ಸುಮಾರು 30 ವರ್ಷಗಳ ನಂತರ ಅಸ್ಸಾಂ ರಾಜ್ಯ ಮೃಗಾಲಯಕ್ಕೆ 2 ಜೀಬ್ರಾಗಳು ಸೇರ್ಪಡೆಯಾಗಿವೆ. ಬೊಟಾನಿಕಲ್ ಗಾರ್ಡನ್ ಗೆ ಕರ್ನಾಟಕದ ಮೈಸೂರು ಮೃಗಾಲಯದಿಂದ ಎರಡು ಜೀಬ್ರಾಗಳನ್ನು ತೆಗೆದುಕೊಂಡು ಹೋಗಿ ಬಿಡಲಾಗಿದೆ. ಇದಕ್ಕಾಗಿ ಅಸ್ಸಾಂ ಮೃಗಾಲಯ ಮೈಸೂರು ಮೃಗಾಲಯಕ್ಕೆ ಧನ್ಯವಾದ ಹೇಳಿದೆ.
ಸೋಮವಾರ ಅಧಿಕೃತವಾಗಿ ಮೃಗಾಲಯದಲ್ಲಿ ಬಿಡುಗಡೆಯಾದ ಎರಡು ಜೀಬ್ರಾಗಳಿಗೆ ಜಾಯ್ ಮತ್ತು ಜೋಯಾ ಎಂದು ಹೆಸರಿಸಲಾಯಿತು.
ಅಸ್ಸಾಂ ರಾಜ್ಯ ಮೃಗಾಲಯವು ಪಾಟ್ನಾ ಮೃಗಾಲಯದಿಂದ ಹೆಣ್ಣು ಜಿರಾಫೆಯನ್ನು ಸಹ ಪಡೆದುಕೊಂಡಿದೆ. ಇದು ಈಗಾಗಲೇ ಮೃಗಾಲಯದಲ್ಲಿರುವ ಗಂಡು ಜಿರಾಫೆಗೆ ಜೊತೆಯಾಗಲಿದೆ. ಸರ್ಕಾರಿ ಅಧಿಕಾರಿಗಳ ಸಮ್ಮುಖದಲ್ಲಿ ಮೃಗಾಲಯದಲ್ಲಿ ಜೀಬ್ರಾಗಳು ಮತ್ತು ಜಿರಾಫೆಗಳನ್ನು ಔಪಚಾರಿಕವಾಗಿ ಬಿಡುಗಡೆ ಮಾಡಲಾಯಿತು.
ಎರಡು ಜೀಬ್ರಾಗಳು ಒಂದು ಗಂಡು ಮತ್ತು ಒಂದು ಹೆಣ್ಣು ಆಗಿದ್ದು ಮೈಸೂರಿನಿಂದ ತರಲಾಗಿದೆ. ಅವು ಕ್ರಮವಾಗಿ ಒಂದು ಮತ್ತು ಮೂರು ವರ್ಷಗಳಾಗಿವೆ ಎಂದು ಅಧಿಕೃತ ಹೇಳಿಕೆ ತಿಳಿಸಿದೆ. ಹೆಣ್ಣು ಜಿರಾಫೆಗೆ ಸುಮಾರು ಐದು ವರ್ಷ.
ಸುಮಾರು 30 ವರ್ಷಗಳ ನಂತರ ಅಸ್ಸಾಂ ರಾಜ್ಯ ಮೃಗಾಲಯಕ್ಕೆ ಹೊಸ ಜೀಬ್ರಾಗಳು ಬಂದಿವೆ ಮತ್ತು ಪ್ರಾಣಿಗಳನ್ನು ಚೆನ್ನಾಗಿ ನೋಡಿಕೊಳ್ಳಲು ಮತ್ತು ಅವುಗಳ ಸಂಖ್ಯೆಯನ್ನು ಹೆಚ್ಚಿಸಲು ಮೃಗಾಲಯದ ಅಧಿಕಾರಿಗಳಿಗೆ ಸಾಧ್ಯವಾಗುತ್ತದೆ ಎಂದು ಈ ಸಂದರ್ಭವನ್ನು ಅಧಿಕಾರಿಗಳು ವಿಶೇಷವೆಂದು ಶ್ಲಾಘಿಸಿದರು.
