ವಿದ್ಯುತ್ ತಂತಿ ತಗುಲಿ ಹಿಂಡಿನಲ್ಲಿದ್ದ ‘ಕಾಡಾನೆ’ ಸಾವು: ಸ್ಥಳದಲ್ಲೇ ಬೀಡು ಬಿಟ್ಟ ‘ಗಜಪಡೆ’: 11 ಗ್ರಾಮಗಳಲ್ಲಿ ನಿಷೇಧಾಜ್ಞೆ ಜಾರಿ

ಚಿಕ್ಕಮಗಳೂರು: 24 ಕಾಡಾನೆಗಳ ಹಿಂಡಿದಲ್ಲಿದ್ದ ಸಲಗ ವಿದ್ಯುತ್ ತಂತಿ ತುಳಿದು ಮೃತಪಟ್ಟಿದ್ದು, ನಿನ್ನೆ ಮಧ್ಯಾಹ್ನದಿಂದಲೂ ಕಾಡಾನೆಗಳು ಸ್ಥಳದಲ್ಲೇ ಬಿಡು ಬಿಟ್ಟಿವೆ. ಮುಂಜಾಗ್ರತೆ ಕ್ರಮವಾಗಿ ಗ್ರಾಮದಲ್ಲಿ 11 ಗ್ರಾಮದಲ್ಲಿ ನಿಷೇಧಾಜ್ಞೆ ಜಾರಿ ಮಾಡಲಾಗಿದೆ.

ಚಿಕ್ಕಮಗಳೂರಿನಲ್ಲಿ ವಿದ್ಯುತ್ ಶಾಕ್ ನಿಂದ ಒಂಟಿ ಸಲಗ ಮೃತಪಟ್ಟಿದೆ. ಮೃತಪಟ್ಟ ವಿಕ್ರಾಂತ್ ಆನೆಯ ಬಳಿ 23 ಕಾಡಾನೆಗಳು ನಿಂತಿವೆ. ಚಿಕ್ಕಮಗಳೂರು ತಾಲೂಕಿನ ಆಲ್ದೂರುಪುರ ಗ್ರಾಮದಲ್ಲಿ ಘಟನೆ ನಡೆದಿದೆ.

ನಿನ್ನೆ ಮಧ್ಯಾಹ್ನದಿಂದಲೂ ಅದೇ ಸ್ಥಳದಲ್ಲಿ ಗಜಪಡೆ ಅಲ್ಲೇ ಉಳಿದಿದ್ದು, ಸ್ಥಳಕ್ಕೆ ಅರಣ್ಯ ಇಲಾಖೆ ಅಧಿಕಾರಿಗಳು ಭೇಟಿ ನೀಡಿದ್ದಾರೆ. ಹೊಸಹಳ್ಳಿ, ತೋರಣಮಾವು, ಚಿತ್ತವಳ್ಳಿ ಸೇರಿದಂತೆ 11 ಗ್ರಾಮಗಳಲ್ಲಿ ನಿಷೇಧಾಜ್ಞೆ ಜಾರಿ ಮಾಡಲಾಗಿದೆ.

ಸಾವನ್ನಪ್ಪಿದ ಒಂಟಿ ಸಲಗದ ಬಳಿಯೇ 23 ಆನೆಗಳಿದ್ದು, ಅರಣ್ಯ ಇಲಾಖೆ ಸಿಬ್ಬಂದಿ ಮೇಲೆ ದಾಳಿಗೆ ಯತ್ನಿಸಿವೆ. ಕಾಡಾನೆಗಳು ತೆರಳುಗುವವರೆಗೆ ಸ್ಥಳಕ್ಕೆ ಹೋಗದಂತೆ ಸೂಚನೆ ನೀಡಲಾಗಿದೆ.