ಏಪ್ರಿಲ್ 19ಕ್ಕೆ ತೆರೆ ಮೇಲೆ ಬರಲಿದೆ ʼನಾಲ್ಕನೆ ಆಯಾಮ’

ಈಗಾಗಲೇ ತನ್ನ ಟೈಟಲ್ಲಿಂದಲೇ ಭರ್ಜರಿ ಸೌಂಡ್ ಮಾಡಿರುವ ‘ನಾಲ್ಕನೇ ಆಯಾಮ’ ಚಿತ್ರ ಇದೆ ಏಪ್ರಿಲ್ 19ಕ್ಕೆ ರಾಜ್ಯದಾದ್ಯಂತ ತೆರೆ ಮೇಲೆ ಬರಲಿದೆ. ಈ ಕುರಿತು ಗೌತಮ್ ಮತ್ತು ನಟಿ ರಚನಾ ಇಂದರ್ ವಿಡಿಯೋ ಮುಖಾಂತರ  ತಿಳಿಸಿದ್ದಾರೆ.

ಸೈಕಲಾಜಿಕಲ್ ಹಾರರ್ ಥ್ರಿಲ್ಲರ್ ಕಥಾಹಂದರ  ಹೊಂದಿರುವ ಈ ಸಿನಿಮಾವನ್ನು ಗೌತಮ್ ಆರ್ ನಿರ್ದೇಶಿಸುವುದರ ಜೊತೆಗೆ ನಾಯಕ ನಟನಾಗಿ ಅಭಿನಯಿಸಿದ್ದಾರೆ.

ಇಂಚರ ಕ್ರಿಯೆಷನ್ಸ್ ಬ್ಯಾನರ್ ನಲ್ಲಿ ಅರುಣ ಮುತ್ತುರಾಯಪ್ಪ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದು, ಗೌತಮ್ ಆರ್ ಮತ್ತು ರಚನಾ ಪ್ರಮುಖ ಪಾತ್ರದಲ್ಲಿದ್ದಾರೆ. ಅರ್ಜುನ್ ಜನ್ಯ ಸಂಗೀತ ಸಂಯೋಜನೆ ನೀಡಿದ್ದು, ಶ್ರೀಕಾಂತ್ ಸಂಕಲನ, ಆಯುಷ್ ನೃತ್ಯ ನಿರ್ದೇಶನ, ಬ್ರಹ್ಮೇಂದ್ರ ಛಾಯಾಗ್ರಹಣವಿದೆ.