ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾದ(RBI) ರಜಾದಿನಗಳ ಕ್ಯಾಲೆಂಡರ್ ಪ್ರಕಾರ ನವೆಂಬರ್ನಲ್ಲಿ 15 ದಿನಗಳವರೆಗೆ ಬ್ಯಾಂಕುಗಳು ಮುಚ್ಚಲ್ಪಡುತ್ತವೆ. ಈ ರಜಾದಿನಗಳಲ್ಲಿ ಎರಡನೇ ಮತ್ತು ನಾಲ್ಕನೇ ಶನಿವಾರಗಳು ಮತ್ತು ಭಾನುವಾರಗಳಂತಹ ನಿಯಮಿತ ರಜಾದಿನಗಳು ಸೇರಿವೆ.
ಆದರೆ, ಆರ್ಬಿಐನ ಕ್ಯಾಲೆಂಡರ್ನ ಪ್ರಕಾರ, 9 ರಜಾದಿನಗಳು ಹಬ್ಬದ ಅಥವಾ ಗೆಜೆಟ್ ಆಗಿರುತ್ತವೆ. ಕೆಲವು ಬ್ಯಾಂಕ್ ರಜಾದಿನಗಳು ಪ್ರಾದೇಶಿಕವಾಗಿರುತ್ತವೆ. ರಾಜ್ಯದಿಂದ ರಾಜ್ಯಕ್ಕೆ ಮತ್ತು ಬ್ಯಾಂಕ್ನಿಂದ ಬ್ಯಾಂಕ್ಗೆ ಭಿನ್ನವಾಗಿರಬಹುದು.
ನವೆಂಬರ್ 1 ರಂದು ಕರ್ನಾಟಕ, ಮಣಿಪುರ ಮತ್ತು ಹಿಮಾಚಲ ಪ್ರದೇಶದ ಬ್ಯಾಂಕ್ಗಳು ಕನ್ನಡ ರಾಜ್ಯೋತ್ಸವ/ಕುಟ್/ಕರ್ವಾ ಚೌತ್ನ ಕಾರಣದಿಂದಾಗಿ ಮುಚ್ಚಲ್ಪಡುತ್ತವೆ.
ನವೆಂಬರ್ 10 ರಂದು, ಅಗರ್ತಲಾ, ಡೆಹ್ರಾಡೂನ್, ಗ್ಯಾಂಗ್ಟಾಕ್, ಇಂಫಾಲ್, ಕಾನ್ಪುರ್ ಮತ್ತು ಲಕ್ನೋದಲ್ಲಿ ವಂಗಲಾ ಹಬ್ಬದ ನಿಮಿತ್ತ ಬ್ಯಾಂಕ್ಗಳನ್ನು ಮುಚ್ಚಲಾಗುತ್ತದೆ.
ಭಾರತದ ಬಹುತೇಕ ರಾಜ್ಯಗಳಲ್ಲಿ ನವೆಂಬರ್ನಲ್ಲಿ 11-14 ರಿಂದ ದೀರ್ಘ ವಾರಾಂತ್ಯದ ರಜೆ ಇರುತ್ತದೆ.
ಹೆಚ್ಚಿನ ನಗರಗಳಲ್ಲಿ, ದೀಪಾವಳಿ ಹಬ್ಬದ ಕಾರಣ ನವೆಂಬರ್ 13 ಮತ್ತು 14 ರಂದು ಬ್ಯಾಂಕುಗಳು ಮುಚ್ಚಲ್ಪಡುತ್ತವೆ. ನ. 11 ಎರಡನೇ ಶನಿವಾರ ಮತ್ತು 12 ಭಾನುವಾರ ರಜೆ ಇದೆ.
ಕೆಲವು ರಾಜ್ಯಗಳಲ್ಲಿ, ಭೈದೂಜ್/ಚಿತ್ರಗುಪ್ತ್ ಜಯಂತಿ/ಲಕ್ಷ್ಮೀ ಪೂಜೆ(ದೀಪಾವಳಿ)/ನಿಂಗೋಲ್ ಚಕ್ಕೌಬಾ/ಭ್ರಾತ್ರಿದ್ವಿತಿಯ ಕಾರಣದಿಂದ ನವೆಂಬರ್ 15 ರಂದು ಬ್ಯಾಂಕ್ಗಳಿಗೆ ರಜೆ ದೊರೆಯುತ್ತದೆ.
ನವೆಂಬರ್ 20 ರಂದು, ಛತ್ ಹಬ್ಬದ ನಿಮಿತ್ತ ಬಿಹಾರ ಮತ್ತು ಛತ್ತೀಸ್ಗಢದಲ್ಲಿ ಬ್ಯಾಂಕ್ಗಳು ಮುಚ್ಚಲ್ಪಡುತ್ತವೆ.
ಉತ್ತರಾಖಂಡ ಮತ್ತು ಮಣಿಪುರದಲ್ಲಿ ನವೆಂಬರ್ 23 ರಂದು ಸೆಂಗ್ ಕುಟ್ಸ್ನೆಮ್/ಎಗಾಸ್-ಬಗ್ವಾಲ್ ದೃಷ್ಟಿಯಿಂದ ಬ್ಯಾಂಕ್ಗಳನ್ನು ಮುಚ್ಚಲಾಗುವುದು.
ನವೆಂಬರ್ನಲ್ಲಿ ಮತ್ತೊಂದು ದೀರ್ಘ ವಾರಾಂತ್ಯವಿದೆ. 4ನೇ ಶನಿವಾರ, ಭಾನುವಾರ ಮತ್ತು ಗುರುನಾನಕ್ ಜಯಂತಿ/ಕಾರ್ತಿಕ ಪೂರ್ಣಿಮಾ/ರಹಸ್ ಪೂರ್ಣಿಮೆಯ ಕಾರಣದಿಂದ ನವೆಂಬರ್ 25-27ರವರೆಗೆ ಬ್ಯಾಂಕ್ಗಳು ಮುಚ್ಚಲ್ಪಡುತ್ತವೆ.
ಆರ್ಬಿಐ ಕ್ಯಾಲೆಂಡರ್ ಪ್ರಕಾರ, ಕನಕದಾಸ ಜಯಂತಿಯ ಕಾರಣ ಕರ್ನಾಟಕದಲ್ಲಿ ನವೆಂಬರ್ 30 ರಂದು ಬ್ಯಾಂಕುಗಳು ಮುಚ್ಚಲ್ಪಡುತ್ತವೆ.
ಈ ದಿನಗಳಲ್ಲಿ ಎಟಿಎಂ ಮತ್ತು ಇಂಟರ್ನೆಟ್ ಬ್ಯಾಂಕಿಂಗ್ ಸೇವೆಗಳು ಕಾರ್ಯನಿರ್ವಹಿಸುತ್ತಲೇ ಇರುತ್ತವೆ.
ನವೆಂಬರ್ನಲ್ಲಿ ವಾರಾಂತ್ಯದ ರಜಾದಿನಗಳ ಪಟ್ಟಿ:
ನವೆಂಬರ್ 5: ಭಾನುವಾರ
11 ನವೆಂಬರ್: ಎರಡನೇ ಶನಿವಾರ
12 ನವೆಂಬರ್ ಭಾನುವಾರ
19 ನವೆಂಬರ್: ಭಾನುವಾರ
25 ನವೆಂಬರ್ ನಾಲ್ಕನೇ ಶನಿವಾರ
26 ನವೆಂಬರ್ ಭಾನುವಾರ
