ಬೈಜುಸ್ ನ ಹೂಡಿಕೆದಾರರು ನಾಯಕತ್ವ ಬದಲಾವಣೆಗೆ ಮತ ಚಲಾಯಿಸಿದ ಒಂದು ದಿನದ ನಂತರ, ನಾನು ಸಿಇಒ ಆಗಿ ಮುಂದುವರಿಯುತ್ತೇನೆ. ವಜಾ ವದಂತಿಗಳು ನಿಖರವಲ್ಲ ಎಂದು ರವೀಂದ್ರನ್ ಅವರು ಉದ್ಯೋಗಿಗಳಿಗೆ ತಿಳಿಸಿದ್ದಾರೆ.
ದುರಾಡಳಿತ ಮತ್ತು ವೈಫಲ್ಯಗಳ ಆರೋಪದ ಮೇಲೆ ಸಂಸ್ಥಾಪಕ-ಸಿಇಒ ರವೀಂದ್ರನ್ ಮತ್ತು ಅವರ ಕುಟುಂಬವನ್ನು ಮಂಡಳಿಯಿಂದ ತೆಗೆದುಹಾಕಲು ಬೈಜು ಷೇರುದಾರರು (ಪ್ರಮುಖ ಹೂಡಿಕೆದಾರರು) ಶುಕ್ರವಾರ ಮತ ಚಲಾಯಿಸಿದ ಒಂದು ದಿನದ ನಂತರ ಈ ಬೆಳವಣಿಗೆ ನಡೆದಿದೆ.
ರವೀಂದ್ರನ್ ಹೇಳಿದ್ದೇನು?
ಶುಕ್ರವಾರದ ಅಸಾಧಾರಣ ಸಾಮಾನ್ಯ ಸಭೆಯಲ್ಲಿ (ಇಜಿಎಂ) ಸಾಕಷ್ಟು ಅಗತ್ಯ ನಿಯಮಗಳನ್ನು ಉಲ್ಲಂಘಿಸಲಾಗಿದೆ ಎಂದು ರವೀಂದ್ರನ್ ಶನಿವಾರ ಉದ್ಯೋಗಿಗಳಿಗೆ ಬರೆದ ಟಿಪ್ಪಣಿಯಲ್ಲಿ ಆರೋಪಿಸಿದ್ದಾರೆ. ಇದರರ್ಥ ಆ ಸಭೆಯಲ್ಲಿ ಏನು ನಿರ್ಧರಿಸಿದರೂ ಅದು ಲೆಕ್ಕಕ್ಕೆ ಬರುವುದಿಲ್ಲ, ಏಕೆಂದರೆ ಅದು ಸ್ಥಾಪಿತ ನಿಯಮಗಳಿಗೆ ಅಂಟಿಕೊಳ್ಳಲಿಲ್ಲ … ಈ ಇಜಿಎಂ ಅನ್ನು ಪ್ರಹಸನವನ್ನಾಗಿ ಮಾಡುವ ನಿರ್ದಿಷ್ಟ ಸಮಸ್ಯೆಗಳನ್ನು ಪ್ರತಿಯೊಬ್ಬರೂ ಅರ್ಥಮಾಡಿಕೊಳ್ಳುವುದು ಬಹಳ ಮುಖ್ಯ” ಎಂದು ಅವರು ಬರೆದಿದ್ದಾರೆ.
ನಮ್ಮ ಕಂಪನಿಯ ಸಿಇಒ ಆಗಿ ನಾನು ನಿಮಗೆ ಈ ಪತ್ರವನ್ನು ಬರೆಯುತ್ತಿದ್ದೇನೆ. ನೀವು ಮಾಧ್ಯಮಗಳಲ್ಲಿ ಓದಿದಕ್ಕೆ ವ್ಯತಿರಿಕ್ತವಾಗಿ, ನಾನು ಸಿಇಒ ಆಗಿ ಮುಂದುವರಿಯುತ್ತೇನೆ, ನಿರ್ವಹಣೆ ಬದಲಾಗದೆ ಉಳಿದಿದೆ, ಮತ್ತು ಮಂಡಳಿಯು ಒಂದೇ ಆಗಿರುತ್ತದೆ ಎಂದು ಅವರು ಹೇಳಿದರು.
