ಅಹಮದಾಬಾದ್: ವಿಲಕ್ಷಣ ಘಟನೆಯೊಂದರಲ್ಲಿ 31 ವರ್ಷದ ವ್ಯಕ್ತಿಯೊಬ್ಬ ಸೋಮವಾರ ಮುಂಜಾನೆ ಹೋಟೆಲ್ನ ನಾಲ್ಕನೇ ಮಹಡಿಗೆ ಪೈಪ್ ಮೂಲಕ ಹತ್ತಿ ಬಂದು ಲೈಂಗಿಕತೆಗೆ ಬೇಡಿಕೆ ಇಟ್ಟಿದ್ದಾನೆ. ಮಹಿಳೆ ವಿರೋಧಿಸಿದಾಗ ಕಿರುಕುಳ ನೀಡಿದ್ದಾನೆ.
ಮಹಿಳೆ ಅಹಮದಾಬಾದ್ನ ನರೋಡಾದಲ್ಲಿರುವ ಹೋಟೆಲ್ ಗೆ ಪ್ರವೇಶಿಸುವುದನ್ನು ಆರೋಪಿ ನೋಡಿದ್ದಾನೆ. ನಂತರ ಅವನು ಆಕೆಯ ಕೋಣೆಗೆ ಏರಲು ನಿರ್ಧರಿಸಿದ್ದಾನೆ.
ನರೋಡಾ ಪೊಲೀಸ್ ಠಾಣೆಯಲ್ಲಿ ದಾಖಲಿಸಿದ ಎಫ್ಐಆರ್ ನಲ್ಲಿ, 26 ವರ್ಷದ ಮಹಿಳೆ ತಮ್ಮ ಮನೆ ನವೀಕರಿಸುತ್ತಿದ್ದ ಕಾರಣ ತನ್ನ ಪತಿಯೊಂದಿಗೆ ನರೋಡಾ-ಮುಥಿಯಾ ಪ್ರದೇಶದ ಹೋಟೆಲ್ ನಲ್ಲಿ ತಂಗಿದ್ದಾಗಿ ತಿಳಿಸಿದ್ದಾರೆ.
ಸೋಮವಾರ ಮುಂಜಾನೆ 3:30 ರ ಸುಮಾರಿಗೆ ಮಹಿಳೆಯ ಪತಿ ಹೋಟೆಲ್ ನಿಂದ ಹೊರಬಂದಾಗ, ಆಕೆಯ ಕೋಣೆಯ ಕಿಟಕಿಯಲ್ಲಿ ಯಾರೋ ಗಮನಿಸಿದಂತಾಗಿದೆ. ಇದ್ದಕ್ಕಿದ್ದಂತೆ, ಒಬ್ಬ ವ್ಯಕ್ತಿ ಒಳಗೆ ಜಿಗಿದು ತನ್ನೊಂದಿಗೆ ಲೈಂಗಿಕ ಸಂಬಂಧ ಹೊಂದಲು ಒತ್ತಾಯಿಸಿದ್ದಾನೆ. ಪ್ರತಿರೋಧ ತೋರಿದಾಗ ಆರೋಪಿ ಆಕೆಗೆ ಕಿರುಕುಳ ನೀಡಿದ್ದಾನೆ ಎನ್ನಲಾಗಿದೆ.
ಆಕೆ ಸಹಾಯಕ್ಕಾಗಿ ಕರೆ ಮಾಡುತ್ತಾ ಕೋಣೆಯಿಂದ ಹೊರಗೆ ಓಡಿಹೋದಳು. ಹೋಟೆಲ್ ಸಿಬ್ಬಂದಿ ಮತ್ತು ಅವಳ ಪತಿ ಅವಳನ್ನು ರಕ್ಷಿಸಲು ಧಾವಿಸಿದ್ದಾರೆ. ಎಫ್ಐಆರ್ ಪ್ರಕಾರ, ಆ ವ್ಯಕ್ತಿ ಪತಿ ಮೇಲೂ ಹಲ್ಲೆ ನಡೆಸಿದ್ದಾನೆ.
ನರೋಡಾ ಪೊಲೀಸ್ ತಂಡವು ಹೋಟೆಲ್ ಸಿಬ್ಬಂದಿಯೊಬ್ಬರಿಂದ ಕರೆ ಸ್ವೀಕರಿಸಿದ ನಂತರ ಹೋಟೆಲ್ ಗೆ ಧಾವಿಸಿ ಬಂದು ಆರೋಪಿಯನ್ನು ಬಂಧಿಸಿದ್ದಾರೆ. ಆತನನ್ನು ಸರ್ದಾರ್ ನಗರ ನಿವಾಸಿ ಪಾರ್ತ್ ಪಟೇಲ್ ಎಂದು ಗುರುತಿಸಲಾಗಿದೆ.
ಪಟೇಲ್ ಮೇಲೆ ಹಲ್ಲೆ ಮತ್ತು ಕಿರುಕುಳದ ಆರೋಪವಿದೆ. ಆರೋಪಿ ದಿನಗೂಲಿ ಕಾರ್ಮಿಕನಾಗಿದ್ದಾನೆ. ಮಹಿಳೆಯನ್ನು ಬಹಳ ಸಮಯದಿಂದ ಆತ ಗಮನಿಸುತ್ತಿದ್ದ ಎಂದು ನರೋಡಾ ಪೊಲೀಸ್ ಇನ್ಸ್ಪೆಕ್ಟರ್ ಎಸ್ಜೆ ಭಾಟಿಯಾ ಹೇಳಿದ್ದಾರೆ.
