ಸುರಕ್ಷತೆಯ ದೃಷ್ಟಿಯಿಂದ ಪ್ರತಿಯೊಬ್ಬರೂ ಆರೋಗ್ಯ ವಿಮೆ ಹೊಂದಿರಬೇಕು. ಈಗಾಗ್ಲೇ ಆರೋಗ್ಯ ವಿಮೆಯನ್ನು ತೆಗೆದುಕೊಂಡಿರುವವರಿಗೆ ಅಥವಾ ಭವಿಷ್ಯದಲ್ಲಿ ವಿಮೆ ಮಾಡಿಸುವವರಿಗೆ ವಿಶೇಷ ಮಾಹಿತಿಯಿದೆ. IRDAI ಮಾಸ್ಟರ್ ರೆಗ್ಯುಲೇಟರ್ ನೀಡುವ ಮೂಲಕ ಪಾಲಿಸಿ ತೆಗೆದುಕೊಳ್ಳುವವರಿಗೆ ವಿಶೇಷ ವಿನಾಯಿತಿ ನೀಡಲಾಗಿದೆ. ಆರೋಗ್ಯ ವಿಮೆಯನ್ನು ಸರಳಗೊಳಿಸಲು ವಿಮಾ ನಿಯಂತ್ರಕ IRDAI ಹೊಸ ನಿಯಮಗಳನ್ನು ಹೊರಡಿಸಿದೆ.
ಆರೋಗ್ಯ ವಿಮೆಯ ಪ್ರೀಮಿಯಂ ಅನ್ನು ಕಂತುಗಳಲ್ಲಿ ಪಾವತಿಸಿದರೆ ಗ್ರೇಸ್ ಅವಧಿಯಲ್ಲಿಯೂ ಸಹ ವಿಮಾ ರಕ್ಷಣೆ ಸಿಗಲಿದೆ. ಗ್ರೇಸ್ ಅವಧಿಯ ಈ ಪ್ರಯೋಜನವು ಎಲ್ಲಾ 15 ದಿನಗಳು, ಮಾಸಿಕ, ತ್ರೈಮಾಸಿಕ, ಅರ್ಧ ವಾರ್ಷಿಕ ಅಥವಾ ವಾರ್ಷಿಕ ಕಂತುಗಳಲ್ಲಿ ಲಭ್ಯವಿರುತ್ತದೆ. ಇದರರ್ಥ ಪ್ರೀಮಿಯಂ ಪಾವತಿ ಒಂದು ನಿರ್ದಿಷ್ಟ ಮಿತಿಯೊಳಗೆ ತಡವಾಗಿದ್ದರೆ, ಈ ಅವಧಿಯಲ್ಲಿ ಚಿಕಿತ್ಸೆಯನ್ನು ಪಡೆಯಲು ಸಾಧ್ಯವಾಗುತ್ತದೆ.
ಈ ಹೊಸ ನಿಯಮದಿಂದಾಗಿ ಆರೋಗ್ಯ ವಿಮೆಯ ಪ್ರೀಮಿಯಂ ಪಾವತಿ ದಿನಾಂಕ ಮುಗಿದಿದ್ದರೂ ಚಿಂತಿಸಬೇಕಾಗಿಲ್ಲ. ಹೆಚ್ಚಿನ ಕಂಪನಿಗಳು ಪ್ರೀಮಿಯಂ ಪಾವತಿಸಲು ಹೆಚ್ಚುವರಿ ಸಮಯವನ್ನು ನೀಡುತ್ತವೆ, ಇದನ್ನು ಗ್ರೇಸ್ ಅವಧಿ ಎಂದು ಕರೆಯಲಾಗುತ್ತದೆ. ಈ ಅವಧಿಯಲ್ಲಿ, ಪ್ರೀಮಿಯಂ ಪಾವತಿಸುವ ಮೂಲಕ ವಿಮಾ ರಕ್ಷಣೆಯನ್ನು ಸಕ್ರಿಯವಾಗಿರಿಸಿಕೊಳ್ಳಬಹುದು. ಹಣಕಾಸಿನ ಸಮಸ್ಯೆಗಳಿದ್ದಾಗ ಈ ಅವಧಿಯ ಲಾಭವನ್ನು ಪಡೆಯಬಹುದು. ಈ ಗ್ರೇಸ್ ಅವಧಿಯು ಸಾಮಾನ್ಯವಾಗಿ 15 ರಿಂದ 30 ದಿನಗಳವರೆಗೆ ಇರುತ್ತದೆ. ಎಲ್ಲಾ ಕಂಪನಿಗಳು ತಮ್ಮ ಗ್ರಾಹಕರಿಗೆ ಅಂತಹ ರಿಯಾಯಿತಿಗಳನ್ನು ನೀಡುವುದಿಲ್ಲ. ಆದ್ದರಿಂದ ಷರತ್ತುಗಳನ್ನು ಪರಿಶೀಲಿಸಿ.
ವಿಮಾ ನಿಯಂತ್ರಣ ಸಂಸ್ಥೆ IRDAI ಹೊಸ ನಿಯಮಗಳನ್ನು ತಂದಿದೆ. ಈಗ ಕಂತುಗಳಲ್ಲಿ ಪ್ರೀಮಿಯಂ ಪಾವತಿಸಿದರೂ ರಿಯಾಯಿತಿ ಸಿಗುತ್ತದೆ. ಮಾಸಿಕ ಪ್ರೀಮಿಯಂ ಪಾವತಿಸಿದರೆ 15 ದಿನಗಳ ರಿಯಾಯಿತಿ, ಪ್ರೀಮಿಯಂ ಅನ್ನು ತ್ರೈಮಾಸಿಕ ಅಥವಾ ಅರ್ಧ ವಾರ್ಷಿಕ ಅಥವಾ ವಾರ್ಷಿಕ ಆಧಾರದ ಮೇಲೆ ಪಾವತಿಸಿದರೆ 30 ದಿನಗಳ ರಿಯಾಯಿತಿಯನ್ನು ಪಡೆಯಬಹುದು. ಮೊದಲು ರಿಯಾಯಿತಿ ಅವಧಿಯು ಕಂಪನಿಯಿಂದ ಕಂಪನಿಗೆ ಬದಲಾಗುತ್ತಿತ್ತು. ಆದರೆ ಈಗ IRDAI ಎಲ್ಲರಿಗೂ ಒಂದೇ ಸಮಯದ ಮಿತಿಯನ್ನು ನಿಗದಿಪಡಿಸಿದೆ.
