ಬೀಜಿಂಗ್: ಚೀನಾದಲ್ಲಿ ಆರ್ಥಿಕ ಸಂಕಷ್ಟದ ನಡುವೆ ಕಾರ್ಯಕ್ಷಮತೆ ಇಲ್ಲದ ಸರ್ಕಾರಿ ಅಧಿಕಾರಿಗಳಿಗೆ ‘ಅತ್ಯಂತ ನಿಧಾನಗತಿಯ ಕೆಲಸ ಮಾಡುವ ಪ್ರಶಸ್ತಿ’ ನೀಡುವ ಮೂಲಕ ಸಾರ್ವಜನಿಕವಾಗಿ ಅವಮಾನಿಸುವ ಹೊಸ ಕ್ರಮ ಜಾರಿಗೆ ಬಂದಿದೆ. ಇದು ದೇಶಾದ್ಯಂತ ವ್ಯಾಪಕ ಚರ್ಚೆಗೆ ಗ್ರಾಸವಾಗಿದೆ.
ಆರ್ಥಿಕ ಹಿಂಜರಿತ, ದಕ್ಷತೆ ಹೆಚ್ಚಿಸಲು ಕ್ರಮ:
ಚೀನಾದಲ್ಲಿ ಪ್ರಸ್ತುತ ಆರ್ಥಿಕ ಹಿಂಜರಿತದ ಕಾರಣದಿಂದಾಗಿ ಸರ್ಕಾರ ಹೊಸ ಯೋಜನೆಗಳನ್ನು ಪರಿಚಯಿಸಿ, ಹೂಡಿಕೆದಾರರನ್ನು ಆಕರ್ಷಿಸಲು ಪ್ರಯತ್ನಿಸುತ್ತಿದೆ. ಈ ಸಮಯದಲ್ಲಿ ಅಧಿಕಾರಿಗಳು ಹೆಚ್ಚಿನ ಕಾರ್ಯಕ್ಷಮತೆ ತೋರಬೇಕೆಂದು ನಿರೀಕ್ಷಿಸಲಾಗಿದೆ. ಆದರೆ, ಕೆಲವರು ಸೋಮಾರಿತನ ಪ್ರದರ್ಶಿಸುತ್ತಿರುವುದು ಸರ್ಕಾರದ ಗಮನಕ್ಕೆ ಬಂದಿದೆ.
- ಕಮ್ಯುನಿಸ್ಟ್ ಪಾರ್ಟಿ ಆಫ್ ಚೀನಾದ ಮುಖವಾಣಿ ಪೀಪಲ್ಸ್ ಡೈಲಿ ಪ್ರಕಾರ, ಕನಿಷ್ಠ ಮೂರು ನಗರಗಳಲ್ಲಿ ಈ ಪ್ರಶಸ್ತಿ ನೀಡಲಾಗುತ್ತಿದೆ.
- ಗುವಾಂಗ್‌ಡಾಂಗ್ ಪ್ರಾಂತ್ಯದ ಒಂದು ನಗರ ಪ್ರದೇಶದಲ್ಲಿ ‘ಸುಳ್ಳು ಹೇಳುವ ಅಧಿಕಾರಿಗಳ’ ಮೇಲೆ ನಿಗಾ ಇಡಲು ದತ್ತಾಂಶ ಸಂಗ್ರಹ ವ್ಯವಸ್ಥೆ ರೂಪಿಸಲಾಗಿದೆ.
- ಇತರ ಪ್ರದೇಶಗಳಲ್ಲಿ, ಅಧಿಕಾರಿಗಳನ್ನು ವರ್ಗಾವಣೆ ಮಾಡುವುದು ಅಥವಾ ವಜಾ ಮಾಡುವುದು ಕೂಡಾ ನಡೆಯುತ್ತಿದೆ.
- ಕಳೆದ ತಿಂಗಳು, ಸೆಂಟ್ರಲ್ ಕಮಿಷನ್ ಫಾರ್ ಡಿಸಿಪ್ಲಿನ್ ಇನ್ಸ್‌ಪೆಕ್ಷನ್ 138,000 ಅಧಿಕಾರಿಗಳ ವಿರುದ್ಧ ಕ್ರಮ ಕೈಗೊಂಡಿದೆ.
ಸರ್ಕಾರದ ಸಮರ್ಥನೆ
“ಕೆಲಸ ಮಾಡುವ ಮತ್ತು ಉದ್ಯಮಶೀಲರಾಗಿರುವವರ ಉತ್ಸಾಹ ಮತ್ತು ಉಪಕ್ರಮವನ್ನು ರಕ್ಷಿಸಲು ಕಠಿಣ ಕ್ರಮಗಳನ್ನು ತೆಗೆದುಕೊಳ್ಳುವುದು ಅವಶ್ಯಕ” ಎಂದು ಚೀನಾದ ಭ್ರಷ್ಟಾಚಾರ ನಿಗ್ರಹ ಸಂಸ್ಥೆ ಸೆಂಟ್ರಲ್ ಕಮಿಷನ್ ಫಾರ್ ಡಿಸಿಪ್ಲಿನ್ ಇನ್ಸ್‌ಪೆಕ್ಷನ್ ಹೇಳಿದೆ.
