ಬೆಂಗಳೂರು: ಭಾರತೀಯ ಆಟೋಮೊಬೈಲ್ ಮಾರುಕಟ್ಟೆಯಲ್ಲಿ ತನ್ನ ಅತ್ಯುತ್ತಮ ರೈಡಿಂಗ್ ಕಂಫರ್ಟ್ ಹಾಗೂ ವಿಶಿಷ್ಟ ವಿನ್ಯಾಸದ ಮೂಲಕ ಗ್ರಾಹಕರ ಗಮನ ಸೆಳೆದಿರುವ ಫ್ರೆಂಚ್ ಕಾರು ತಯಾರಕ ಕಂಪನಿ ಸಿಟ್ರನ್ ತನ್ನ 108ನೇ ವಾರ್ಷಿಕೋತ್ಸವದ ಸಂಭ್ರಮದಲ್ಲಿದೆ. ಈ ವಿಶೇಷ ದಿನದ ನೆನಪಿಗಾಗಿ ಭಾರತೀಯ ಕಾರು ಪ್ರಿಯರಿಗೆ ಮತ್ತೊಂದು ಭರ್ಜರಿ ಕೊಡುಗೆ ನೀಡಿದ್ದು, ತನ್ನ ಜನಪ್ರಿಯ ಬಸಾಲ್ಟ್ ಸರಣಿಯಲ್ಲಿ ‘ಬಸಾಲ್ಟ್ X ಕಂಫರ್ಟ್ ಎಡಿಷನ್’ ಕಾರನ್ನು ಅಧಿಕೃತವಾಗಿ ಬಿಡುಗಡೆ ಮಾಡಿದೆ.
ಇತ್ತೀಚೆಗಷ್ಟೇ ಮಾರುಕಟ್ಟೆಯಲ್ಲಿ ಯಶಸ್ಸು ಕಂಡಿದ್ದ ‘ಏರ್ಕ್ರಾಸ್ ಕಂಫರ್ಟ್ ಎಡಿಷನ್’ ಹಾದಿಯಲ್ಲೇ ಹೊರಬಂದಿರುವ ಈ ಹೊಸ ಆವೃತ್ತಿಯು ಆರಂಭಿಕ ₹8.75 ಲಕ್ಷ (ಎಕ್ಸ್-ಶೋರೂಂ) ಆಕರ್ಷಕ ಬೆಲೆಯಲ್ಲಿ ಲಭ್ಯವಿದೆ. ಕಾರಿನ ಟಾಪ್-ಎಂಡ್ ವೇರಿಯಂಟ್ಗಳಿಗೆ ಮಾತ್ರ ಸೀಮಿತವಾಗಿದ್ದ ಐಷಾರಾಮಿ ಸೌಲಭ್ಯಗಳನ್ನು ಈಗ ಬೇಸ್ ಮತ್ತು ಮಿಡ್-ವೇರಿಯಂಟ್ಗಳಿಗೂ ವಿಸ್ತರಿಸಿರುವುದು ಈ ಆವೃತ್ತಿಯ ಅತ್ಯಂತ ದೊಡ್ಡ ವೈಶಿಷ್ಟ್ಯವಾಗಿದೆ.
ಪ್ರೀಮಿಯಂ ಇಂಟೀರಿಯರ್ಸ್ ಮತ್ತು ಸ್ಮಾರ್ಟ್ ಫೀಚರ್ಸ್
ಬಸಾಲ್ಟ್ ಎಕ್ಸ್ ಕಂಫರ್ಟ್ ಎಡಿಷನ್ ಕಾರಿನ ಕ್ಯಾಬಿನ್ ವಿನ್ಯಾಸವನ್ನು ಇನ್ನಷ್ಟು ಐಷಾರಾಮಿಯಾಗಿ ರೂಪಿಸಲಾಗಿದೆ. ಇದರ ಎಲ್ಲಾ ವೇರಿಯಂಟ್ಗಳಲ್ಲೂ ‘ಮೆಟ್ರೋಪಾಲಿಟನ್ ಬೀಜ್ ಲೆದರೆಟ್ ಸೀಟ್’ಗಳನ್ನು ಸ್ಟ್ಯಾಂಡರ್ಡ್ ಆಗಿ ನೀಡಲಾಗಿದ್ದು, ಇದು ಪ್ರಯಾಣಿಕರಿಗೆ ಅತ್ಯುತ್ತಮ ಆರಾಮದಾಯಕ ಅನುಭವವನ್ನು ನೀಡಲಿದೆ.
ಇದರ ಜೊತೆಗೆ, ಗ್ರಾಹಕರ ದಿನನಿತ್ಯದ ಅಗತ್ಯಗಳಿಗೆ ತಕ್ಕಂತೆ ಕಾರನ್ನು ಪರ್ಸನಲೈಸ್ ಮಾಡಿಕೊಳ್ಳಲು ‘ಕಂಫರ್ಟ್ ಎಎಕ್ಸ್ಎಸ್ ಪ್ಯಾಕ್ಸ್’ ಎಂಬ ವಿಶೇಷ ಆಕ್ಸೆಸರೀಸ್ ಆಯ್ಕೆಯನ್ನು ನೀಡಲಾಗಿದೆ.
ಈ ಪ್ಯಾಕ್ ಮೂಲಕ ಗ್ರಾಹಕರು:
ಜೆಬಿಎಲ್ ಪ್ರೀಮಿಯಂ ಆಡಿಯೋ ಸಿಸ್ಟಮ್
ಪ್ರೆಡಿಕ್ಟಿವ್ ಸೇಫ್ಟಿ ಅಲರ್ಟ್ಗಳನ್ನು ಒಳಗೊಂಡಿರುವ ಫ್ರಂಟ್ ಮತ್ತು ಕ್ಯಾಬಿನ್ ಡ್ಯಾಶ್ ಕ್ಯಾಮೆರಾ
ರಿವರ್ಸ್ ಪಾರ್ಕಿಂಗ್ ಕ್ಯಾಮೆರಾ
ವೈರ್ಲೆಸ್ ಚಾರ್ಜರ್
10-ಇಂಚಿನ ಆಂಡ್ರಾಯ್ಡ್ ಟಚ್ಸ್ಕ್ರೀನ್
ಹೀಗೆ ಹತ್ತು-ಹಲವು ತಂತ್ರಜ್ಞಾನ ಆಧಾರಿತ ಫೀಚರ್ಸ್ಗಳನ್ನು ತಮ್ಮ ಕಾರಿಗೆ ಸೇರಿಸಿಕೊಳ್ಳಬಹುದು. ದೈನಂದಿನ ನಗರದ ಟ್ರಾಫಿಕ್ ಇರಲಿ ಅಥವಾ ಹೆದ್ದಾರಿಗಳ ಸುದೀರ್ಘ ಪ್ರಯಾಣವಿರಲಿ, ಈ ಫೀಚರ್ಸ್ಗಳು ಪ್ರಯಾಣವನ್ನು ಮತ್ತಷ್ಟು ಸುಲಭ ಮತ್ತು ಆನಂದದಾಯಕವಾಗಿಸಲಿವೆ.
ಗ್ರಾಹಕರ ಕಂಫರ್ಟ್ಗೆ ಮೊದಲ ಆದ್ಯತೆ
ಹೊಸ ಎಡಿಷನ್ ಬಿಡುಗಡೆಯ ಕುರಿತು ವಿವರ ಹಂಚಿಕೊಂಡಿರುವ ಸ್ಟೆಲ್ಲಾಂಟಿಸ್ ಇಂಡಿಯಾದ ಆಟೋಮೋಟಿವ್ ಬ್ರ್ಯಾಂಡ್ಸ್ ವಿಭಾಗದ ಬ್ಯುಸಿನೆಸ್ ಹೆಡ್ ಮತ್ತು ಡೈರೆಕ್ಟರ್ ಕುಮಾರ್ ಪ್ರಿಯೇಶ್, ಕಂಫರ್ಟ್ ಎಂಬುದು ಸಿಟ್ರನ್ನ ಕೇಂದ್ರಬಿಂದುವಾಗಿದೆ. ಕಂಪನಿಯು 108ನೇ ವಾರ್ಷಿಕೋತ್ಸವವನ್ನು ಆಚರಿಸುತ್ತಿರುವ ಈ ಸಂದರ್ಭದಲ್ಲಿ, ಭಾರತೀಯ ಗ್ರಾಹಕರಿಗೆ ಬಸಾಲ್ಟ್ ಎಕ್ಸ್ ಕಂಫರ್ಟ್ ಎಡಿಷನ್ ಅನ್ನು ಪರಿಚಯಿಸುತ್ತಿರುವುದು ನಮಗೆ ಹೆಮ್ಮೆಯ ವಿಷಯ. ಪ್ರೀಮಿಯಂ ಇಂಟೀರಿಯರ್ಸ್ ಮತ್ತು ತಂತ್ರಜ್ಞಾನವನ್ನು ಎಲ್ಲರಿಗೂ ಕೈಗೆಟುಕುವಂತೆ ಮಾಡುವುದೇ ನಮ್ಮ ಉದ್ದೇಶ. ನಮ್ಮ ಈ ಅಡ್ವಾನ್ಸ್ಡ್ ಕಂಫರ್ಟ್’ ಫಿಲಾಸಫಿ ಗ್ರಾಹಕರಿಗೆ ಹೆಚ್ಚಿನ ಮೌಲ್ಯ ಮತ್ತು ಅತ್ಯುತ್ತಮ ಅನುಭವವನ್ನು ನೀಡಲಿದೆ, ಎಂದು ವಿಶ್ವಾಸ ವ್ಯಕ್ತಪಡಿಸಿದರು.
ಈಗಾಗಲೇ ಬಸಾಲ್ಟ್ ಎಕ್ಸ್ ಕಂಫರ್ಟ್ ಎಡಿಷನ್ ಕಾರುಗಳು ದೇಶಾದ್ಯಂತ ಇರುವ ಎಲ್ಲಾ ಸಿಟ್ರನ್ ಡೀಲರ್ಶಿಪ್ಗಳಲ್ಲಿ ಲಭ್ಯವಿದೆ. ಗ್ರಾಹಕರು ತಮ್ಮ ಹತ್ತಿರದ ಸಿಟ್ರನ್ ಶೋರೂಂಗಳಿಗೆ ಭೇಟಿ ನೀಡಿ ಕಾರಿನ ಪ್ರೀಮಿಯಂ ಲುಕ್ ಮತ್ತು ಫೀಚರ್ಸ್ಗಳನ್ನು ಖುದ್ದಾಗಿ ಅನುಭವಿಸಬಹುದು ಅಥವಾ ಹೆಚ್ಚಿನ ಮಾಹಿತಿಗಾಗಿ ಸಿಟ್ರನ್ ವೆಬ್ಸೈಟ್ಗೆ ಭೇಟಿ ನೀಡಬಹುದು
