ಪ್ರಾಚೀನ ಭಾರತದ ಶ್ರೇಷ್ಠ ವಿದ್ವಾಂಸ ಆಚಾರ್ಯ ಚಾಣಕ್ಯರ ನೀತಿಗಳು ಇಂದಿಗೂ ವಿಶ್ವವಿಖ್ಯಾತ. ಚಂದ್ರಗುಪ್ತ ಮೌರ್ಯನನ್ನು ಚಕ್ರವರ್ತಿಯನ್ನಾಗಿ ಮಾಡಿದ ಚಾಣಕ್ಯರು, ಕೇವಲ ರಾಜಕೀಯ ಮಾತ್ರವಲ್ಲದೆ ಸುಖಿ ದಾಂಪತ್ಯಕ್ಕೆ ಬೇಕಾದ ಸೂತ್ರಗಳನ್ನು ಕೂಡ ತಿಳಿಸಿದ್ದಾರೆ. ಅವರ ಪ್ರಕಾರ, ಪತಿ-ಪತ್ನಿಯರಲ್ಲಿ ಈ ಗುಣಗಳಿದ್ದರೆ ಆ ಮನೆ ನಂದನವನವಾಗುವುದರಲ್ಲಿ ಸಂಶಯವೇ ಇಲ್ಲ.
ಆದರ್ಶ ಪತ್ನಿಯ ಐದು ಸೂತ್ರಗಳು:
ದೇವರಲ್ಲಿ ನಂಬಿಕೆಯಿರುವ, ಧರ್ಮದ ಹಾದಿಯಲ್ಲಿ ನಡೆಯುವ ಮಹಿಳೆ ಮನೆಗೆ ಶಾಂತಿ ತರುತ್ತಾಳೆ. ಅಂತಹ ಪತ್ನಿಯಿರುವ ಮನೆಯಲ್ಲಿ ತೊಂದರೆಗಳು ಸುಳಿಯುವುದಿಲ್ಲ.
ಸೀಮಿತ ಆಸೆಗಳನ್ನು ಹೊಂದಿ, ಸಿಕ್ಕ ಜೀವನದಲ್ಲಿ ಖುಷಿ ಕಾಣುವ ಗುಣವಿದ್ದರೆ ಆಕೆಯ ಪತಿ ಜಗತ್ತಿನಲ್ಲೇ ಅದೃಷ್ಟವಂತ.
ಕಷ್ಟದ ಸಮಯದಲ್ಲಿ ಕುಗ್ಗದೆ, ತಾಳ್ಮೆಯಿಂದ ಪರಿಸ್ಥಿತಿಯನ್ನು ನಿಭಾಯಿಸುವ ಮಹಿಳೆ ಪತಿಗೆ ಬೆನ್ನೆಲುಬಾಗಿ ನಿಲ್ಲುತ್ತಾಳೆ.
ಶಾಂತ ಸ್ವಭಾವದ ಮಹಿಳೆ ಸಂಸಾರವನ್ನು ಸ್ವರ್ಗ ಮಾಡುತ್ತಾಳೆ. ಕೋಪ ಶತ್ರುವಿದ್ದಂತೆ, ಅದನ್ನು ಗೆದ್ದವಳೇ ನಿಜವಾದ ಗೃಹಿಣಿ.
ಸಿಹಿಯಾಗಿ ಮಾತನಾಡುವ ಪತ್ನಿ ಮನೆಯ ವಾತಾವರಣವನ್ನು ಆಹ್ಲಾದಕರವಾಗಿಡುತ್ತಾಳೆ. ಆಕೆಯ ಮಾತು ಗಂಡನ ಆಯಾಸವನ್ನು ಮರೆಸುವ ಶಕ್ತಿ ಹೊಂದಿದೆ.
ಪತಿಯಲ್ಲಿರಬೇಕಾದ ‘ಸ್ಪೆಷಲ್’ ಗುಣಗಳೇನು?
ಗಂಡ ಬರೀ ದುಡಿಯುವ ಯಂತ್ರವಲ್ಲ, ಆತ ಕುಟುಂಬದ ದಿಕ್ಸೂಚಿ ಎನ್ನುತ್ತಾರೆ ಚಾಣಕ್ಯರು.
ಪತ್ನಿಯ ಮನಸ್ಸನ್ನು ಅರ್ಥಮಾಡಿಕೊಂಡು, ಸಿಟ್ಟಿನಲ್ಲೂ ವಿವೇಚನೆಯಿಂದ ವರ್ತಿಸುವವನೇ ಆದರ್ಶ ಪತಿ.
ದಾಂಪತ್ಯದ ಬುನಾದಿಯೇ ನಂಬಿಕೆ. ಹೆಂಡತಿಗೆ ನಿಷ್ಠನಾಗಿರುವ ಪತಿ ಸಂಬಂಧವನ್ನು ಗಟ್ಟಿಗೊಳಿಸುತ್ತಾನೆ.
ಪತ್ನಿಯನ್ನು ಅವಮಾನಿಸುವವನು ಎಂದಿಗೂ ಸುಖಿಯಾಗಿರಲಾರ. ಹೆಂಡತಿಯನ್ನು ಗೌರವದಿಂದ ನಡೆಸಿಕೊಳ್ಳುವವನೇ ನಿಜವಾದ ಜೀವನ ಸಂಗಾತಿ.
ಆಭರಣವಿಲ್ಲದಿದ್ದರೂ ಪರವಾಗಿಲ್ಲ, ಬುದ್ಧಿವಂತಿಕೆ ಇಲ್ಲದ ಸೌಂದರ್ಯ ವ್ಯರ್ಥ ಎನ್ನುತ್ತಾರೆ ಚಾಣಕ್ಯ. ಪತಿಯ ಕನಸುಗಳಿಗೆ ಬೆಂಬಲವಾಗಿ ನಿಲ್ಲುವ, ಮನೆಯ ಆರ್ಥಿಕತೆಯನ್ನು ಸಮರ್ಥವಾಗಿ ನಿಭಾಯಿಸುವ ಮತ್ತು ಪತಿಯನ್ನು ಪೂರ್ಣವಾಗಿ ನಂಬುವ ಹೆಂಡತಿ ಸಾಕ್ಷಾತ್ ಲಕ್ಷ್ಮಿ ಸ್ವರೂಪಿ.
