ಖಾಸಗಿ ಟೆಲಿಕಾಂ ಕಂಪನಿಗಳ ರೀಚಾರ್ಜ್ ದರ ಏರಿಕೆಯಿಂದ ಕಂಗೆಟ್ಟಿರುವ ಗ್ರಾಹಕರಿಗೆ ಸರ್ಕಾರಿ ಸ್ವಾಮ್ಯದ ಬಿಎಸ್ಎನ್ಎಲ್ (BSNL) ಸಿಹಿ ಸುದ್ದಿ ನೀಡಿದೆ. ಅತ್ಯಂತ ಕಡಿಮೆ ಬೆಲೆಯಲ್ಲಿ ದೀರ್ಘಾವಧಿಯ ವ್ಯಾಲಿಡಿಟಿ ಮತ್ತು ಭರ್ಜರಿ ಡೇಟಾ ನೀಡುವ ಮೂಲಕ ಜಿಯೋ, ಏರ್ಟೆಲ್’ಗೆ ಬಿಎಸ್ಎನ್ಎಲ್ ಸೆಡ್ಡು ಹೊಡೆದಿದೆ. ಕೇವಲ 485 ರೂಪಾಯಿಗಳ ಈ ಸ್ಪೆಷಲ್ ಪ್ಲಾನ್ನಲ್ಲಿ ಬರೋಬ್ಬರಿ 72 ದಿನಗಳವರೆಗೆ ಗ್ರಾಹಕರು ಏನೆಲ್ಲಾ ಸೌಲಭ್ಯ ಪಡೆಯಲಿದ್ದಾರೆ? ಇಲ್ಲಿದೆ ಕಂಪ್ಲೀಟ್ ಡಿಟೇಲ್ಸ್.
ಹೌದು.ಖಾಸಗಿ ಟೆಲಿಕಾಂ ಕಂಪನಿಗಳ ಬೆಲೆ ಏರಿಕೆ ನಡುವೆ ಸರ್ಕಾರಿ ಸ್ವಾಮ್ಯದ ಬಿಎಸ್ಎನ್ಎಲ್ (BSNL) ತನ್ನ ಗ್ರಾಹಕರಿಗೆ ಬಂಪರ್ ಆಫರ್ ನೀಡಿದೆ. ಹೋಲಿ ಹಬ್ಬದ ಪ್ರಯುಕ್ತ ಬಿಡುಗಡೆ ಮಾಡಿದ್ದ ಈ ವಿಶೇಷ ಪ್ಲಾನ್ ಈಗಲೂ ಲಭ್ಯವಿದ್ದು, ಕಡಿಮೆ ಬೆಲೆಯಲ್ಲಿ ಹೆಚ್ಚಿನ ಲಾಭವನ್ನು ನೀಡುತ್ತಿದೆ.
ಪ್ಲಾನ್ ಪ್ರಮುಖ ಲಾಭಗಳು (Benefits):
• ಬೆಲೆ: ₹485 ರೂಪಾಯಿಗಳು.
• ವ್ಯಾಲಿಡಿಟಿ: ಈ ಪ್ಲಾನ್ ಅಡಿಯಲ್ಲಿ ಗ್ರಾಹಕರು 72 ದಿನಗಳ ಸುದೀರ್ಘ ವ್ಯಾಲಿಡಿಟಿಯನ್ನು ಪಡೆಯುತ್ತಾರೆ.
• ಡೇಟಾ ಸೌಲಭ್ಯ: ಪ್ರತಿದಿನ 2.5GB ಹೈ-ಸ್ಪೀಡ್ ಡೇಟಾ ಲಭ್ಯವಿರುತ್ತದೆ. ಅಂದರೆ ಒಟ್ಟು ವ್ಯಾಲಿಡಿಟಿ ಅವಧಿಯಲ್ಲಿ ಭಾರಿ ಪ್ರಮಾಣದ ಡೇಟಾ ಸಿಗಲಿದೆ.
• ಕರೆಗಳು: ಯಾವುದೇ ನೆಟ್ ವರ್ಕ’ಗೆ ಅನ್ಲಿಮಿಟೆಡ್ ವಾಯ್ಸ್ ಕಾಲಿಂಗ್ ಸೌಲಭ್ಯವಿದೆ.
• SMS: ಪ್ರತಿದಿನ 100 ಉಚಿತ ಎಸ್ಎಮ್ಎಸ್ (SMS) ಕಳುಹಿಸಬಹುದು.
ವಿಶೇಷ ಸೂಚನೆ:
ಬಿಎಸ್ಎನ್ಎಲ್ ತನ್ನ ಅಧಿಕೃತ ಎಕ್ಸ್ (X) ಖಾತೆಯಲ್ಲಿ ತಿಳಿಸಿರುವಂತೆ, ಈ ಆಫರ್ ಮಾರ್ಚ್ 31, 2026 ರವರೆಗೆ ಚಾಲ್ತಿಯಲ್ಲಿರುತ್ತದೆ. ಯಾರು ದೀರ್ಘಾವಧಿಯ ವ್ಯಾಲಿಡಿಟಿ ಮತ್ತು ಹೆಚ್ಚಿನ ಡೇಟಾವನ್ನು ಬಯಸುತ್ತಾರೋ ಅಂತಹವರಿಗೆ ಇದು ಅತ್ಯುತ್ತಮ ಆಯ್ಕೆಯಾಗಿದೆ.
