ವಡೋದರಾ: ಯುಪಿ ವಾರಿಯರ್ಸ್ ತಂಡವನ್ನು ಎಂಟು ವಿಕೆಟ್ಗಳಿಂದ ಸೋಲಿಸುವ ಮೂಲಕ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಮ್ಮ ಎರಡನೇ ಮಹಿಳಾ ಪ್ರೀಮಿಯರ್ ಲೀಗ್(ಡಬ್ಲ್ಯೂಪಿಎಲ್) ಫೈನಲ್ಗೆ ಸ್ಥಾನ ಕಾಯ್ದುಕೊಂಡಿದೆ.
ಸತತ ಸೋಲುಗಳ ನಂತರ ಪಂದ್ಯಕ್ಕೆ ಕಾಲಿಟ್ಟ ಸ್ಮೃತಿ ಮಂಧಾನ ನೇತೃತ್ವದ ತಂಡವು ಪ್ಲೇಆಫ್ಗಿಂತ ಮುಂಚಿತವಾಗಿ ಮತ್ತಷ್ಟು ತೊಡಕುಗಳ ಅಪಾಯವನ್ನು ಎದುರಿಸಿತು. ವಡೋದರಾದ ಬಿಸಿಎ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ಅವರು ಪ್ರಬಲ ಪ್ರದರ್ಶನ ನೀಡುವ ಮೂಲಕ ಮೆಗ್ ಲ್ಯಾನಿಂಗ್ ಅವರ ಯುಪಿ ವಾರಿಯರ್ಸ್ ತಂಡವನ್ನು ಆರಾಮವಾಗಿ ಸೋಲಿಸಿ ಫೈನಲ್ನಲ್ಲಿ ತಮ್ಮ ಸ್ಥಾನವನ್ನು ಖಚಿತಪಡಿಸಿಕೊಂಡರು.
ಮೊದಲು ಬ್ಯಾಟಿಂಗ್ ಮಾಡಿದ ಯುಪಿ ಆರಂಭಿಕ ಆಟಗಾರರು ಲ್ಯಾನಿಂಗ್ ಮತ್ತು ದೀಪ್ತಿ ಶರ್ಮಾ ಇಬ್ಬರೂ 74 ರನ್ಗಳ ಪಾಲುದಾರಿಕೆ ಸ್ಥಾಪಿಸಿದರು. ಆದರೆ ನಾಯಕಿ 41 ರನ್ಗಳಿಗೆ ನಿರ್ಗಮಿಸಿದ ನಂತರ, ಕೆಳಗಿನ ಬ್ಯಾಟ್ಸ್ಮನ್ಗಳು ವೇಗವನ್ನು ಕಾಯ್ದುಕೊಳ್ಳಲು ವಿಫಲರಾದರು. ದೀಪ್ತಿ ತನ್ನ ಅರ್ಧಶತಕದೊಂದಿಗೆ ಗಮನಸೆಳೆದರು. ಯುಪಿ ತಂಡವು 143 ರನ್ ಗಳಿಸಿತು. ಎಂಟು ವಿಕೆಟ್ ಗೆ 143 ರನ್ ಗಳಿಸಿತದ್ದು, ಆರ್ಸಿಬಿ 13.1 ಓವರ್ ಗಳಲ್ಲಿ ಗೆಲುವಿನ ನಗೆ ಬೀರಿದೆ.
ಗೆಲುವಿನ ಗುರಿ ಬೆನ್ನತ್ತಿದ ಆರ್ಸಿಬಿ ಆರಂಭಿಕರಾದ ಗ್ರೇಸ್ ಹ್ಯಾರಿಸ್ ಮತ್ತು ಮಂಧಾನಾ ತಮ್ಮ 108 ರನ್ಗಳ ಪಾಲುದಾರಿಕೆಯೊಂದಿಗೆ ಉತ್ತಮ ಪ್ರದರ್ಶನ ನೀಡಿದರು. ಹ್ಯಾರಿಸ್ 37 ಎಸೆತಗಳಲ್ಲಿ 75 ರನ್ಗಳನ್ನು ಗಳಿಸಿದರು, ಮಂಧಾನಾ 27 ಎಸೆತಗಳಲ್ಲಿ ಅಜೇಯ 54 ರನ್ಗಳನ್ನು ಗಳಿಸಿದರು.
ಫೆಬ್ರವರಿ 5 ರಂದು ಫೈನಲ್ ಆಡುವ ಮೊದಲು ಆರ್ಸಿಬಿ ಒಂದು ವಾರದ ರಜೆಯನ್ನು ಆನಂದಿಸಲಿದೆ. ಇದನ್ನು ನೆನಪಿಸಿಕೊಂಡ ನಾಯಕಿ ಮಂಧಾನ, ಆಟಗಾರರು ಏನು ಬೇಕಾದರೂ ಮಾಡಲು ಅವಕಾಶ ನೀಡುವುದಾಗಿ ಹೇಳಿದ್ದಾರೆ.
