ಇಂಡಿಯಾ ಗ್ಲೋಬಲ್ ಫೋರಮ್‌ನ (IGF) ಪ್ರಮುಖ ವಾರ್ಷಿಕ ಶೃಂಗಸಭೆಗೆ ನವದೆಹಲಿಯ ತಾಜ್ ಪ್ಯಾಲೇಸ್‌ನಲ್ಲಿ ಚಾಲನೆ ಸಿಕ್ಕಿದೆ. ಜಾಗತಿಕ ಆರ್ಥಿಕತೆಗೆ ಭಾರತದ “ಗತಿ ಹೊಂದಾಣಿಕೆ” ಎಂಬ ವಿಷಯದ ಸುತ್ತ ಫೋರಂನಲ್ಲಿ ವಿಸ್ತ್ರತ ಚರ್ಚೆಯಾಗಿದೆ. ಫೋರಂನಲ್ಲಿ ಉದ್ದಿಮೆದಾರರು, ನೀತಿ ನಿರೂಪಕರು, ಸಂಸ್ಥಾಪಕರು ಮತ್ತು ಹೂಡಿಕೆದಾರರಿಗೆ ಶಕ್ತಿ ತುಂಬುವ ಪ್ರಯತ್ನ ಸಫಲವಾಗಿದೆ. ಭಾರತದ ಕೇಂದ್ರ ರೈಲ್ವೆ, ಸಂವಹನ ಮತ್ತು ಎಲೆಕ್ಟ್ರಾನಿಕ್ಸ್ & ಐಟಿ ಸಚಿವ ಅಶ್ವಿನಿ ವೈಷ್ಣವ್, ಶೃಂಗಸಭೆಯನ್ನುದ್ದೇಶಿಸಿ ಮಾತನಾಡಿದ್ರು.
ತೀವ್ರವಾದ ಭೌಗೋಳಿಕ ರಾಜಕೀಯ ಪಲ್ಲಟಗಳ ಸಮಯದಲ್ಲಿ ಭಾರತವು ವಹಿಸಬಹುದಾದ ಪಾತ್ರದ ಬಗ್ಗೆ ದೃಷ್ಟಿಕೋನವನ್ನು ಬಿಚ್ಚಿಟ್ಟರು. ಅರ್ಥಪೂರ್ಣ ಸಂವಾದ ಹಾಗೂ ಚರ್ಚೆಗೆ ಶೃಂಗಸಭೆ ವೇದಿಕೆ ಒದಗಿಸಿದೆ. ದೇಶದಾದ್ಯಂತ 5G ಅನ್ನು ಹೊರತರುವಲ್ಲಿ ಭಾರತದ ತ್ವರಿತ ಪ್ರಗತಿಯನ್ನು ಸಚಿವರು ಈ ವೇಳೆ ಕೊಂಡಾಡಿದ್ದಾರೆ.
ಅಷ್ಟೇ ಅಲ್ಲ 6G ಅಳವಡಿಕೆಯಲ್ಲಿ ದೇಶದ ಮುಂದಾಳತ್ವದ ಮಹತ್ವಾಕಾಂಕ್ಷೆಯನ್ನೂ ಬಹಿರಂಗಪಡಿಸಿದ್ದಾರೆ. ಭಾರತವು ಈಗಾಗಲೇ 6G ಯಲ್ಲಿ ದಾಖಲೆ ಸಂಖ್ಯೆಯ ಪೇಟೆಂಟ್‌ಗಳನ್ನು ಪಡೆದುಕೊಂಡಿದೆ ಮತ್ತು ದೇಶವು ಈ ಕ್ಷೇತ್ರದಲ್ಲಿ ನಾವೀನ್ಯತೆಗೆ ಚಾಲನೆ ನೀಡಲು ಸಿದ್ಧವಾಗಿದೆ ಎಂದವರು ತಿಳಿಸಿದ್ದಾರೆ.
“4G, 5G ಯಲ್ಲಿ ನಾವು ಜಗತ್ತಿಗೆ ಸಮಾನವಾಗಿರಬೇಕು ಮತ್ತು 6G ಯಲ್ಲಿ ತಂತ್ರಜ್ಞಾನದ ಅಭಿವೃದ್ಧಿಯನ್ನು ಮುನ್ನಡೆಸಬೇಕು ಎಂಬ ಗುರಿಯನ್ನು ಪ್ರಧಾನಿ ನೀಡಿದ್ದರು. ಆದ್ದರಿಂದ ಉದ್ಯಮಿಗಳು, ಶಿಕ್ಷಣತಜ್ಞರು, ಸಂಶೋಧಕರು, ವಿದ್ಯಾರ್ಥಿಗಳು, ನೀತಿ ನಿರೂಪಕರನ್ನು ಒಳಗೊಂಡಿರುವ ಅತ್ಯಂತ ಸಮಗ್ರವಾದ ತಂಡವನ್ನು ಒಟ್ಟುಗೂಡಿಸಿ ಆಲೋಚನೆ ಮಾಡಲಾಗುವುದುʼʼ ಅಂತಾ ಅಶ್ವಿನ್‌ ವೈಷ್ಣವ್ ಹೇಳಿದ್ದಾರೆ.
6G ಟೆಲಿಕಾಂ ತಂತ್ರಜ್ಞಾನಗಳಿಗಾಗಿ ಭಾರತ ಈಗಾಗಲೇ 127 ಪೇಟೆಂಟ್‌ಗಳನ್ನು ಹೊಂದಿದೆ. “ಸ್ಥಳೀಯ ಪ್ರತಿಭೆಗಳು, ತಂತ್ರಜ್ಞಾನಗಳು ಮತ್ತು ಸ್ಥಳೀಯ ಮೂಲಸೌಕರ್ಯಗಳನ್ನು ಬಳಸಿಕೊಂಡು ಭಾರತವು ದೇಶಕ್ಕಾಗಿ ಮತ್ತು ಜಗತ್ತಿಗೆ ಪರಿಹಾರಗಳು ಮತ್ತು ಉತ್ಪನ್ನಗಳನ್ನು ನಿರ್ಮಿಸಿ ತಲುಪಿಸಿದೆ. ಪ್ರಧಾನಿ ಮೋದಿ ಅವರ ನೇತೃತ್ವದಲ್ಲಿ ಭಾರತವು ಕೊರೊನಾವನ್ನು ಕೂಡ ಜಯಿಸಿದೆ. ಮೂಲಸೌಕರ್ಯದಲ್ಲಿನ ಹೂಡಿಕೆಗಳು ಶೇ.6.2ರಷ್ಟು ಬೆಳವಣಿಗೆ ದರ ಮತ್ತು ಮಧ್ಯಮ ಹಣದುಬ್ಬರದೊಂದಿಗೆ ಆರೋಗ್ಯಕರ ಆರ್ಥಿಕತೆಯಾಗಿ ದೇಶ ಹೊರಹೊಮ್ಮಿದೆ.
“ವಿಶ್ವಾಸಾರ್ಹ ತಂತ್ರಜ್ಞಾನಗಳನ್ನು ಅಭಿವೃದ್ಧಿಪಡಿಸಲು ಭಾರತವನ್ನು ಎಲ್ಲರ ಮನೆಯಾಗಿ ಮಾಡಲು ಜಾಗತಿಕ CEO ಗಳು, ನಾಯಕರು ಮತ್ತು ಸಂಶೋಧಕರನ್ನು ಸ್ವಾಗತಿಸುತ್ತೇನೆ ʼʼ ಎಂದು ಸಚಿವರು ಹೇಳಿದ್ದಾರೆ. ಈ ವೇಳೆ AI ಮತ್ತು ಕ್ವಾಂಟಮ್ ತಂತ್ರಜ್ಞಾನಗಳ ಸಾಮರ್ಥ್ಯವನ್ನು ಮತ್ತು ಭಾರತೀಯ ಸ್ಟಾರ್ಟ್-ಅಪ್‌ಗಳು ಮತ್ತು ಶಿಕ್ಷಣ ತಜ್ಞರ ಸಹಯೋಗದೊಂದಿಗೆ ಇವುಗಳನ್ನು ಹೇಗೆ ಅಭಿವೃದ್ಧಿಪಡಿಸಬಹುದು ಎಂಬುದನ್ನು ಸಚಿವರು ಎತ್ತಿ ತೋರಿಸಿದರು. ಭಾರತದಲ್ಲಿ ಸೆಮಿಕಂಡಕ್ಟರ್ ಅಭಿವೃದ್ಧಿ ಉದ್ಯಮವನ್ನು ಉತ್ತೇಜಿಸುವ ಸರ್ಕಾರದ ಬದ್ಧತೆಯನ್ನು ಅವರು ಪುನರುಚ್ಚರಿಸಿದರು.
ವಾರ್ಷಿಕ ಶೃಂಗಸಭೆಗೆ ಪ್ರತಿನಿಧಿಗಳನ್ನು ಸ್ವಾಗತಿಸಿ ಮಾತನಾಡಿದ ಇಂಡಿಯಾ ಗ್ಲೋಬಲ್ ಫೋರಂನ ಸಂಸ್ಥಾಪಕ ಮತ್ತು ಅಧ್ಯಕ್ಷ ಪ್ರೊಫೆಸರ್ ಮನೋಜ್ ಲಾಡ್ವಾ, “ಪ್ರಧಾನಿ ಅಧಿಕಾರ ವಹಿಸಿಕೊಂಡ ಮೊದಲ ಕೆಲವು ತಿಂಗಳುಗಳಲ್ಲಿ ಭಾರತದ ಬೆಳವಣಿಗೆಯ ಮಹತ್ವಾಕಾಂಕ್ಷೆಗಳನ್ನು ಸಾಕಾರಗೊಳಿಸುವಲ್ಲಿ ಸ್ಕೇಲ್, ಕೌಶಲ್ಯ ಮತ್ತು ವೇಗದ ನಿರ್ಣಾಯಕ ಅಂಶಗಳ ವಿವರಿಸಿದರು. ಡಿಜಿಟಲ್ ರೂಪಾಂತರ, ಹಣಕಾಸು ಸೇರ್ಪಡೆ, ಸಾರ್ವತ್ರಿಕ ಆರೋಗ್ಯ ರಕ್ಷಣೆ ಮತ್ತು ನಗರ ಪುನರುತ್ಪಾದನೆಯಂತಹ ಕ್ಷೇತ್ರಗಳಲ್ಲಿ ಅಸಾಧಾರಣ ಕೌಶಲ್ಯಗಳನ್ನು ಅಳೆಯುವ ಮತ್ತು ಅನ್ವಯಿಸುವ ಭಾರತದ ಸಾಮರ್ಥ್ಯದ ಮೇಲೆ ನಾವು ಕೆಲವು ಉತ್ತಮ ಕ್ರಮಗಳನ್ನು ಕೈಗೊಂಡಿದ್ದೇವೆ ಎಂದು ಹೇಳಿದ್ರು.
ತ್ವರಿತ ಮಹಿಳಾ ಸಬಲೀಕರಣ ಮತ್ತು ಕ್ಷಿಪ್ರ ಹವಾಮಾನ ಕ್ರಮವು ಭಾರತದ ಯಶಸ್ಸಿಗೆ ಮಾತ್ರವಲ್ಲ, ಪ್ರಪಂಚದ ಯಶಸ್ಸಿಗೆ ನಿರ್ಣಾಯಕವಾಗಿದೆ. ಮುಂಬರುವ ದಿನಗಳಲ್ಲಿ ಈ ಉದ್ಯಮಶೀಲ ರಾಷ್ಟ್ರವು ವಹಿಸುವ ಪಾತ್ರವನ್ನು ಸೂಕ್ಷ್ಮವಾಗಿ ಗಮನಿಸುತ್ತೇವೆ. IGF ನಲ್ಲಿ, ಭಾರತದ ಆರೋಹಣಕ್ಕೆ ರೆಕ್ಕೆಗಳನ್ನು ನೀಡುವ ಶಾಶ್ವತ ಪಾಲುದಾರಿಕೆಗಳನ್ನು ನಿರ್ಮಿಸಲಾಗುತ್ತದೆ ಎಂದವರು ವಿವರಿಸಿದ್ರು.
ಶೃಂಗಸಭೆಯ ವೈಶಿಷ್ಟ್ಯವೆಂದರೆ 35ಕ್ಕೂ ಹೆಚ್ಚು ನವೀನ ಏಕಕಾಲೀನ ದುಂಡುಮೇಜಿನ ಸಂವಾದಗಳನ್ನು ಒಳಗೊಂಡಿದೆ. ತಂತ್ರಜ್ಞಾನ, ಆಡಳಿತ, ಜಾಗತಿಕ ಸಂಬಂಧಗಳು ಮತ್ತು ಜಾಗತಿಕ ಪರಿಣಾಮಗಳೊಂದಿಗೆ ಇತರ ಅಂಶಗಳ ಕುರಿತು ವ್ಯಾಪಕವಾದ ಸಂಭಾಷಣೆಗಳು ನಡೆಯಲಿವೆ. ಮೊದಲ ದಿನ ತಂತ್ರಜ್ಞಾನ ಮತ್ತು ನಾವೀನ್ಯತೆ, ಹೂಡಿಕೆ, ಹಣಕಾಸು ಮತ್ತು ಮೂಲಸೌಕರ್ಯ, ವೈವಿಧ್ಯತೆ, ಹವಾಮಾನ, ಹಣಕಾಸು ಕುರಿತು ಚರ್ಚೆಯಾಗಿದೆ.
