ಓಆರ್‌ಎಸ್‌ ಮತ್ತು ಎಲೆಕ್ಟ್ರಾಲ್‌ ಬಗ್ಗೆ ಬಹುತೇಕ ಎಲ್ಲರಿಗೂ ಗೊತ್ತಿದೆ. ವಾಂತಿ, ಅತಿಸಾರ ಅಥವಾ ಡಿಹೈಡ್ರೇಶನ್‌ ಆದಾಗ ವೈದ್ಯರು ORS ಅಥವಾ ಎಲೆಕ್ಟ್ರಾಲ್‌ ಕುಡಿಯುವಂತೆ ಸೂಚಿಸುತ್ತಾರೆ. ದೇಹದಲ್ಲಿ ನೀರಿನ ತೀವ್ರ ಕೊರತೆ ಉಂಟಾದಾಗ ಇವುಗಳನ್ನು ಸೇವಿಸಬೇಕು. ಆದರೆ ORS ಮತ್ತು ಎಲೆಕ್ಟ್ರಾಲ್‌ ನಡುವಿನ ವ್ಯಾತ್ಯಾಸವೇನು? ಇವೆರಡರಲ್ಲಿ ಯಾವುದು ಹೆಚ್ಚು ಪ್ರಯೋಜನಕಾರಿ ಅನ್ನೋದನ್ನು ನೋಡೋಣ.
ಎಲೆಕ್ಟ್ರಾಲ್‌ ಎಂದರೇನು?
ಇದು FDC ಪ್ರೈವೇಟ್ ಲಿಮಿಟೆಡ್ ಕಂಪನಿಯ ಉತ್ಪನ್ನ. ವಿಶ್ವ ಆರೋಗ್ಯ ಸಂಸ್ಥೆ ನೀಡಿದ ಸೂತ್ರದ ಮೇಲೆ ಇದನ್ನು ಸಿದ್ಧಪಡಿಸಲಾಗಿದೆ. ಎಲೆಕ್ಟ್ರಾಲ್‌ನ ಒಂದು ಸ್ಯಾಚೆಟ್ ಒಳಗೆ 21.80 ಗ್ರಾಂ ಪುಡಿ ಇರುತ್ತದೆ. ಗ್ಯಾಸ್, ಕಲ್ಲಿನ ಸಮಸ್ಯೆ, ಸೋಡಿಯಂ ಕೊರತೆ, ದೇಹದಲ್ಲಿ ಎಲೆಕ್ಟ್ರೋಲೈಟಿಕ್ ಅಸಮತೋಲನದಿಂದ ಬಳಲುತ್ತಿದ್ದರೆ ಈ ಪುಡಿ ಪ್ರಯೋಜನಕಾರಿಯಾಗಿದೆ. ಇದನ್ನು ನೀರಿನಲ್ಲಿ ಬೆರೆಸಿ ಕುಡಿಯಬೇಕು.
ORS ಎಂದರೇನು?
ಓರಲ್ ರೀಹೈಡ್ರೇಶನ್ ಸೊಲ್ಯೂಶನ್‌ ಅನ್ನು ORS ಎಂದು ಕರೆಯುತ್ತೇವೆ. ದೇಹವು ಹೆಚ್ಚು ನಿರ್ಜಲೀಕರಣಗೊಂಡಾಗ ORS ದ್ರಾವಣವನ್ನು ಕುಡಿಯುವುದು ಪ್ರಯೋಜನಕಾರಿ. ಎಲೆಕ್ಟ್ರೋಲೈಟ್‌ನಂತೆ, ORS ಕೂಡ WHO ಸೂಚಿಸಿದ ಸೂತ್ರವನ್ನು ಆಧರಿಸಿದೆ. ಸೋಡಿಯಂ ಕ್ಲೋರೈಡ್ ಮತ್ತು ಪೊಟ್ಯಾಸಿಯಮ್ ಕ್ಲೋರೈಡ್ ಹೊರತುಪಡಿಸಿ, ಸೋಡಿಯಂ ಸಿಟ್ರೇಟ್ ಮತ್ತು ಡೆಕ್ಸ್ಟ್ರೋಸ್ ಅನ್ಹೈಡ್ರಸ್ ಕೂಡ ಇದರಲ್ಲಿವೆ.
ಪ್ರಯೋಜನ ಮತ್ತು ಅಡ್ಡಪರಿಣಾಮ…!
ಎಲೆಕ್ಟ್ರೋಲೈಟ್ ಅಥವಾ ORS ದ್ರಾವಣ ಎರಡನ್ನೂ ಹೆಚ್ಚು ಕಡಿಮೆ ಒಂದೇ ಸಂದರ್ಭಗಳಲ್ಲಿ ಬಳಸಲಾಗುತ್ತದೆ. ಅತಿಯಾದ ವಾಂತಿ, ಭೇದಿ ಅಥವಾ ತೀವ್ರ ಮಲಬದ್ಧತೆ ಉಂಟಾದಾಗ ಎರಡರಲ್ಲಿ ಯಾವುದಾದರೂ ಒಂದನ್ನು ಸೇವಿಸಬಹುದು. ಆದರೆ ವೈದ್ಯರ ಸಲಹೆ ಅನುಸರಿಸುವುದು ಅವಶ್ಯಕ.
ಇವೆರಡೂ ಕೆಲವು ಪ್ರಯೋಜನಗಳು ಮತ್ತು ಕೆಲವು ಅಡ್ಡ ಪರಿಣಾಮಗಳನ್ನು ಹೊಂದಿವೆ. ಇದು ವಿಭಿನ್ನ ರೀತಿಯಲ್ಲಿ ಪರಿಣಾಮ ಬೀರಬಹುದು. ಕೆಲವವರಿಗೆ ಇವುಗಳಿಂದ ಹೊಟ್ಟೆನೋವು, ತಲೆನೋವು ಮತ್ತು ಉಸಿರಾಟದ ತೊಂದರೆ ಉಂಟಾಗುತ್ತದೆ. ಕೆಲವರಿಗೆ ಚರ್ಮದ ಅಲರ್ಜಿಯೂ ಬರಬಹುದು.
