ತೆಲಂಗಾಣದ ಹೈದರಾಬಾದ್‌ನಲ್ಲಿ ಆಡಳಿತಾರೂಢ ಭಾರತ್ ರಾಷ್ಟ್ರ ಸಮಿತಿ(ಬಿಆರ್‌ಎಸ್) ಮತ್ತು ಕಾಂಗ್ರೆಸ್ ನಡುವೆ ಪೋಸ್ಟರ್ ವಾರ್ ಆರಂಭವಾಗಿದೆ.
ಶನಿವಾರ ಬೆಳಗ್ಗೆ ಹೈದರಾಬಾದ್‌ನಲ್ಲಿ ತೆಲಂಗಾಣ ಮುಖ್ಯಮಂತ್ರಿ ಕೆ. ಚಂದ್ರಶೇಖರ ರಾವ್ ಅವರ ಭ್ರಷ್ಟಾಚಾರದ ಆರೋಪದ ‘ಬುಕ್‌ಮೈಸಿಎಂ’ ಪೋಸ್ಟರ್‌ಗಳನ್ನು ಪ್ರದರ್ಶಿಸಲಾಯಿತು. “Bookmycm ಡೀಲ್‌ಗಳು @30% ಕಮಿಷನ್ ಲಭ್ಯವಿದೆ” ಎಂದು ಸಿಎಂ ಕೆಸಿಆರ್ ಗುರಿಯಾಗಿಸಿರುವ ಪೋಸ್ಟರ್‌ಗಳಲ್ಲಿ ಪ್ರಕಟಿಸಲಾಗಿದೆ.
ಕಾಂಗ್ರೆಸ್ ಸಿಡಬ್ಲ್ಯೂಸಿ ಸಭೆಗೂ ಮುನ್ನ ನಗರದಾದ್ಯಂತ ಕಾಂಗ್ರೆಸ್ ಅನ್ನು ಅಪಹಾಸ್ಯ ಮಾಡುವ ಪೋಸ್ಟರ್‌ಗಳನ್ನು ಹಾಕಿದಾಗ ಪೋಸ್ಟರ್ ವಾರ್ ಪ್ರಾರಂಭವಾಯಿತು. ಭ್ರಷ್ಟಾಚಾರದ ಹಳೆಯ ಪಕ್ಷವನ್ನು ದೂಷಿಸುವ ಪೋಸ್ಟರ್‌ಗಳು, ಸಿಡಬ್ಲ್ಯುಸಿಯನ್ನು “ಭ್ರಷ್ಟ ಕಾರ್ಯಕಾರಿ ಸಮಿತಿ” ಎಂದು ಲೇಬಲ್ ಮಾಡಲಾಗಿತ್ತು. “ಸ್ಕಾಮ್‌ಗ್ರೆಸ್ ಸ್ಕ್ಯಾಮರ್‌ಗಳ ಬಗ್ಗೆ ಎಚ್ಚರದಿಂದಿರಿ” ಎಂದು ಹೇಳಲಾಗಿದೆ.
ಪ್ರಮುಖ ಕಾಂಗ್ರೆಸ್ ನಾಯಕ ಪವನ್ ಖೇರಾ, ಕಾಂಗ್ರೆಸ್ ವಿರೋಧಿ ಪೋಸ್ಟರ್‌ಗಳಿಗೆ ಪ್ರತಿಕ್ರಿಯೆಯಾಗಿ ಕೆಸಿಆರ್ ಮತ್ತು ಅವರ ಪುತ್ರಿ ಬಿಆರ್‌ಎಸ್ ಎಂಎಲ್‌ಸಿ ಕೆ. ಕವಿತಾ ವಿರುದ್ಧ ಭ್ರಷ್ಟಾಚಾರ ಆರೋಪ ಮಾಡಿದ್ದಾರೆ. ತೆಲಂಗಾಣದಲ್ಲಿ ಭ್ರಷ್ಟಾಚಾರ ಮಾಡಲು ಕವಿತಾ ಮತ್ತು ಅವರ ತಂದೆ ಕೆಸಿಆರ್ ನಡುವೆ “ಒಪ್ಪಂದ” ಇದೆ ಎಂದು ಲೇವಡಿ ಮಾಡಿದ್ದಾರೆ.
