ಬೆಂಗಳೂರು ದಕ್ಷಿಣ ಜಿಲ್ಲೆ ರಾಮನಗರದ ಚಾಮುಂಡೇಶ್ವರಿ ಕರಗ ಮಹೋತ್ಸವದಲ್ಲಿ ನಟ ದರ್ಶನ್ ಅಭಿಮಾನಿಗಳ ವಿರುದ್ಧ ಸಿಎಂ ಡಿ.ಕೆ. ಶಿವಕುಮಾರ್ ಗರಂ ಆಗಿದ್ದಾರೆ.
ಸಿಎಂ ಡಿ.ಕೆ. ಶಿವಕುಮಾರ್ ಭಾಷಣದ ವೇಳೆ ‘ಡಿ ಬಾಸ್’ ಎಂದು ಘೋಷಣೆ ಕೂಗಲಾಗಿದ್ದು, ಇದಕ್ಕೆ ಸಿಎಂ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ನಿಮ್ಮ ಭಾವನೆ ಅರ್ಥವಾಗಿದೆ. ಸುಮ್ಮನಿರಿ. ಡಿ ಬಾಸ್ ಕಟ್ಟಿಕೊಂಡೇ ಹೋಗಿ ಎಂದು ಸಿಟ್ಟಾಗಿ ಭಾಷಣ ನಿಲ್ಲಿಸಿದ್ದಾರೆ.
ರಾಮನಗರದಲ್ಲಿ ನಡೆದ ಕರಗ ಕಾರ್ಯಕ್ರಮದಲ್ಲಿ ದರ್ಶನ್ ಅಭಿಮಾನಿಗಳು ಡಿ ಬಾಸ್ ಎಂದು ಘೋಷಣೆ ಕೂಗಿದ್ದು, ನಿಮ್ಮ ಭಾವನೆ ಅರ್ಥ ಆಗಿದೆ. ಎಲ್ಲಾ ಹೇಳಲು ಆಗಲ್ಲ, ಪಬ್ಲಿಕ್ ಆಗಿ ಏನೂ ಹೇಳಲಾಗುವುದಿಲ್ಲ, ಸುಮ್ಮನಿರಿ ಎಂದು ಸಿಎಂ ಡಿ.ಕೆ. ತಿಳಿಸಿದ್ದಾರೆ.
ಇದು ಪವಿತ್ರ ಸಭೆಯಾಗಿದೆ. ನಿಮ್ಮ ಅಭಿಮಾನ ಗೌರವಿಸುತ್ತೇನೆ. ಕೋರ್ಟ್ ವಿಚಾರದಲ್ಲಿ ನನ್ನ ಮೇಲೆ ಒತ್ತಡ ಹೇರಬೇಡಿ. ನಾನು ಮುಖ್ಯಮಂತ್ರಿ ಆಗಿರಬಹುದು, ಆದರೆ ರಾಮನಗರದ ಮಗ. ಡಿ.ಕೆ. ಶಿವಕುಮಾರ್ ಒತ್ತಡಕ್ಕೆ ಮಣಿಯುತ್ತಿದ್ದಾನೆ ಎನ್ನುತ್ತಾರೆ. ನಾನು ಹೇಗೆ ದೇವರಲ್ಲಿ ಪ್ರಾರ್ಥನೆ ಮಾಡಿದೆನೋ ನೀವು ಹಾಗೆ ದೇವರಲ್ಲಿ ಪ್ರಾರ್ಥನೆ ಮಾಡಿ ಎಂದು ಅಭಿಮಾನಿಗಳಿಗೆ ಕಿವಿ ಮಾತು ಹೇಳಿದ್ದಾರೆ. ಅಭಿಮಾನಿಗಳು ಸುಮ್ಮನಾಗದ ಕಾರಣ ಗರಂ ಆಗಿ ಭಾಷಣ ನಿಲ್ಲಿಸಿದ್ದಾರೆ.
