ಮುಂಬೈ: ವನ್ಯಜೀವಿ ಸಂರಕ್ಷಣೆಯಲ್ಲಿ ಜಾಗತಿಕ ಮಟ್ಟದ ಸದ್ದು ಮಾಡಿದ್ದ ಅನಂತ್ ಅಂಬಾನಿ ಅವರ ವಂತಾರಾ ಈಗ ಐಸ್ಕ್ರೀಂ ಮಾರುಕಟ್ಟೆಗೂ ಲಗ್ಗೆ ಇಟ್ಟಿದೆ. ಮುಂಬೈನಲ್ಲಿ ವಂತಾರಾ ಕ್ರೀಮರಿ (Vantara Creamery) ಎಂಬ ಪ್ರೀಮಿಯಂ ಆರ್ಟಿಸಾನಲ್ ಐಸ್ಕ್ರೀಂ ಬ್ರ್ಯಾಂಡ್ ಅನ್ನು ಲಾಂಚ್ ಮಾಡಲಾಗಿದೆ.
ದೇಶಿ ಫ್ಲೇವರ್ಗಳ ಸಂಗಮ.ಕೇವಲ ಚಾಕೊಲೇಟ್ ಅಥವಾ ವೆನಿಲ್ಲಾಕ್ಕೆ ಸೀಮಿತವಾಗದ ಈ ಬ್ರ್ಯಾಂಡ್, ಭಾರತೀಯ ಸಾಂಪ್ರದಾಯಿಕ ರುಚಿಗಳಿಗೆ ಹೆಚ್ಚಿನ ಒತ್ತು ನೀಡಿದೆ.
ಪ್ರಮುಖ ಫ್ಲೇವರ್ಗಳು: ಮೆನುವು ಒಟ್ಟು 17 ವಿವಿಧ ರುಚಿಗಳನ್ನು ಒಳಗೊಂಡಿದ್ದು, ಇದರಲ್ಲಿ ಗುವಾ ಚಿಲ್ಲಿ (ಸೀಬೆಹಣ್ಣು ಮತ್ತು ಖಾರ), ಕೇಸರಿ ಪೇಡಾ, ಫಿಲ್ಟರ್ ಕಾಫಿ, ಮಲೈ ಕುಲ್ಫಿ ಮತ್ತು ಲೆಮನ್ ಸೋರ್ಬೆಟ್ ಹೆಚ್ಚು ಗಮನ ಸೆಳೆಯುತ್ತಿವೆ.
ಪ್ರೀಮಿಯಂ ಗುಣಮಟ್ಟ: ಈ ಐಸ್ಕ್ರೀಂಗಳನ್ನು ತಯಾರಿಸಲು ಅತ್ಯಂತ ಉತ್ಕೃಷ್ಟವಾದ A2 ಗಿರ್ ಹಸುವಿನ ಹಾಲನ್ನು ಬಳಸಲಾಗುತ್ತಿದೆ. ಇದು ಐಸ್ಕ್ರೀಂಗೆ ಹೆಚ್ಚಿನ ಕ್ರೀಮಿ ವಿನ್ಯಾಸ ನೀಡುತ್ತದೆ ಎಂದು ವರದಿಯಾಗಿದೆ.
ರಿಟ್ರೋ ಸ್ಟೈಲ್ ಐಸ್ಕ್ರೀಂ ಟ್ರಕ್
ಈ ಹೊಸ ಬ್ರ್ಯಾಂಡ್ ಮುಂಬೈನ ಜಿಯೋ ವರ್ಲ್ಡ್ ಡ್ರೈವ್ನಲ್ಲಿ ಅಧಿಕೃತವಾಗಿ ಪಾದಾರ್ಪಣೆ ಮಾಡಿದೆ.ವಿಶೇಷವಾಗಿ ವಿನ್ಯಾಸಗೊಳಿಸಲಾದ ರೆಟ್ರೋ ಶೈಲಿಯ ಐಸ್ಕ್ರೀಂ ಟ್ರಕ್ ಮೂಲಕ ಗ್ರಾಹಕರಿಗೆ ಈ ಸ್ಕೂಪ್ಗಳನ್ನು ವಿತರಿಸಲಾಗುತ್ತಿದೆ.ಮೇ 9 ಮತ್ತು 10 ರಂದು ಈಗಾಗಲೇ ಈ ಟ್ರಕ್ ಗ್ರಾಹಕರನ್ನು ಸೆಳೆದಿದ್ದು, ಈ ಟ್ರಕ್ ಈಗಾಗಲೇ ಮೇ 9 ಮತ್ತು 10 ರಂದು ಕಾರ್ಯನಿರ್ವಹಿಸಿದ್ದು, ಮತ್ತೆ ಮೇ 16 ಮತ್ತು 17, 2026 ರಂದು ಗ್ರಾಹಕರಿಗೆ ರುಚಿಕರ ಐಸ್ಕ್ರೀಂ ನೀಡಲು ಸಜ್ಜಾಗಿದೆ
https://www.instagram.com/p/DYFLrChDItm/?utm_source=ig_web_copy_link&igsh=NTc4MTIwNjQ2YQ==
ವನ್ಯಜೀವಿ ಸಂರಕ್ಷಣೆಯಿಂದ ಲೈಫ್ಸ್ಟೈಲ್ವರೆಗೆ
ಅನಂತ್ ಅಂಬಾನಿ ನೇತೃತ್ವದ ವಂತಾರಾ ಎಂಬುದು ಮೂಲತಃ ವನ್ಯಜೀವಿಗಳ ರಕ್ಷಣೆ ಮತ್ತು ಪುನರ್ವಸತಿಗಾಗಿ ಆರಂಭವಾದ ಅಭಿಯಾನ. ಈಗ ಅದೇ ಬ್ರ್ಯಾಂಡ್ ಅಡಿಯಲ್ಲಿ ಐಸ್ಕ್ರೀಂ ಉದ್ಯಮವನ್ನು ಆರಂಭಿಸುವುದು ಸಂಸ್ಥೆಯ ವಿಶಾಲ ದೃಷ್ಟಿಕೋನವನ್ನು ತೋರಿಸುತ್ತಿದೆ.
ಸಣ್ಣ ಬ್ಯಾಚ್ಗಳಲ್ಲಿ ಕೈಯಿಂದ ತಯಾರಿಸಲಾಗುವ (Small-batch craftsmanship) ಈ ಪ್ರೀಮಿಯಂ ಐಸ್ಕ್ರೀಂಗಳು ಈ ಬೇಸಿಗೆಯಲ್ಲಿ ಮುಂಬೈ ಜನರ ನೆಚ್ಚಿನ ಆಯ್ಕೆಯಾಗುವುದರಲ್ಲಿ ಅನುಮಾನವಿಲ್ಲ.
