ನಮ್ಮ ದೇಹದ ಒಟ್ಟಾರೆ ಆರೋಗ್ಯವನ್ನು ತಿಳಿಸುವಲ್ಲಿ ನಾಡಿಮಿಡಿತ (Pulse Rate) ಪ್ರಮುಖ ಪಾತ್ರ ವಹಿಸುತ್ತದೆ. ಜನರು ಸಾಮಾನ್ಯವಾಗಿ ಹೃದಯ ಬಡಿತ (Heart Rate) ಮತ್ತು ನಾಡಿಮಿಡಿತ ಎರಡೂ ಒಂದೇ ಎಂದು ಭಾವಿಸುತ್ತಾರೆ. ಆದರೆ ತಾಂತ್ರಿಕವಾಗಿ ಇವೆರಡಕ್ಕೂ ವ್ಯತ್ಯಾಸವಿದೆ. ಹಾರ್ಟ್ ರೇಟ್ ಎನ್ನುವುದು ಒಂದು ನಿಮಿಷಕ್ಕೆ ಹೃದಯ ಎಷ್ಟು ಬಾರಿ ಬಡಿಯುತ್ತದೆ ಎಂಬುದನ್ನು ಸೂಚಿಸಿದರೆ, ನಾಡಿಮಿಡಿತವು ಅಪಧಮನಿಗಳಲ್ಲಿ ರಕ್ತದ ಹರಿವಿನಿಂದ ಉಂಟಾಗುವ ಒತ್ತಡವನ್ನು ಸೂಚಿಸುತ್ತದೆ.
ಬ್ರಾಡಿಕಾರ್ಡಿಯಾ ಮತ್ತು ಟಾಕಿಕಾರ್ಡಿಯಾ ಎಂದರೆ ಏನು?
ನಾಡಿಮಿಡಿತದ ವೇಗದಲ್ಲಿ ವ್ಯತ್ಯಾಸವಾದಾಗ ವೈದ್ಯಕೀಯ ಲೋಕದಲ್ಲಿ ಅವುಗಳನ್ನು ಎರಡು ಭಾಗಗಳಾಗಿ ವಿಂಗಡಿಸಲಾಗುತ್ತದೆ:
ಟಾಕಿಕಾರ್ಡಿಯಾ (Tachycardia): ವಿಶ್ರಾಂತಿ ಸ್ಥಿತಿಯಲ್ಲಿದ್ದಾಗಲೂ ಹೃದಯ ಬಡಿತ ನಿಮಿಷಕ್ಕೆ 100 bpm ಗಿಂತ ಹೆಚ್ಚಿದ್ದರೆ ಅದನ್ನು ಟಾಕಿಕಾರ್ಡಿಯಾ ಎನ್ನಲಾಗುತ್ತದೆ. ಇದು ಅತಿಯಾದ ಒತ್ತಡ ಅಥವಾ ವಿದ್ಯುತ್ ಸಿಗ್ನಲಿಂಗ್ ಸಮಸ್ಯೆಯಿಂದ ಉಂಟಾಗಬಹುದು.
ಬ್ರಾಡಿಕಾರ್ಡಿಯಾ (Bradycardia): ಹೃದಯ ಬಡಿತ ನಿಮಿಷಕ್ಕೆ 60 bpm ಗಿಂತ ಕಡಿಮೆಯಿದ್ದರೆ ಅದನ್ನು ಬ್ರಾಡಿಕಾರ್ಡಿಯಾ ಎನ್ನಲಾಗುತ್ತದೆ. ಕ್ರೀಡಾಪಟುಗಳಲ್ಲಿ ಅಥವಾ ಗಾಢ ನಿದ್ರೆಯಲ್ಲಿ ಇದು ಸಾಮಾನ್ಯವಾಗಿದ್ದರೂ ಇತರರಲ್ಲಿ ಇದು ನಿಶ್ಯಕ್ತಿಗೆ ಕಾರಣವಾಗಬಹುದು.
ವಯಸ್ಸಿಗೆ ಅನುಗುಣವಾಗಿ ಸಾಮಾನ್ಯ ನಾಡಿಮಿಡಿತದ ಪಟ್ಟಿವಯಸ್ಸು ಮತ್ತು ದೈಹಿಕ ಶ್ರಮಕ್ಕೆ ಅನುಗುಣವಾಗಿ ನಾಡಿಮಿಡಿತ ಬದಲಾಗುತ್ತದೆ.
ಮಕ್ಕಳು ಮತ್ತು ಹದಿಹರೆಯದವರು:ವಯಸ್ಸುಸಾಮಾನ್ಯ ನಾಡಿಮಿಡಿತ (bpm)ನವಜಾತ ಶಿಶುಗಳು70 – 190
1 ರಿಂದ 10 ವರ್ಷ70 – 190
11 ರಿಂದ 17 ವರ್ಷ60 – 100
18 ರಿಂದ 21 ವರ್ಷ56 – 65
ಯುವಕರಿಂದ ವೃದ್ಧರವರೆಗೆ (ಸರಾಸರಿ):ವಯಸ್ಸಿನ ಗುಂಪುಸಾಮಾನ್ಯ ವ್ಯಾಪ್ತಿ (bpm)
21 ರಿಂದ 30 ವರ್ಷ55 – 66
31 ರಿಂದ 40 ವರ್ಷ57 – 67
41 ರಿಂದ 60 ವರ್ಷ56 – 65
65 ವರ್ಷಕ್ಕಿಂತ ಮೇಲ್ಪಟ್ಟವರು56 – 65
ನಾಡಿಮಿಡಿತವನ್ನು ಯಾವಾಗ ಮತ್ತು ಹೇಗೆ ಪರೀಕ್ಷಿಸಬೇಕು?
ನಿಖರವಾದ ಫಲಿತಾಂಶಕ್ಕಾಗಿ ಆರೋಗ್ಯ ತಜ್ಞರು ಕೆಲವು ಸಲಹೆಗಳನ್ನು ನೀಡಿದ್ದಾರೆ:
ಬೆಳಗಿನ ಸಮಯ ಉತ್ತಮ: ಬೆಳಿಗ್ಗೆ ಎದ್ದ ತಕ್ಷಣ, ಯಾವುದೇ ದೈಹಿಕ ಚಟುವಟಿಕೆ ಮಾಡುವ ಮುನ್ನ ನಾಡಿ ಪರೀಕ್ಷಿಸುವುದು ಅತ್ಯಂತ ನಿಖರವಾದ ರೆಸ್ಟಿಂಗ್ ಹಾರ್ಟ್ ರೇಟ್ ನೀಡುತ್ತದೆ.
ಸುರಕ್ಷಿತ ವಲಯ: ನಿಮ್ಮ ನಾಡಿಮಿಡಿತ 60 ರಿಂದ 90 bpm ನಡುವೆ ಇದ್ದರೆ ನೀವು ಆರೋಗ್ಯವಾಗಿದ್ದೀರಿ ಎಂದರ್ಥ.
ಎಚ್ಚರಿಕೆ: ಒಂದು ವೇಳೆ ವಿಶ್ರಾಂತಿಯಲ್ಲಿದ್ದಾಗಲೂ ನಿಮ್ಮ ನಾಡಿಮಿಡಿತ 90 ಕ್ಕಿಂತ ಹೆಚ್ಚಿದ್ದರೆ ಅಥವಾ ಸತತವಾಗಿ ಏರುಪೇರಾಗುತ್ತಿದ್ದರೆ ತಕ್ಷಣ ವೈದ್ಯರನ್ನು ಸಂಪರ್ಕಿಸುವುದು ಉತ್ತಮ.
