ವೈದ್ಯಕೀಯ ಲೋಕದಲ್ಲಿ ಒಂದಿಲ್ಲೊಂದು ಹೊಸ ಹೊಸ ಆವಿಷ್ಕಾರಗಳಾಗುತ್ತಲೇ ಇರುತ್ತವೆ. ಇದೀಗ ತಂಜಾವೂರು ಖಾಸಗಿ ಆಸ್ಪತ್ರೆಯ ವೈದ್ಯರು ಅದ್ಭುತ ಸಾಧನೆ ಮಾಡಿದ್ದಾರೆ. 14 ವರ್ಷದ ಬಾಲಕಿಯ ಶ್ವಾಸಕೋಶದಲ್ಲಿದ್ದ 4 ಸೆಂಮೀ ಉದ್ದದ ಸೂಜಿಯನ್ನು ಕೇವಲ ಮೂರೂವರೆ ನಿಮಿಷಗಳಲ್ಲಿ ಹೊರತೆಗೆದಿದ್ದಾರೆ. ಈ ಪ್ರಕ್ರಿಯೆಗೆ ವೈದ್ಯರು ಚಾಕು ಸಹ ಬಳಸಿಲ್ಲ ಎಂಬುದು ಗಮನಾರ್ಹ.
ಡ್ರೆಸ್ಸಿಂಗ್ ಮಾಡುವ ಸಂದರ್ಭದಲ್ಲಿ ಬಾಲಕಿ ಆಕಸ್ಮಿಕವಾಗಿ ಸೂಜಿಯನ್ನು ನುಂಗಿಬಿಟ್ಟಿದ್ದಳು. ಚಾಕು ಮತ್ತು ಕತ್ತರಿಯಂತಹ ಸಾಧನಗಳನ್ನು ಬಳಸದೆ ಆಧುನಿಕ ಬ್ರಾಂಕೋಸ್ಕೋಪಿ ಎಂಬ ವಿಧಾನದ ಮೂಲಕ ವೈದ್ಯರು ತಕ್ಷಣವೇ ಈ ಸೂಜಿಯನ್ನು ಹೊರತೆಗೆದಿದ್ದಾರೆ. ತಮಿಳುನಾಡಿನ ತಂಜಾವೂರು ಆಸ್ಪತ್ರೆಯಲ್ಲಿ ನಡೆದ ಘಟನೆ ಇದು. ವೈದ್ಯರ ಕಾರ್ಯವೈಖರಿ ಮತ್ತು ಸಮಯ ಪ್ರಜ್ಞೆ ಬಗ್ಗೆ ಅಪಾರ ಮೆಚ್ಚುಗೆ ವ್ಯಕ್ತವಾಗಿದೆ. ಚಿಕಿತ್ಸೆಯ ವಿಡಿಯೋ ಕೂಡ ಜಾಲತಾಣದಲ್ಲಿ ವೈರಲ್ ಆಗಿದೆ.
VIDEO | Doctors of a private hospital in Tamil Nadu's Thanjavur have set a record by removing a four-cm-long needle from a 14-year-old girl's lung without using a knife in three and a half minutes. The girl had swallowed the needle while dressing.
Doctors of the hospital used a… pic.twitter.com/dvSvQz2hJ7
— Press Trust of India (@PTI_News) May 28, 2024
