ಬೆಂಗಳೂರು: ಹಿಂದೂ ಧರ್ಮದಲ್ಲಿ ಅತ್ಯಂತ ಪವಿತ್ರ ಮತ್ತು ಸಾಹಸಮಯ ಎಂದು ಪರಿಗಣಿಸಲಾಗುವ ಅಮರನಾಥ ಯಾತ್ರೆಗೆ (Amarnath Yatra 2026) ದಿನಗಣನೆ ಆರಂಭವಾಗಿದೆ. ಹಿಮಾಲಯದ ಹಿಮದ ಮಡಲಿನಲ್ಲಿರುವ ಬಾಬಾ ಬರ್ಫಾನಿ (Barfani Baba) ದರ್ಶನ ಪಡೆಯಲು ದೇಶಾದ್ಯಂತ ಲಕ್ಷಾಂತರ ಭಕ್ತರು ಸಜ್ಜಾಗುತ್ತಿದ್ದಾರೆ.ವಾಸ್ತವವಾಗಿ, ಅಮರನಾಥ ಯಾತ್ರೆಯು ಜಮ್ಮು ಮತ್ತು ಕಾಶ್ಮೀರದ ಪವಿತ್ರ ಯಾತ್ರೆಯಾಗಿದೆ. ಜುಲೈ ತಿಂಗಳಲ್ಲಿ ಪ್ರಾರಂಭವಾಗುವ ಈ ಯಾತ್ರೆ ಆಗಸ್ಟ್ ತಿಂಗಳಿನಲ್ಲಿ ಮುಕ್ತಾಯವಾಗುತ್ತದೆಯಾತ್ರೆಗೆ ಹೋಗಲು ಪ್ಲಾನ್ ಮಾಡುತ್ತಿರುವ ಭಕ್ತರಿಗೆ ಬೇಕಾಗುವ ದಿನಗಳು ಎಷ್ಟು? ನೋಂದಣಿ ಹೇಗೆ? ನಿಯಮಗಳೇನು? ಎಂಬ ಬಗ್ಗೆ ಸಂಪೂರ್ಣ ಮಾಹಿತಿ ಇಲ್ಲಿದೆ ನೋಡಿ:
2026 ರ ಅಮರನಾಥ ಯಾತ್ರೆ ಎಷ್ಟು ದಿನ ಇರುತ್ತೆ?
ಒಟ್ಟು ದಿನಗಳು: ಈ ವರ್ಷದ (2026) ಪವಿತ್ರ ಅಮರನಾಥ ಯಾತ್ರೆಯು ಜುಲೈ 3 ರಿಂದ ಆರಂಭವಾಗಿ ಆಗಸ್ಟ್ 28 ರವರೆಗೆ ನಡೆಯಲಿದ್ದು, ಒಟ್ಟು 57 ದಿನಗಳ ಕಾಲ ಭಕ್ತರಿಗೆ ದರ್ಶನಕ್ಕೆ ಅವಕಾಶವಿರುತ್ತದೆ.
ದರ್ಶನಕ್ಕೆ ಎಷ್ಟು ದಿನ ಬೇಕು?: ನೀವು ಆಯ್ಕೆ ಮಾಡಿಕೊಳ್ಳುವ ಮಾರ್ಗ ಮತ್ತು ನಿಮ್ಮ ನಡಿಗೆಯ ವೇಗದ ಆಧಾರದ ಮೇಲೆ ಗುಹೆಯ ದರ್ಶನಕ್ಕೆ 2 ರಿಂದ 5 ದಿನಗಳು ಬೇಕಾಗುತ್ತವೆ.
ಮಾರ್ಗಗಳು: ನೀವು ‘ಬಾಲ್ತಾಲ್’ (Baltal) ಮಾರ್ಗವನ್ನು ಆರಿಸಿಕೊಂಡರೆ ಕೇವಲ 1 ದಿನದಲ್ಲೇ ಟ್ರೆಕ್ಕಿಂಗ್ ಮುಗಿಸಬಹುದು. ಅದೇ ಸಾಂಪ್ರದಾಯಿಕ ‘ಪಹಲ್ಗಾಮ್’ (Pahalgam) ಮಾರ್ಗದ ಮೂಲಕ ಹೋದರೆ ಸಾಮಾನ್ಯವಾಗಿ 3 ರಿಂದ 5 ದಿನಗಳು ಬೇಕಾಗುತ್ತವೆ.
ಅಮರನಾಥ ಯಾತ್ರೆ 2026 ಕ್ಕೆ ರಿಜಿಸ್ಟ್ರೇಷನ್ ಮಾಡಿಕೊಳ್ಳುವುದು ಹೇಗೆ?
ಆನ್ಲೈನ್ ಮೂಲಕ ಸುಲಭವಾಗಿ ನೋಂದಣಿ ಮಾಡಿಕೊಳ್ಳಲು ಈ ಹಂತಗಳನ್ನು ಅನುಸರಿಸಿ:
ಶ್ರೀ ಅಮರನಾಥಜಿ ಶ್ರೈನ್ ಬೋರ್ಡ್ (SASB) ಅಧಿಕೃತ ವೆಬ್ಸೈಟ್ಗೆ ಭೇಟಿ ನೀಡಿ ಮತ್ತು “Yatra Permit Registration” ಆಪ್ಷನ್ ಆರಿಸಿಕೊಳ್ಳಿ.
ನಿಮ್ಮ ವೈಯಕ್ತಿಕ ವಿವರಗಳನ್ನು ಭರ್ತಿ ಮಾಡಿ, ಪಾಸ್ಪೋರ್ಟ್ ಅಳತೆಯ ಫೋಟೋ ಮತ್ತು ಕಡ್ಡಾಯ ಆರೋಗ್ಯ ಪ್ರಮಾಣಪತ್ರವನ್ನು (CHC) ಅಪ್ಲೋಡ್ ಮಾಡಿ.
ಒಟಿಪಿ (OTP) ಮೂಲಕ ನಿಮ್ಮ ಮೊಬೈಲ್ ನಂಬರ್ ವೆರಿಫೈ ಮಾಡಿ ಮತ್ತು ನಿಗದಿತ ಶುಲ್ಕವನ್ನು ಪಾವತಿಸಿ ಪ್ರಕ್ರಿಯೆ ಪೂರ್ಣಗೊಳಿಸಿ. (ನಿಯೋಜಿತ ಬ್ಯಾಂಕ್ ಕೇಂದ್ರಗಳಲ್ಲಿ ಆಫ್ಲೈನ್ ನೋಂದಣಿಗೂ ಅವಕಾಶವಿದೆ). ಯಾತ್ರೆಯುದ್ದಕ್ಕೂ RFID ಟ್ಯಾಗ್ ಧರಿಸುವುದು ಕಡ್ಡಾಯ.
ಅಮರನಾಥ ಯಾತ್ರೆಗೆ ಬೇಕಾದ ದಾಖಲೆಗಳು
ವೈದ್ಯಕೀಯ ಪ್ರಮಾಣಪತ್ರ
ಪ್ರಯಾಣ ಪರವಾನಗಿ
RFID ಕಾರ್ಡ್: ಎಲ್ಲಾ ಯಾತ್ರಾರ್ಥಿಗಳಿಗೆ ಕಡ್ಡಾಯ; ಟ್ರ್ಯಾಕಿಂಗ್ ಮತ್ತು ಭದ್ರತಾ ಉದ್ದೇಶಗಳಿಗಾಗಿ ಬಳಸಲಾಗುತ್ತದೆ.
ಆಧಾರ್ ಕಾರ್ಡ್: ಭಾರತೀಯ ನಾಗರಿಕರಿಗೆ ಅಗತ್ಯವಿದೆ; ಎನ್ಆರ್ಐಗಳು ತಮ್ಮ ಪಾಸ್ಪೋರ್ಟ್ಗಳನ್ನು ತೋರಿಸಬೇಕು.
ಛಾಯಾಚಿತ್ರಗಳು: ಅಧಿಕೃತ ದಾಖಲೆಗಳಿಗಾಗಿ 6 ಇತ್ತೀಚಿನ ಪಾಸ್ಪೋರ್ಟ್ ಗಾತ್ರದ ಛಾಯಾಚಿತ್ರಗಳು
ಮೊಬೈಲ್ ಸಂಖ್ಯೆ
ಅಮರನಾಥ ಗುಹೆ ಅಷ್ಟೊಂದು ಪವಿತ್ರ ಮತ್ತು ರಹಸ್ಯವಾಗಿರಲು ಕಾರಣವೇನು?
ಅಮರನಾಥ ಗುಹೆಯೊಳಗೆ ನೈಸರ್ಗಿಕವಾಗಿ ಮಂಜುಗಡ್ಡೆಯಿಂದ ಶಿವಲಿಂಗ (Ice Shivling) ಸೃಷ್ಟಿಯಾಗುತ್ತದೆ. ಹಿಂದೂ ಪುರಾಣಗಳ ಪ್ರಕಾರ, ಪರಶಿವನು ತನ್ನ ಅರ್ಧಾಂಗಿ ಪಾರ್ವತಿ ದೇವಿಗೆ ಅಮರತ್ವದ ರಹಸ್ಯವನ್ನು (ಅಮರ ಕಥೆ) ಇದೇ ಗುಹೆಯಲ್ಲಿ ಬೋಧಿಸಿದ್ದನು. ಶಿವನು ಕಥೆ ಹೇಳುವಾಗ ಅಲ್ಲಿ ಜತೆಗಿದ್ದ ಒಂದು ಜೋಡಿ ಪಾರಿವಾಳಗಳು ಆ ಕಥೆಯನ್ನು ಕೇಳಿ ಅಮರವಾದವು ಎಂಬ ನಂಬಿಕೆಯಿದೆ. ಇಂದಿಗೂ ಹಲವು ಭಕ್ತರು ಆ ಪಾರಿವಾಳಗಳನ್ನು ಅಲ್ಲಿ ನೋಡಿದ್ದಾಗಿ ಹೇಳಿಕೊಳ್ಳುತ್ತಾರೆ!
ಭಕ್ತರು ಪಾಲಿಸಬೇಕಾದ ಪ್ರಮುಖ ನಿಯಮಗಳು
ಏನು ಮಾಡಬೇಕು?: ಹಿಮಾಲಯದಲ್ಲಿ ಹವಾಮಾನ ದಿಢೀರ್ ಬದಲಾಗುವುದರಿಂದ ಜೊತೆಯಲ್ಲಿ ಬೆಚ್ಚಗಿನ ಉಣ್ಣೆ ಬಟ್ಟೆಗಳು (Woollen Clothes), ರೇನ್ ಗೇರ್ ಮತ್ತು ವಾಟರ್ಪ್ರೂಫ್ ಟ್ರೆಕ್ಕಿಂಗ್ ಶೂಗಳನ್ನು ತಪ್ಪದೇ ಇಟ್ಟುಕೊಳ್ಳಿ. ಆರ್ಎಫ್ಐಡಿ ಟ್ಯಾಗ್ ಮತ್ತು ಆಧಾರ್ ಕಾರ್ಡ್ ಸದಾ ನಿಮ್ಮ ಬಳಿಯೇ ಇರಲಿ.
ಏನು ಮಾಡಬಾರದು?: ಧೂಮಪಾನ, ಮದ್ಯಪಾನ ಮತ್ತು ಅತಿಯಾದ ಕೆಫೀನ್ ಯುಕ್ತ ಪಾನೀಯಗಳನ್ನು ಸೇವಿಸಬೇಡಿ. ಎತ್ತರ ಪ್ರದೇಶಕ್ಕೆ ಹೋದಾಗ ಸುಸ್ತಾಗುವುದು ಅಥವಾ ಉಸಿರಾಟದ ತೊಂದರೆ ಕಾಣಿಸಿಕೊಂಡರೆ ನಿರ್ಲಕ್ಷಿಸಬೇಡಿ. ಹಿಮಾಲಯದ ಪರಿಸರ ರಕ್ಷಣೆಗಾಗಿ ಪ್ಲಾಸ್ಟಿಕ್ ಬಳಕೆಯನ್ನು ಸಂಪೂರ್ಣವಾಗಿ ನಿಷೇಧಿಸಲಾಗಿದೆ.
