ಕೊಚ್ಚಿ: ಕೇರಳ ಸರ್ಕಾರ ರಾಜ್ಯದಾದ್ಯಂತ ಸಿನಿಮಾ ಥಿಯೇಟರ್‌ಗಳಿಗೆ ಸೇವಾ ಶುಲ್ಕ ವಿಧಿಸಲಿದ್ದು, ಆರ್ಥಿಕ ಸಂಕಷ್ಟ ಎದುರಿಸುತ್ತಿರುವ ಕಲಾವಿದರಿಗೆ ವೈದ್ಯಕೀಯ ನೆರವು ನೀಡಲು ಮೀಸಲಿಡಲಿದೆ.
ಥಿಯೇಟರ್ ಪರವಾನಗಿ ಮತ್ತು ನೋಂದಣಿಗಳ ನವೀಕರಣದ ಸಮಯದಲ್ಲಿ ಈ ಸೇವಾ ಶುಲ್ಕವನ್ನು ಸಂಗ್ರಹಿಸುವ ಜವಾಬ್ದಾರಿಯನ್ನು ರಾಜ್ಯ ಚಲನಚಿತ್ರ ಅಕಾಡೆಮಿಗೆ ವಹಿಸಲಾಗಿದೆ. ಆಸನ ಸಾಮರ್ಥ್ಯದ ಆಧಾರದ ಮೇಲೆ ಶೇ. 5 ರಿಂದ 8.5 ವರೆಗಿನ ಶುಲ್ಕ ವಿಧಿಸಲಾಗುವುದು. ಪ್ರತಿ ಸ್ಕ್ರೀನ್‌ ಗೆ 5,000 ರೂ.ನಿಂದ 10,000 ರೂ. ವರೆಗಿನ ವಾರ್ಷಿಕ ನವೀಕರಣ ದರಗಳಿಗೆ ಹೆಚ್ಚುವರಿಯಾಗಿರುತ್ತದೆ ಎನ್ನಲಾಗಿದೆ.
ಪ್ರಸ್ತುತ, ಕೇರಳದ ಚಿತ್ರಮಂದಿರಗಳು ಅಗತ್ಯವಿರುವ ಕಲಾವಿದರ ಕಲ್ಯಾಣ ನಿಧಿಗಾಗಿ ಪ್ರೇಕ್ಷಕರಿಂದ ಪ್ರತಿ ಟಿಕೆಟ್‌ಗೆ 3 ರೂಪಾಯಿಗಳನ್ನು ಸಂಗ್ರಹಿಸುತ್ತವೆ. ಹೆಚ್ಚುವರಿಯಾಗಿ, 400 ಸೀಟುಗಳನ್ನು ಹೊಂದಿರುವ ಚಿತ್ರಮಂದಿರಗಳು ವಾರ್ಷಿಕವಾಗಿ ಚಲನಚಿತ್ರ ಅಭಿವೃದ್ಧಿ ನಿಗಮಕ್ಕೆ 30,000 ಮತ್ತು ಚಲನಚಿತ್ರ ಅಕಾಡೆಮಿಗೆ 25,000 ರೂ. ಸಣ್ಣ ಚಿತ್ರಮಂದಿರಗಳು ಕ್ರಮವಾಗಿ 25,000 ಮತ್ತು 10,000 ರೂ. ನೀಡುತ್ತವೆ.
ಪ್ರಸ್ತಾವಿತ ಸೇವಾ ಶುಲ್ಕಗಳು ತೀವ್ರ ವಿರೋಧಕ್ಕೆ ಕಾರಣವಾಗಿವೆ. ಈ ನಿರ್ಧಾರವು ಸಿನಿಮಾ, ರಂಗಭೂಮಿ ಉದ್ಯಮವನ್ನು ಅಪಾಯಕ್ಕೆ ತಳ್ಳಬಹುದು, ಟಿಕೆಟ್ ದರವನ್ನು ಹೆಚ್ಚಿಸುವ ಅವಶ್ಯಕತೆಯಿದೆ. ಫಿಲ್ಮ್ ಎಕ್ಸಿಬಿಟರ್ಸ್ ಯುನೈಟೆಡ್ ಆರ್ಗನೈಸೇಶನ್ ಆಫ್ ಕೇರಳದ(ಎಫ್‌ಇಒಯುಕೆ) ಅಧ್ಯಕ್ಷ ಕೆ ವಿಜಯಕುಮಾರ್, ಕಲಾವಿದರ ಕಲ್ಯಾಣಕ್ಕಾಗಿ ಬಹುತೇಕ ಎಲ್ಲಾ ಹಣವು ಚಿತ್ರಮಂದಿರಗಳಿಂದ ಬರುತ್ತದೆ. ಒಂದು ವೇಳೆ ಸರ್ಕಾರ ಈಗಿರುವ ದರಕ್ಕಿಂತ ಹೆಚ್ಚಿನ ಶುಲ್ಕವನ್ನು ಹೆಚ್ಚಿಸುವಂತೆ ಒತ್ತಾಯಿಸಿದರೆ ಪ್ರತಿಭಟನೆ ನಡೆಸುವುದಾಗಿ ಎಚ್ಚರಿಕೆ ನೀಡಿದ್ದಾರೆ.
