ಲ ಎಂದು ತಿಳಿಸಿದ್ದಾರೆ.
ಸೋಷಿಯಲ್ ಮೀಡಿಯಾ ಪೋಸ್ಟ್‌ನಲ್ಲಿ ಬರೆದುಕೊಂಡಿರುವ ನಟ, “ಚಿತ್ರ ಇನ್ನೂ ಮುಗಿದಿಲ್ಲ, ಕೇವಲ ಮುಂದೂಡಲ್ಪಟ್ಟಿದೆ ಅಷ್ಟೇ. ಸೆಪ್ಟೆಂಬರ್ 12ರ ಶನಿವಾರದಂದು ಸನ್‌ಬರ್ನ್ ಯೂನಿಯನ್‌ನಲ್ಲಿ ನಿಮ್ಮೆಲ್ಲರನ್ನೂ ಭೇಟಿಯಾಗಲಿದ್ದೇನೆ. ಈಗಾಗಲೇ ಖರೀದಿಸಿರುವ ಟಿಕೆಟ್‌ಗಳು ಹೊಸ ದಿನಾಂಕಕ್ಕೂ ಸಿಂಧುವಾಗಿರುತ್ತವೆ” ಎಂದು ಅಭಯ ನೀಡಿದ್ದಾರೆ.
ಪ್ರಸ್ತುತ ‘ಆವಾರಾಪನ್ 2’ ಚಿತ್ರದಲ್ಲಿ ನಿರತರಾಗಿರುವ ನಟ ಇಮ್ರಾನ್ ಹಶ್ಮಿ ಶೀಘ್ರ ಚೇತರಿಸಿಕೊಳ್ಳಲಿ ಎಂದು ಅವರ ಅಭಿಮಾನಿಗಳು ಹಾರೈಸುತ್ತಿದ್ದಾರೆ.
