ಬೆಂಗಳೂರು: ಫೋನ್ ನಲ್ಲಿ ತನ್ನ ಸ್ವಂತ ಚಿತ್ರಗಳು ಸೇರಿದಂತೆ ಹಲವಾರು ಮಹಿಳೆಯರ 13,000 ಕ್ಕೂ ಹೆಚ್ಚು ಬೆತ್ತಲೆ ಚಿತ್ರಗಳನ್ನು ಹೊಂದಿದ್ದ ಗೆಳೆಯನ ವಿರುದ್ಧ ಬೆಂಗಳೂರಿನ ಬೆಳ್ಳಂದೂರು ಪ್ರದೇಶದಲ್ಲಿ ಕೆಲಸ ಮಾಡುತ್ತಿರುವ ಮಹಿಳೆಯೊಬ್ಬರು ದೂರು ದಾಖಲಿಸಿದ್ದಾರೆ.
ಆರೋಪಿ ಹಾಗೂ ಮಹಿಳೆ ಇಬ್ಬರೂ ಒಂದೇ ಕಚೇರಿಯಲ್ಲಿ ಕೆಲಸ ಮಾಡುತ್ತಿದ್ದು, ಸದ್ಯ ಪೊಲೀಸರು ಆರೋಪಿಯನ್ನು ವಿಚಾರಣೆ ನಡೆಸಿದ್ದಾರೆ.
ಅವರು ತಮ್ಮ ಆತ್ಮೀಯ ಕ್ಷಣಗಳನ್ನು ತಮ್ಮ ಮೊಬೈಲ್ ಫೋನ್ನಲ್ಲಿ ರೆಕಾರ್ಡ್ ಮಾಡಿಕೊಂಡಿದ್ದಾರೆ. ಅವುಗಳನ್ನು ಅಳಿಸಲು ಅವರ ಫೋನ್ ತೆಗೆದುಕೊಂಡಾಗ, ಅಂತಹ ಹಲವಾರು ಚಿತ್ರಗಳು ಮತ್ತು ವೀಡಿಯೊಗಳು ತನಗೆ ಕಂಡುಬಂದವು ಎಂದು ಮಹಿಳೆ ಹೇಳಿಕೊಂಡಿದ್ದಾಳೆ.
ಅವನು ಇತರ ಸಹೋದ್ಯೋಗಿಗಳ ಚಿತ್ರಗಳನ್ನು ಸಹ ಸೆರೆಹಿಡಿದಿರಬಹುದು ಎಂದು ಅನುಮಾನಿಸಿದ ಅವಳು ತಕ್ಷಣ ಅವನ ಕಚೇರಿಯಲ್ಲಿನ ಹಿರಿಯರನ್ನು ಎಚ್ಚರಿಸಿದ್ದಾಳೆ. ಅವರು ನೇರವಾಗಿ ತಮ್ಮ ಚಿತ್ರಗಳನ್ನು ಬಳಸಿ ಯಾರಿಗೂ ಹಾನಿ ಮಾಡಿಲ್ಲ. ಆದರೆ ಆತನ ಉದ್ದೇಶ ಏನೆಂಬುದು ನಮಗೆ ತಿಳಿದಿಲ್ಲ. ಉದ್ಯೋಗಿಗಳ ಸುರಕ್ಷತೆಗಾಗಿ, ನಾವು ಸೈಬರ್ ಪೊಲೀಸರಿಗೆ ಮಾಹಿತಿ ನೀಡಿದ್ದೇವೆ. ಪ್ರಕರಣವನ್ನು ದಾಖಲಿಸಲು ನಮ್ಮ ಉದ್ಯೋಗಿ(ಮಹಿಳೆ) ಗೆ ಹೇಳಿದೆವು.
ಆರೋಪಿಯನ್ನು ಕಚೇರಿಯಿಂದಲೇ ಬಂಧಿಸಲಾಗಿದ್ದು, ಸದ್ಯ ವಿಚಾರಣೆ ನಡೆಸಲಾಗುತ್ತಿದೆ. ನಾವು ವಿವಿಧ ಕೋನಗಳಲ್ಲಿ ತನಿಖೆ ನಡೆಸುತ್ತಿದ್ದೇವೆ. ಅವರ ಬಳಿ ಇಷ್ಟೊಂದು ಚಿತ್ರಗಳು ಏಕೆ ಇದ್ದಾರೋ ಗೊತ್ತಿಲ್ಲ, ಕೆಲವು ಮಾರ್ಫ್ ಮಾಡಿರುವ ಚಿತ್ರಗಳು ಎಂಬ ಅನುಮಾನವೂ ಮೂಡಿದೆ. ಈ ಚಿತ್ರಗಳನ್ನು ಬಳಸಿಕೊಂಡು ಆತ ಯಾರಿಗಾದರೂ ಬ್ಲಾಕ್ ಮೇಲ್ ಮಾಡಿದ್ದಾ ಎಂಬುದನ್ನೂ ಪತ್ತೆ ಹಚ್ಚುತ್ತಿದ್ದೇವೆ. ಅವರ ಹಿಂದಿನ ಚಾಟ್ಗಳು ಮತ್ತು ಕರೆ ದಾಖಲೆಗಳು ಸಹ ಸ್ಕ್ಯಾನರ್ ಅಡಿಯಲ್ಲಿವೆ ಎಂದು ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರು ಹೇಳಿದ್ದಾರೆ.
