ಚುನಾವಣೆಯ ಸಮಯದಲ್ಲಿ ಎಷ್ಟು ಹಣ ಸಾಗಣೆ ಮಾಡಬಹುದು…..? ಇಲ್ಲಿದೆ ಚುನಾವಣಾ ಆಯೋಗದ ಖಡಕ್‌ ನಿಯಮ

ಈಗ ಲಕ್ಷಾಂತರ ರೂಪಾಯಿ ಹಣವನ್ನು ಕೊಂಡೊಯ್ಯುವಂತಿಲ್ಲ. ಯಾಕಂದ್ರೆ ಚುನಾವಣಾ ನೀತಿ ಸಂಹಿತೆ ದೇಶದಲ್ಲಿ ಜಾರಿಯಲ್ಲಿದೆ. ಕೆಲ ದಿನಗಳ ಹಿಂದೆ ತಮಿಳುನಾಡಿನಲ್ಲಿ 69,400 ರೂಪಾಯಿಯನ್ನು  ಪೊಲೀಸರು ಪ್ರವಾಸಿಗರಿಂದ ವಶಪಡಿಸಿಕೊಂಡ ವೀಡಿಯೊ ವೈರಲ್‌ ಆಗಿತ್ತು. ತನಿಖೆಯ ಬಳಿಕ ಈ ಹಣವನ್ನು ಹಿಂತಿರುಗಿಸಲಾಗಿದೆ. ಆದರೆ ಈ ಘಟನೆಯಿಂದಾಗಿ ಚುನಾವಣಾ ಆಯೋಗದ ಕಟ್ಟುನಿಟ್ಟಿನ ನಿಯಮಗಳು, ನಗದು ಮತ್ತು ಇತರ ವಸ್ತುಗಳನ್ನು ಕೊಂಡೊಯ್ಯುವ ಬಗ್ಗೆ ಚರ್ಚೆಯಾಗುತ್ತಿದೆ. ಯಾವುದೇ ಪಕ್ಷದ ನಾಯಕ, ಕಾರ್ಯಕರ್ತ ಅಥವಾ ಪಕ್ಷದೊಂದಿಗೆ ಸಂಬಂಧ ಹೊಂದಿರುವ ವ್ಯಕ್ತಿ ಎಷ್ಟು ಹಣವನ್ನು ಸಾಗಿಸಬಹುದು? ಚುನಾವಣೆಯಲ್ಲಿ ಅತಿಯಾದ ಹಣದ ಬಳಕೆಯನ್ನು ಚುನಾವಣಾ ಆಯೋಗ ಎಂಬುದರ ವಿವರ ಇಲ್ಲಿದೆ.

ಚುನಾವಣಾ ಆಯೋಗವು ಈಗಾಗಲೇ ದೊಡ್ಡ ರಾಜ್ಯಗಳಲ್ಲಿ ಒಂದು ಲೋಕಸಭಾ ಸ್ಥಾನದ ವೆಚ್ಚದ ಮಿತಿಯನ್ನು 95 ಲಕ್ಷ ರೂಪಾಯಿಗಳಿಗೆ ಮತ್ತು ಸಣ್ಣ ರಾಜ್ಯಗಳ ಒಂದು ಕ್ಷೇತ್ರಕ್ಕೆ 75 ಲಕ್ಷ ರೂಪಾಯಿ ನಿಗದಿಪಡಿಸಿದೆ. ಚುನಾವಣಾ ಪ್ರಚಾರದಲ್ಲಿ ವೆಚ್ಚವು ಈ ಮಿತಿಯನ್ನು ಮೀರದಂತೆ ನೋಡಿಕೊಳ್ಳಲಾಗುತ್ತದೆ. ಇದಕ್ಕಾಗಿ ಚುನಾವಣಾ ಆಯೋಗ ಪೊಲೀಸ್ ಇಲಾಖೆ, ರೈಲ್ವೆ, ವಿಮಾನ ನಿಲ್ದಾಣಗಳು, ಆದಾಯ ತೆರಿಗೆ ಇಲಾಖೆ ಮತ್ತು ಇತರ ಏಜೆನ್ಸಿಗಳಿಗೆ ಸೂಚನೆಗಳನ್ನು ನೀಡುತ್ತದೆ. ಚುನಾವಣಾ ಸಮಯದಲ್ಲಿ ಮತದಾರರ ಮೇಲೆ ಪ್ರಭಾವ ಬೀರಲು ನಗದು, ಮದ್ಯ, ಆಭರಣಗಳು, ಉಡುಗೊರೆಗಳು ಇತ್ಯಾದಿಗಳ ಸಾಗಣೆಯ ಮೇಲೆ ನಿರ್ಬಂಧಗಳನ್ನು ಹೇರಲು ಆಯೋಗವು ಪ್ರಯತ್ನಿಸುತ್ತದೆ.

ಇದನ್ನೆಲ್ಲ ತಡೆಯಲು ಪರಿವೀಕ್ಷಣಾ ತಂಡಗಳು ಮತ್ತು ಫ್ಲೈಯಿಂಗ್ ಸ್ಕ್ವಾಡ್‌ಗಳ ಜೊತೆಗೆ ಪ್ರತಿ ಜಿಲ್ಲೆಗೆ ವೆಚ್ಚ ವೀಕ್ಷಕರನ್ನು ನಿಯೋಜಿಸಲಾಗುತ್ತದೆ. ಹಿರಿಯ ಕಾರ್ಯನಿರ್ವಾಹಕ ಮ್ಯಾಜಿಸ್ಟ್ರೇಟ್ ನೇತೃತ್ವದ ತಂಡವು ಹಿರಿಯ ಪೊಲೀಸ್ ಅಧಿಕಾರಿ, ವಿಡಿಯೋಗ್ರಾಫರ್ ಮತ್ತು ಮೂರು-ನಾಲ್ಕು ಶಸ್ತ್ರಸಜ್ಜಿತ ಪೊಲೀಸರನ್ನು ಒಳಗೊಂಡಿರುತ್ತದೆ. ಕಣ್ಗಾವಲು ತಂಡಗಳು ರಸ್ತೆಗಳಲ್ಲಿ ಚೆಕ್‌ಪೋಸ್ಟ್‌ಗಳನ್ನು ಸ್ಥಾಪಿಸುತ್ತವೆ ಮತ್ತು ಸಂಪೂರ್ಣ ತನಿಖೆ ಪ್ರಕ್ರಿಯೆಯನ್ನು ವೀಡಿಯೊ ಮಾಡಬೇಕಾಗುತ್ತದೆ. ಮತದಾನದ ಮೊದಲು 72 ಗಂಟೆಗಳಲ್ಲಿ ನಿಯೋಜನೆಯು ಹೆಚ್ಚಾಗುತ್ತದೆ.

ಅಂತಹ ಸಮಯದಲ್ಲಿ 10 ಲಕ್ಷಕ್ಕಿಂತ ಹೆಚ್ಚು ನಗದು ಅಥವಾ 1 ಕೆಜಿಗಿಂತ ಹೆಚ್ಚು ಚಿನ್ನ ಮತ್ತು ಬೆಳ್ಳಿ ಇತ್ಯಾದಿ ಕಂಡುಬಂದಲ್ಲಿ ಅಧಿಕಾರಿಗಳು ತಕ್ಷಣ ಆ ವ್ಯಕ್ತಿಯ ಬಗ್ಗೆ ಆದಾಯ ತೆರಿಗೆ ಇಲಾಖೆಗೆ ತಿಳಿಸುವುದು ಅವಶ್ಯಕ. ಅದು ಯಾವುದೇ ರಾಜಕೀಯ ಪಕ್ಷ ಅಥವಾ ಅಭ್ಯರ್ಥಿಗೆ ಸೇರಿಲ್ಲ ಎಂದು ಖಚಿತಪಡಿಸಿಕೊಳ್ಳಲು ಪರಿಶೀಲನೆ ಪೂರ್ಣಗೊಳ್ಳುವವರೆಗೆ ನಗದು ಅಥವಾ ಇತರ ವಸ್ತುಗಳನ್ನು ವಶಪಡಿಸಿಕೊಳ್ಳಬಹುದು.

ಯಾವುದೇ ಅಭ್ಯರ್ಥಿ, ಅವರ ಏಜೆಂಟ್ ಅಥವಾ ಪಕ್ಷದ ಕಾರ್ಯಕರ್ತರ ವಾಹನದಲ್ಲಿ 50,000 ರೂ.ಗಿಂತ ಹೆಚ್ಚು ನಗದು, ಡ್ರಗ್ಸ್, ಮದ್ಯ, ಶಸ್ತ್ರಾಸ್ತ್ರಗಳು ಅಥವಾ 10,000 ರೂ.ಗಿಂತ ಹೆಚ್ಚಿನ ಮೌಲ್ಯದ ಉಡುಗೊರೆಗಳನ್ನು ಸಾಗಿಸಿದರೆ ಅವನ್ನೆಲ್ಲ ತಕ್ಷಣವೇ ಜಪ್ತಿ ಮಾಡಲಾಗುತ್ತದೆ.

ನಗದು ಅಥವಾ ಇತರ ವಸ್ತುಗಳನ್ನು ವಶಪಡಿಸಿಕೊಂಡ ಬಳಿಕ ಅವು ಯಾವುದೇ ಅಭ್ಯರ್ಥಿ ಅಥವಾ ಅಪರಾಧಕ್ಕೆ ಸಂಬಂಧಿಸಿಲ್ಲ ಎಂದು ಕಂಡುಬಂದರೆ ಅವನ್ನೆಲ್ಲ ಹಿಂದಿರುಗಿಸಬೇಕು. ಜಿಲ್ಲಾ ಚುನಾವಣಾ ಕಚೇರಿಯ ನೋಡಲ್ ಅಧಿಕಾರಿ ಮತ್ತು ಜಿಲ್ಲಾ ಖಜಾನೆ ಅಧಿಕಾರಿಯನ್ನು ಒಳಗೊಂಡಿರುವ ಸಮಿತಿಯು ಯಾವುದೇ ಎಫ್‌ಐಆರ್/ದೂರು ದಾಖಲಾಗದಿದ್ದರೂ ಅಥವಾ ಅಭ್ಯರ್ಥಿ, ರಾಜಕೀಯ ಪಕ್ಷದ ನಡವಳಿಕೆಗೆ ಸಂಬಂಧಿಸಿದಂತೆ ವಶಪಡಿಸಿಕೊಂಡಿದ್ದರೂ ಸಹ, ವೆಚ್ಚವನ್ನು ಮೇಲ್ವಿಚಾರಣೆ ಮಾಡಲು ಸ್ವಯಂಚಾಲಿತವಾಗಿ ಪ್ರಕರಣವನ್ನು ತನಿಖೆ ಮಾಡುತ್ತದೆ.