ಪತಿ-ಪತ್ನಿಯರ ನಡುವಿನ ತೀವ್ರ ವಾಗ್ವಾದದ ವಿಡಿಯೋವೊಂದು ವೈರಲ್ ಆಗಿದ್ದು, ಇದು ಕಾರ್ಯಸ್ಥಳದ ನೀತಿ ಸಂಹಿತೆ ಮತ್ತು ಸಂಬಂಧಗಳ ಗಡಿರೇಖೆಯ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದೆ. ಸಿಂಗಾಪುರದಲ್ಲಿ ಚಿತ್ರೀಕರಿಸಲಾಗಿದೆ ಎನ್ನಲಾದ ಈ ವಿಡಿಯೋದಲ್ಲಿ, ಮಹಿಳೆಯೊಬ್ಬರು ತಮ್ಮ ಪತಿಯನ್ನು ಮನೆಯಿಂದ ಹೊರಹಾಕಿದ್ದಾರೆ, ಏಕೆಂದರೆ ಅವರ ಮಹಿಳಾ ಸಹೋದ್ಯೋಗಿ ಆತನನ್ನು ‘ಬೇಬಿ’ ಎಂದು ಕರೆದಿದ್ದಾರೆ !
ವೈರಲ್ ವಿಡಿಯೋದಲ್ಲಿ, ಆ ವ್ಯಕ್ತಿ ಪಾರ್ಕಿಂಗ್ ಸ್ಥಳದಲ್ಲಿ ನಿಂತಿರುವುದನ್ನು ಕಾಣಬಹುದು, ಆದರೆ ಮಹಿಳೆ ಕಟ್ಟಡದ ಮೊದಲ ಮಹಡಿಯಿಂದ ಆತನಿಗೆ ಜೋರಾಗಿ ಕೂಗಾಡುತ್ತಾಳೆ. ಸಿಟ್ಟಿಗೆದ್ದ ಮಹಿಳೆಯ ಧ್ವನಿ ವಿಡಿಯೋದಲ್ಲಿ ಸ್ಪಷ್ಟವಾಗಿ ಕೇಳಿಸುತ್ತದೆ.
ಮಹಿಳೆ ತನ್ನ ಪತಿಯನ್ನು, “ನಿಮ್ಮ ಮಹಿಳಾ ಸಹೋದ್ಯೋಗಿ ನಿಮ್ಮನ್ನು ಏಕೆ ‘ಬೇಬಿ’ ಎಂದು ಕರೆಯುತ್ತಾರೆ?” ಎಂದು ಪ್ರಶ್ನಿಸುವುದನ್ನು ಕೇಳಬಹುದು. ಆದರೆ ಉತ್ತರಿಸುವ ಬದಲು, ಆ ವ್ಯಕ್ತಿ ತನ್ನ ಧ್ವನಿಯನ್ನು ಕಡಿಮೆ ಮಾಡುವಂತೆ ಕೇಳುತ್ತಾನೆ, ಇದು ಆಕೆಯನ್ನು ಮತ್ತಷ್ಟು ಕೆರಳಿಸುತ್ತದೆ.
“ಎಲ್ಲರಿಗೂ ಕೇಳಿಸಲಿ ಎಂದು ನಾನು ಬಯಸುತ್ತೇನೆ. ನೀವು ನನಗೆ ದ್ರೋಹ ಮಾಡಿದ್ದೀರಿ!” ಎಂದು ಮಹಿಳೆ ಕೂಗಾಡುತ್ತಾಳೆ.
ಆಗ ಆ ವ್ಯಕ್ತಿ, “ಅವಳು ಕಚೇರಿಯಲ್ಲಿ ಎಲ್ಲರನ್ನೂ ‘ಬೇಬಿ’ ಎಂದು ಕರೆಯುತ್ತಾಳೆ” ಎಂದು ಸಮರ್ಥಿಸಿಕೊಳ್ಳುತ್ತಾನೆ.
ಆತ ಹೇಳಿದ ಯಾವ ಮಾತನ್ನೂ ನಂಬದ ಮಹಿಳೆ, ನಂತರ: “ಅವಳು ಎಲ್ಲರನ್ನೂ ‘ಬೇಬಿ’ ಎಂದು ಕರೆಯುತ್ತಾಳಾ? ಖಚಿತವೇ?” ಎಂದು ಕೇಳುತ್ತಾಳೆ.
ನಂತರ ಆ ವ್ಯಕ್ತಿ ಜಗಳ ನಿಲ್ಲಿಸುವಂತೆ ಬೇಡಿಕೊಳ್ಳುತ್ತಾನೆ, ಅದಕ್ಕೆ ಆಕೆ: “ನನಗೆ ಏನು ಮಾಡಬೇಕೆಂದು ನೀನು ಹೇಳಬೇಡ. ನಾನೇ ನಿನಗೆ ಏನು ಮಾಡಬೇಕೆಂದು ಹೇಳುತ್ತೇನೆ” ಎಂದು ಉತ್ತರಿಸುತ್ತಾಳೆ.
ನಂತರ ಆಕೆ ದಿಂಬು ಮತ್ತು ಬೆಡ್ ರೋಲ್ ಅನ್ನು ಕೆಳಗೆ ಎಸೆದು, “ಹೋಗು. ನನ್ನ ಮುಂದೆ ಬರಬೇಡ. ಇವತ್ತು ರಾತ್ರಿ ನಿನ್ನನ್ನು ನೋಡಲು ನನಗೆ ಇಷ್ಟವಿಲ್ಲ” ಎಂದು ಹೇಳುತ್ತಾಳೆ.
ಕ್ಲಿಪ್ನ ಕೊನೆಯಲ್ಲಿ, ಆ ವ್ಯಕ್ತಿ ದಿಂಬು ಮತ್ತು ಬೆಡ್ ರೋಲ್ ಅನ್ನು ತೆಗೆದುಕೊಂಡು ಹೊರಟು ಹೋಗುವುದನ್ನು ಕಾಣಬಹುದು.
ವೈರಲ್ ವಿಡಿಯೋ ಬಗ್ಗೆ ಇಂಟರ್ನೆಟ್ನಲ್ಲಿ ತೀವ್ರ ಚರ್ಚೆ ನಡೆದಿದೆ ಮತ್ತು ಮಹಿಳೆಯ ಕೋಪ ನ್ಯಾಯಸಮ್ಮತ ಎಂದು ಅನೇಕರು ವಾದಿಸಿದ್ದಾರೆ.
“ಕಚೇರಿಯಲ್ಲಿ ಯಾರು ಎಲ್ಲರನ್ನೂ ‘ಬೇಬಿ’ ಎಂದು ಕರೆಯುತ್ತಾರೆ? ಇದು ಅರ್ಥಹೀನ” ಎಂದು ಒಬ್ಬ ಸಾಮಾಜಿಕ ಮಾಧ್ಯಮ ಬಳಕೆದಾರರು ಹೇಳಿದ್ದಾರೆ.
“ಯಾವ ರೀತಿಯ ವ್ಯಕ್ತಿ ಎಲ್ಲರನ್ನೂ ‘ಬೇಬಿ’ ಎಂದು ಕರೆಯುತ್ತಾನೆ? ಅವಳು ಕಚೇರಿಯಲ್ಲಿ ಎಲ್ಲರಿಗೂ ಜನ್ಮ ನೀಡಿದ್ದಾಳಾ?” ಎಂದು ಇನ್ನೊಬ್ಬ ಬಳಕೆದಾರರು ಪ್ರಶ್ನಿಸಿದ್ದಾರೆ.
“ಸರಿ, ಇಲ್ಲಿ ಅವನು ವಂಚನೆ ಮಾಡಿದಾಗ ಅವಳನ್ನು ಕೆಟ್ಟ ವ್ಯಕ್ತಿ ಎಂದು ಬಿಂಬಿಸುವುದು ತಪ್ಪು. ಇಲ್ಲಿ ಅವಳ ಕೋಪ ನ್ಯಾಯಸಮ್ಮತವಾಗಿದೆ” ಎಂದು ಒಬ್ಬ ಬಳಕೆದಾರರು ಅಭಿಪ್ರಾಯಪಟ್ಟಿದ್ದಾರೆ.
