ಬೆಂಗಳೂರು: ಟೆಕ್ಕಿಯೊಬ್ಬರನ್ನು ಹನಿಟ್ರ್ಯಾಪ್ ಖೆಡ್ಡಾಗೆ ಕೆಡವಿ ಲಕ್ಷ ಲಕ್ಷ ಹಣ ದೋಚಿದ್ದ ಗ್ಯಾಂಗ್ ನ್ನು ಬೆಂಗಳೂರಿನ ಯಲಹಂಕ ಪೊಲೀಸರು ಬಂಧಿಸಿದ್ದಾರೆ.
ಬಂಧಿತರನ್ನು ಶರಣಬಸಪ್ಪ, ರಾಜ್ಯ್ ಮಾನೆ, ಶ್ಯಾಮ್ ಸುಂದರ್, ಅಭಿಷೇಕ್ , ಬೀರಬಲ್ ಹಾಗೂ ಸಂಗೀತಾ ಎಂದು ಗುರುತಿಸಲಾಗಿದೆ. ಪಂಬಲ್ ಎಂಬ ಡೇಟಿಂಗ್ ಆಪ್ ನಲ್ಲಿ ಪರಿಚಯವಾದ ಸಂಗೀತಾ ಎಂಬ ಯುವತಿ ಟೆಕ್ಕಿ ರಾಕೇಶ್ ರೆಡ್ಡಿ ಎಂಬಾತನನ್ನು ಬಲಗೆ ಬೀಳಿಸಿಕೊಂಡಿದ್ದಳು. ಪರಿಚಯದ ಮೂಲಕ ರೀಮಿಗೆ ಕರೆದೊಯ್ದು ಮದ್ಯಪಾನ ಮಾಡಿದ್ದಳು. ಈ ಉಳಿದ ಆರೋಪಿಗಳು ಎಂಟ್ರಿ ಕೊಟ್ಟಿದ್ದರು.
ಯುವತಿ ಸಂಗೀತಾ ಅದಾಗಲೇ ಬ್ಯಾಗ್ ನಲ್ಲಿ ಬೇಕಿಂಗ್ ಸೋಡಾ ಇಟ್ಟುಕೊಂಡಿದ್ದಳು, ಪರಿಶೀಲನೆ ನೆಪದಲ್ಲಿ ಆರೋಪಿಗಳು ಸೋಡಾ ತೋರಿಸಿ ಇದು ಡ್ರಗ್ಸ್ ಎಂದು ಬೆದರಿಸಿದ್ದಾರೆ. ಡ್ರಗ್ಸ್ ಪಾರ್ಟಿ ಮಾಡುತ್ತಿದ್ದೀರಾ? ಎಂದು ಹೆದರಿಸಿ ಈ ಬಗ್ಗೆ ಪೊಲೀಸರಿಗೆ ದೂರು ಕೊಡುತ್ತೇವೆ ಎಂದು ಟೆಕ್ಕಿಯನ್ನು ಹೆದರಿಸಿದ್ದಾರೆ. ಡ್ರಗ್ಸ್ ಆರೋಪ ಮಾಡಿ ರಾಕೇಶ್ ರೆಡ್ಡಿಯಿಂದ 2 ಲಕ್ಷ ಹಣ ವಸೂಲಿ ಮಾಡಿದ್ದಾರೆ.
ಹಣ ಕಳೆದುಕೊಂಡು ತಪ್ಪಿಸಿಕೊಂಡು ಬಂದ ರಾಕೇಶ್, ಯಲಹಂಕ ಠಾಣೆಯಲ್ಲಿ ದೂರು ನೀಡಿದ್ದರು. ಪ್ರಕರಣದ ತನಿಖೆ ನಡೆಸಿದ ಪೊಲೀಸರು ಹನಿಟ್ರ್ಯಾಪ್ ಗ್ಯಾಂಗ್ ನ ಆರು ಆರೋಪಿಗಳನ್ನು ಬಂಧಿಸಿದ್ದಾರೆ.
