ಫ್ರಾನ್ಸ್: ಕಾನ್ ಚಲನಚಿತ್ರೋತ್ಸವ 2026ರ (Cannes Film Festival 2026) ಆರಂಭದ ರಾತ್ರಿಯಂದು ಬಾಲಿವುಡ್ ಸ್ಟಾರ್ ನಟಿ ಆಲಿಯಾ ಭಟ್ ತಮ್ಮ ಗ್ಲಾಮರಸ್ ನೋಟದ ಮೂಲಕ ಗಮನ ಸೆಳೆದಿದ್ದಾರೆ. ಆದರೆ, ಇದೇ ವೇಳೆ ರೆಡ್ ಕಾರ್ಪೆಟ್ ಮೇಲೆ ನಡೆದ ಒಂದು ಘಟನೆಯ ವಿಡಿಯೋ ಈಗ ಅಂತರಾಷ್ಟ್ರೀಯ ಮಟ್ಟದಲ್ಲಿ ಮತ್ತು ಭಾರತೀಯ ಅಭಿಮಾನಿಗಳ ನಡುವೆ ದೊಡ್ಡ ಮಟ್ಟದ ಚರ್ಚೆಗೆ ಕಾರಣವಾಗಿದೆ.
ಫೋಟೋಗ್ರಾಫರ್ಗಳು ಆಲಿಯಾರನ್ನು ನಿರ್ಲಕ್ಷಿಸಿದರೇ?
ರೆಡ್ ಕಾರ್ಪೆಟ್ ಮೇಲೆ ಆಲಿಯಾ ಭಟ್ ಅವರು ಅತ್ಯಂತ ಆತ್ಮವಿಶ್ವಾಸದಿಂದ ಹೆಜ್ಜೆ ಹಾಕುತ್ತಾ, ನಗುಮೊಗದಿಂದ ಕ್ಯಾಮೆರಾಗಳಿಗೆ ಪೋಸ್ ನೀಡುತ್ತಾ, ಅಭಿಮಾನಿಗಳಿಗೆ ಹಾರುವ ಮುತ್ತುಗಳನ್ನು (Flying Kisses) ನೀಡುತ್ತಿರುವ ವಿಡಿಯೋ ವೈರಲ್ ಆಗಿದೆ. ಆದರೆ, ಈ ವಿಡಿಯೋ ಗಮನಿಸಿದ ಅಭಿಮಾನಿಗಳು ಒಂದು ಆಘಾತಕಾರಿ ವಿಷಯವನ್ನು ಪತ್ತೆಹಚ್ಚಿದ್ದಾರೆ. ಆಲಿಯಾ ಪೋಸ್ ನೀಡುತ್ತಿದ್ದಾಗ ಹಿನ್ನೆಲೆಯಲ್ಲಿದ್ದ ಅಂತರಾಷ್ಟ್ರೀಯ ಫೋಟೋಗ್ರಾಫರ್ಗಳು ಬೇರೆ ಸೆಲೆಬ್ರಿಟಿಗಳತ್ತ ಗಮನ ಹರಿಸುತ್ತಿದ್ದುದು ಕಂಡುಬಂದಿದೆ.
https://www.instagram.com/reel/DYP66hAuh6c/?utm_source=ig_web_copy_link&igsh=NTc4MTIwNjQ2YQ==
ಅಭಿಮಾನಿಗಳ ಪ್ರತಿಕ್ರಿಯೆ:
ಹೃದಯ ವಿದ್ರಾವಕ: ನನ್ನ ಹೃದಯ ಒಡೆದಂತಾಗಿದೆ ಎಂದು ಒಬ್ಬ ಅಭಿಮಾನಿ ಬೇಸರ ವ್ಯಕ್ತಪಡಿಸಿದ್ದಾರೆ.
ಆತ್ಮವಿಶ್ವಾಸಕ್ಕೆ ಮೆಚ್ಚುಗೆ: ಯಾರೂ ಅವರ ಫೋಟೋ ತೆಗೆಯುತ್ತಿಲ್ಲ ಎಂಬುದು ನಿಜ, ಸ್ವಲ್ಪ ಮುಜುಗರದ ವಿಷಯವೇ ಆದರೂ ಆಲಿಯಾ ಅದನ್ನು ನಗುಮೊಗದಿಂದ ಎದುರಿಸುತ್ತಿರುವುದು ಅವರ ಸ್ಟ್ರೆಂತ್ ತೋರಿಸುತ್ತದೆ ಎಂದು ಮತ್ತೊಬ್ಬರು ಕಾಮೆಂಟ್ ಮಾಡಿದ್ದಾರೆ.
ಅಚ್ಚರಿ: “ಅವರು ಯಾರಿಗೆ ಕೈ ಬೀಸುತ್ತಿದ್ದಾರೆ? ಅವರ ಆತ್ಮವಿಶ್ವಾಸ ಮೆಚ್ಚಲೇಬೇಕು” ಎಂದು ಕೆಲವರು ಅಚ್ಚರಿ ವ್ಯಕ್ತಪಡಿಸಿದ್ದಾರೆ.
ರೆಡ್ ಕಾರ್ಪೆಟ್ ಮೇಲೆ ಆಲಿಯಾ ಉಡುಗೆ ಹೇಗಿತ್ತು?
ಲಾರಿಯಲ್ ಪ್ಯಾರಿಸ್ (L’Oréal Paris) ರಾಯಭಾರಿಯಾಗಿ ಕಾನ್ ಪ್ರವೇಶಿಸಿದ ಆಲಿಯಾ ಭಟ್, ತಮಾರಾ ರಾಲ್ಫ್ (Tamara Ralph) ವಿನ್ಯಾಸಗೊಳಿಸಿದ ಬ್ಲಶ್-ಟೋನ್ಡ್ ಕೌಚರ್ ಗೌನ್ ಧರಿಸಿದ್ದರು.
ವಿನ್ಯಾಸ: ಈ ಸ್ಟ್ರಾಪ್ಲೆಸ್ ಗೌನ್ ಕೆತ್ತಿದಂತಿರುವ ಕಾರ್ಸೆಟ್ ಬಾಡಿಸ್ ಹೊಂದಿತ್ತು. ತೋಳುಗಳ ಸುತ್ತ ಹರಿಯುವಂತಹ ಬಟ್ಟೆಯ ವಿನ್ಯಾಸವು ಭಾರತೀಯ ಸಂಸ್ಕೃತಿಯ ಸ್ಪರ್ಶವನ್ನು ನೀಡಿತ್ತು.
ಸ್ಟೈಲಿಂಗ್: ಖ್ಯಾತ ಸ್ಟೈಲಿಸ್ಟ್ ರಿಯಾ ಕಪೂರ್ ಅವರ ಮಾರ್ಗದರ್ಶನದಲ್ಲಿ ಆಲಿಯಾ ಈ ಲುಕ್ ಪಡೆದಿದ್ದರು. ಇದಕ್ಕೆ ಪೂರಕವಾಗಿ ಬೆಲೆಬಾಳುವ ರತ್ನದ ಆಭರಣಗಳನ್ನು ಅವರು ತೊಟ್ಟಿದ್ದರು.
ಕೆಲವರು ಇದು ಅಗೌರವದ ಸಂಗತಿ ಎಂದು ಹೇಳುತ್ತಿದ್ದರೆ, ಇನ್ನು ಕೆಲವರು ಆಲಿಯಾ ಅವರ ಕಾನ್ಫಿಡೆನ್ಸ್ ಅನ್ನು ಹಾಡಿ ಹೊಗಳುತ್ತಿದ್ದಾರೆ. ಒಟ್ಟಿನಲ್ಲಿ ಆಲಿಯಾ ಅವರ ಕಾನ್ 2026ರ ಎಂಟ್ರಿ ಈಗ ಇಂಟರ್ನೆಟ್ನಲ್ಲಿ ಸಖತ್ ಸದ್ದು ಮಾಡುತ್ತಿದೆ.
