ಬೆಂಗಳೂರು: ರಾಜ್ಯ ರಾಜಧಾನಿ ಬೆಂಗಳೂರಿನಲ್ಲಿ ಬರೋಬ್ಬರಿ 5 ಕೋಟಿ ಮೌಲ್ಯದ ಐಷಾರಾಮಿ ಬೆಂಟ್ಲಿ ಕಾರನ್ನು ಸೀಜ್ ಮಾಡಿರುವ ಘಟನೆ ನಡೆದಿದೆ.
ಕಾರು ನೊಂದಣಿ ವೇಳೆ ಕಡಿಮೆ ಮೌಲ್ಯವನ್ನು ತೀರಿಸಿದ್ದ ಕಾರಿನ ಮಾಲೀಕ ಈ ಮೂಲಕ ತೆರಿಗೆ ವಂಚನೆ ಮಾಡಿದ್ದರು. ಐದುವರೆ ಕೋಟಿ ಮೌಲ್ಯದ ಬೆಂಟ್ಲಿ ಕಾರನ್ನು ಎರಡುವರೆ ಕೋಟಿ ಮೌಲ್ಯದ ಕಾರು ಎಂದು ಸುಳ್ಳು ಹೇಳಿದ್ದರು. ಈ ಹಿನ್ನೆಲೆಯಲ್ಲಿ ಕಾರನ್ನು ಆರ್ ಟಿಒ ಅಧಿಕಾರಿಗಳು ಸೀಜ್ ಮಾಡಿದ್ದಾರೆ.
ಕೋರಮಮಂಗಲದಲ್ಲಿರುವ ಕಾರಿನ ಮಾಲೀಕನ ಮನೆಗೆ ದೌಡಾಯಿಸಿದ ಆರ್ ಟಿಒ ಅಧಿಕಾರಿಗಳು ಕಾರನ್ನು ಸೀಜ್ ಮಾಡಿದ್ದಾರೆ. ದಾಖಲೆ ಪರೀಶೀಲನೆ ವೇಳೆ ಕಾರಿನ ಮೌಲ್ಯ 5 ಕೋಟಿ 50 ಲಕ್ಷದ್ದು ಎಂಬುದು ಸ್ಪಷ್ಟವಾಗಿದೆ. ಆದರೆ ಕಾರಿನ ಮಾಲೀಕ ನೋಂದಣಿ ವೇಳೆ 2,43,50,000 ರೂ ಮೌಲ್ಯದ ಕಾರು ಎಂದು ಹೇಳಿದ್ದಾರೆ. ಇದರಿಂದ ಸುಮಾರು 70 ಲಕ್ಷದಷ್ಟು ತೆರಿಗೆ ವಂಚನೆ ಮಾಡಿದ್ದಾರೆ.
ಈ ಹಿನ್ನೆಲೆಯಲ್ಲಿ ಬೆಂಟ್ಲಿ ಕಾರಿನ ಮಾಲೀಕನ ಮನೆಗೆ ಬಂದ ಆರ್ ಟಿಒ ಅಧಿಕಾರಿಗಳು ಕಾರು ಸೀಜ್ ಮಾಡಿದ್ದಾರೆ. ಈ ವೇಳೆ ಮಾಲೀಕ ಕಾರು ಸೀಜ್ ಮಾಡಲು ಬಿಡಲ್ಲ. ಎರಡು ವರ್ಷಗಳ ಹಿಂದೆಯೇ ಕಾರು ನೋಂದಣಿಯಾಗಿದೆ. ನಾವೇನೂ ವಿಜಯ್ ಮಲ್ಯನಂತೆ ಫ್ರಾಡ್ ಮಾಡಿ ಓಡಿಹೋಗಲ್ಲ ಎಂದು ಅಧಿಅಕರಿಗಳ ಜೊತೆ ವಾಗ್ವಾದ ನಡೆಸಿದ ಪ್ರಸಂಗವೂ ನಡೆದಿದೆ.
