ಬೆಂಗಳೂರು: ಮೆಟ್ರೋ ಪ್ರಯಾಣಿಕರಿಗೆ ಗುಡ್‌ನ್ಯೂಸ್‌. ನಗರದ 12 ಮೆಟ್ರೋ ನಿಲ್ದಾಣಗಳಲ್ಲಿ ಪಾರ್ಕಿಂಗ್ ಸಮಸ್ಯೆ ನಿವಾರಿಸಲು ಬೆಂಗಳೂರು ಮೆಟ್ರೋ ರೈಲು ನಿಗಮ (BMRCL) ಮುಂದಾಗಿದೆ. ಈ 12 ನಿಲ್ದಾಣಗಳಲ್ಲಿ ಶೀಘ್ರದಲ್ಲೇ ಪಾರ್ಕಿಂಗ್ ವ್ಯವಸ್ಥೆ ಜಾರಿಗೆ ತರಲು ಟೆಂಡರ್‌ಗಳನ್ನು ಆಹ್ವಾನಿಸಲಾಗಿದೆ.
ದ್ವಿಚಕ್ರ ವಾಹನ ಹಾಗೂ ಕಾರುಗಳ ಪಾರ್ಕಿಂಗ್ ಶುಲ್ಕವನ್ನೂ ನಿಗದಿಪಡಿಸಲಾಗಿದೆ. ದ್ವಿಚಕ್ರ ವಾಹನಗಳಿಗೆ ಮೊದಲ 4 ಗಂಟೆಗೆ ₹15, ನಂತರ ಪ್ರತಿ ಹೆಚ್ಚುವರಿ ಗಂಟೆಗೆ ₹5 ಹಾಗೂ ಒಂದು ದಿನಕ್ಕೆ ₹30 ಶುಲ್ಕ ವಿಧಿಸಲಾಗುತ್ತದೆ.
ಕಾರು ಮತ್ತು ಜೀಪ್‌ಗಳಿಗೆ ಮೊದಲ 4 ಗಂಟೆಗೆ ₹30, ನಂತರ ಪ್ರತಿ ಗಂಟೆಗೆ ₹10 ಹಾಗೂ ಒಂದು ದಿನಕ್ಕೆ ₹60 ಶುಲ್ಕ ನಿಗದಿಪಡಿಸಲಾಗಿದೆ. ಸೈಕಲ್‌ಗಳಿಗೆ ಉಚಿತ ಪಾರ್ಕಿಂಗ್ ಸೌಲಭ್ಯ ಇರಲಿದೆ.
ಪಾರ್ಕಿಂಗ್ ವ್ಯವಸ್ಥೆ ಜಾರಿಯಾಗಲಿರುವ 12 ಮೆಟ್ರೋ ನಿಲ್ದಾಣಗಳು
-
ನಲ್ಲೂರಹಳ್ಳಿ – 82 ದ್ವಿಚಕ್ರ ವಾಹನಗಳ ಸಾಮರ್ಥ್ಯ
-
ಬಾಲಗಂಗಾಧರನಾಥ ಸ್ವಾಮೀಜಿ ಹೊಸಹಳ್ಳಿ – 186 ದ್ವಿಚಕ್ರ ವಾಹನಗಳು
-
ಪಟ್ಟಣಗೆರೆ – 156 ದ್ವಿಚಕ್ರ ವಾಹನಗಳು
-
ಮಾದಾವರ – 328 ದ್ವಿಚಕ್ರ ವಾಹನಗಳು
-
ಚಿಕ್ಕಬಿದರಕಲ್ಲು – 355 ದ್ವಿಚಕ್ರ ವಾಹನಗಳು
-
ಮಂತ್ರಿ ಸ್ಕ್ವೇರ್ – 450 ದ್ವಿಚಕ್ರ ವಾಹನಗಳು + 87 ಕಾರುಗಳು
-
ರಾಗಿಗುಡ್ಡ – 230 ದ್ವಿಚಕ್ರ ವಾಹನಗಳು
-
ಬಿಟಿಎಂ ಲೇಔಟ್ – 216 ದ್ವಿಚಕ್ರ ವಾಹನಗಳು
-
ತಾವರೆಕೆರೆ – 155 ದ್ವಿಚಕ್ರ ವಾಹನಗಳು
-
ಐಐಟಿ-ಬಿ ಮೆಟ್ರೋ ನಿಲ್ದಾಣ – 55 ದ್ವಿಚಕ್ರ ವಾಹನಗಳು
-
ಹುಳಿಮಾವು – 155 ದ್ವಿಚಕ್ರ ವಾಹನಗಳು
-
ಕಾಳೇನ ಅಗ್ರಹಾರ – 110 ದ್ವಿಚಕ್ರ ವಾಹನಗಳು
ಮೆಟ್ರೋ ಜಾಲ 103.6 ಕಿ.ಮೀ.ಗೆ ವಿಸ್ತರಣೆ
ಸದ್ಯ ನಮ್ಮ ಮೆಟ್ರೋ ಜಾಲವು 96.1 ಕಿ.ಮೀ. ವ್ಯಾಪ್ತಿಯನ್ನು ಹೊಂದಿದೆ. ಈ ವರ್ಷದ ಅಂತ್ಯದ ವೇಳೆಗೆ ಇನ್ನಷ್ಟು ಕಿಲೋಮೀಟರ್‌ಗಳಿಗೆ ವಿಸ್ತರಣೆಯಾಗುವ ಸಾಧ್ಯತೆಯಿದೆ.
ಸದ್ಯ ಕಾಮಗಾರಿ ನಡೆಯುತ್ತಿದ್ದು, ಮುಂದಿನ ತಿಂಗಳೊಳಗೆ ಪಿಂಕ್ ಲೈನ್‌ನ 7.5 ಕಿ.ಮೀ. ಎಲಿವೇಟೆಡ್ ಕಾರಿಡಾರ್ ಸಂಚಾರಕ್ಕೆ ಮುಕ್ತವಾಗುವ ನಿರೀಕ್ಷೆಯಿದೆ. ಇದರಿಂದ ಮೆಟ್ರೋ ಜಾಲದ ಒಟ್ಟು ವ್ಯಾಪ್ತಿ 103.6 ಕಿ.ಮೀ.ಗೆ ತಲುಪಲಿದೆ.
ಪ್ರಸ್ತುತ 72 ಕಿ.ಮೀ. ಮಾರ್ಗದ ಕಾಮಗಾರಿ ನಡೆಯುತ್ತಿದ್ದು, 2030ರ ವೇಳೆಗೆ ಮೆಟ್ರೋ ಜಾಲವನ್ನು 257 ಕಿ.ಮೀ.ಗೆ ವಿಸ್ತರಿಸುವ ಗುರಿ ಹೊಂದಲಾಗಿದೆ. ಆದರೆ ನಿಗದಿತ ಅವಧಿಯಲ್ಲಿ ಕೆಲವು ಕಾಮಗಾರಿಗಳು ಪೂರ್ಣಗೊಳ್ಳದ ಹಿನ್ನೆಲೆಯಲ್ಲಿ ಗಡುವು ವಿಸ್ತರಿಸಲಾಗಿದೆ.
ಪಿಂಕ್ ಮತ್ತು ಬ್ಲೂ ಲೈನ್ ಕಾಮಗಾರಿಗಳಿಗೆ ಗಡುವು ವಿಸ್ತರಣೆ
-
ಪಿಂಕ್ ಲೈನ್ ಎಲಿವೇಟೆಡ್ ಮಾರ್ಗ: ಹಳೆಯ ಗಡುವು – ಆಗಸ್ಟ್ 2026; ಹೊಸ ಗಡುವು – ಸೆಪ್ಟೆಂಬರ್ 2026
-
ಪಿಂಕ್ ಲೈನ್ ಸುರಂಗ ಮಾರ್ಗ: ಹಳೆಯ ಗಡುವು – ಡಿಸೆಂಬರ್ 2026; ಹೊಸ ಗಡುವು – ಮಾರ್ಚ್ 2027
-
ಬ್ಲೂ ಲೈನ್ ಸಿಲ್ಕ್ ಬೋರ್ಡ್–ಕೆ.ಆರ್. ಪುರಂ: ಹಳೆಯ ಗಡುವು – ಡಿಸೆಂಬರ್ 2026; ಹೊಸ ಗಡುವು – 2027ರ ಮಧ್ಯಭಾಗ
-
ಬ್ಲೂ ಲೈನ್ ವಿಮಾನ ನಿಲ್ದಾಣ ಮಾರ್ಗ: ಹಳೆಯ ಗಡುವು – ಜೂನ್ 2026; ಹೊಸ ಗಡುವು – ಜೂನ್‌ನಿಂದ ಡಿಸೆಂಬರ್ 2027
2027ರ ಡಿಸೆಂಬರ್ ವೇಳೆಗೆ ಮೆಟ್ರೋ ಜಾಲವನ್ನು 175 ಕಿ.ಮೀ.ಗೆ ವಿಸ್ತರಿಸುವ ಗುರಿ ಹೊಂದಲಾಗಿದೆ.
