ಹುಬ್ಬಳ್ಳಿ: ಸಾಫ್ಟ್ ವೇರ್ ಇಂಜಿನಿಯರ್ ಎಂದು ಸುಳ್ಳು ಹೇಳಿ ಮದುವೆಯಾಗಿದ್ದ ಪತಿಮಹಾಶಯನೊಬ್ಬ ಪತ್ನಿಯ ಜೊತೆ ಚೆನ್ನಾಗಿಯೇ ಜವನ ಸಾಗಿಸುತ್ತಿದ್ದವನು ಈಗ ಮಗುವಾಗುತ್ತಿದ್ದಂತೆ ಪತ್ನಿ-ಮಗುವನ್ನು ಬಿಟ್ಟು ನಾಪತ್ತೆಯಾಗಿರುವ ಘಟನೆ ಹುಬ್ಬಳ್ಳಿಯಲ್ಲಿ ನಡೆದಿದೆ.
ಮೊಹಮ್ಮದ್ ಗೌಸ್ ಪರಾರಿಯಾದ ಪತಿ. ಪತಿಗಾಗಿ ರುಕ್ಸಾನಾ ಮಗುವಿನ ಜೊತೆ ಮನೆ ಮುಂದೆ ಪ್ರತಿಭಟನೆ ನಡೆಸುತ್ತಿದ್ದಾರೆ. ಮೊಹಮ್ಮದ್ ಗೌಸ್ ಗೆ ಅದಾಗಲೇ ಮದುವೆಯಾಗಿ ಪತ್ನಿಯಿದ್ದರೂ ಸುಳ್ಳು ಹೇಳಿದ್ದ. ಅಲ್ಲದೇ ತಾನು ಸಾಫ್ಟ್ ವೇರ್ ಉದ್ಯೋಗಿ. ಹುಬ್ಬಳ್ಳಿಯಲ್ಲಿ ಆಸ್ತಿಯಿದೆ, ಒಂದು ಪಿಜಿ ನಡೆಸುತ್ತಿದ್ದೇನೆ ಎಂದು ಹೇಳಿ ಯಲ್ಲಾಪುರ ಮೂಲದ ರುಕ್ಸಾನಾಳನ್ನು ವಿವಾಹವಾಗಿದ್ದ.
ಆರಂಭದಲ್ಲಿ ಚನ್ನಾಗಿಯೇ ಇದ್ದ ಮೊಹಮ್ಮದ್ ಈಗ ರುಕ್ಸಾನಾಳಿಗೆ ಮಗುವಾಗುತ್ತಿದ್ದಂತೆ ಬಾಣಂತಿ-ಮಗುವನ್ನು ಬಿಟ್ಟು ಪರಾರಿಯಾಗಿದ್ದಾನೆ. ಕಂಗಾಲಾಗಿರುವ ರುಕ್ಸಾನಾ ನ್ಯಾಯಕ್ಕಾಗಿ ಮೊಹಮ್ಮದ್ ಗೌಸ್ ಮನೆ ಮುಂದೆ ಧರಣಿ ನಡೆಸುತ್ತಿದ್ದಾಳೆ.
ರುಕ್ಸಾನಾ ಕುಟುಬದವರು ಹುಬ್ಬಳ್ಳಿಯ ಮಹಿಳಾ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಆರೋಪಿ ಮೊಹಮ್ಮದ್ ಗೌಸ್ ಗಾಗಿ ಪೊಲೀಸರು ಹುಡುಕಾಟ ನಡೆಸಿದ್ದಾರೆ.
