ತಮ್ಮ ಕಠಿಣ ಪರಿಶ್ರಮ ಮತ್ತು ಕುಟುಂಬದ ಬೆಂಬಲದಿಂದ ಕಂಪನಿಗಳನ್ನು ನಿರ್ಮಿಸಿದ ಹಲವು ಯಶಸ್ವಿ ಉದ್ಯಮಿಗಳು ನಂತರ ಅದನ್ನು ತಮ್ಮ ಮುಂದಿನ ಪೀಳಿಗೆಗೆ ಬಿಟ್ಟುಹೋಗಿದ್ದಾರೆ. ಅವರ ನಿಧನದ ನಂತರ ಕುಟುಂಬ ಸದಸ್ಯರು ಈಗ ಕಂಪನಿಗಳನ್ನು ಮುನ್ನಡೆಸುತ್ತಿದ್ದಾರೆ. ಅಂತಹ ವ್ಯಕ್ತಿಗಳಲ್ಲಿ ಒಬ್ಬರು ಸಂದೀಪ್ ಸಿಂಗ್ . ಔಷಧೀಯ ಸಂಸ್ಥೆ ಅಲ್ಕೆಮ್ ಲ್ಯಾಬೊರೇಟರೀಸ್‌ನ ವ್ಯವಸ್ಥಾಪಕ ನಿರ್ದೇಶಕರಾಗಿ (MD) ಮುನ್ನಡೆಸುತ್ತಿದ್ದಾರೆ. ಅವರು ಕಂಪನಿಯ ಸಂಸ್ಥಾಪಕ ಮತ್ತು ಅಧ್ಯಕ್ಷ ಸಂಪ್ರದಾ ಸಿಂಗ್ ಅವರ ಮೊಮ್ಮಗ.
ಸಂದೀಪ್ ಸಿಂಗ್ ಅವರು ಔಷಧೀಯ ಉದ್ಯಮದಲ್ಲಿ 18 ವರ್ಷಗಳ ಅನುಭವವನ್ನು ಹೊಂದಿದ್ದಾರೆ. 40 ವರ್ಷ ವಯಸ್ಸಿನ ಅವರು ಸಂಸ್ಥೆಯ ದೇಶೀಯ ಮತ್ತು ಅಂತರರಾಷ್ಟ್ರೀಯ ಕಾರ್ಯಾಚರಣೆಗಳನ್ನು ಮುನ್ನಡೆಸುತ್ತಾರೆ. ಅವರು ತಮ್ಮ ಪದವಿಯ ನಂತರ 2013 ರಲ್ಲಿ ಕಂಪನಿಯ ಮಂಡಳಿಗೆ ಸೇರಿದರು. ವಾಣಿಜ್ಯದಲ್ಲಿ ಪದವಿಯನ್ನು ಹೊಂದಿದ್ದಾರೆ. ಅವರು 2017 ರಲ್ಲಿ ವ್ಯವಸ್ಥಾಪಕ ನಿರ್ದೇಶಕರಾಗಿ ಕಂಪನಿಯಲ್ಲಿ ಜವಾಬ್ದಾರಿಯನ್ನು ವಹಿಸಿಕೊಂಡರು. ಸಂದೀಪ್ ಸಿಂಗ್ ಬ್ಲೂ ಟ್ರೈಬ್ ಫುಡ್ಸ್ ಸಂಸ್ಥಾಪಕರೂ ಆಗಿದ್ದಾರೆ.
ಆಲ್ಕೆಮ್ ಲ್ಯಾಬ್ ಮುಂಬೈನಲ್ಲಿ ಪ್ರಧಾನ ಕಛೇರಿಯನ್ನು ಹೊಂದಿದೆ . ಇದು ಜಾಗತಿಕವಾಗಿ ಔಷಧೀಯ ಜೆನೆರಿಕ್ಸ್, ಫಾರ್ಮುಲೇಶನ್ಸ್ ಮತ್ತು ನ್ಯೂಟ್ರಾಸ್ಯುಟಿಕಲ್‌ಗಳನ್ನು ತಯಾರಿಸಿ ಮಾರಾಟ ಮಾಡುತ್ತದೆ. ಕಂಪನಿಯು ಡಿಸೆಂಬರ್ 22 ರ ಹೊತ್ತಿಗೆ 58,766 ಕೋಟಿ ರೂ.ಗಳ ಮಾರುಕಟ್ಟೆ ಮೌಲ್ಯವನ್ನು ಹೊಂದಿದೆ. ಅದೇ ದಿನಾಂಕದಂದು ಕಂಪನಿಯ ಷೇರಿನ ಬೆಲೆ 4,915 ರೂ. ಇತ್ತು.
2016 ರಲ್ಲಿ ಭಾರತ ಸರ್ಕಾರದ ಆರೋಗ್ಯ ಮತ್ತು ಕುಟುಂಬ ವ್ಯವಹಾರಗಳ ಸಚಿವಾಲಯದ ಸಹಯೋಗದೊಂದಿಗೆ ‘ಎಮರ್ಜಿಂಗ್ ಫಾರ್ಮಾ ಲೀಡರ್ ಆಫ್ 2016 ಪ್ರಶಸ್ತಿ’ಯನ್ನು ಸಂದೀಪ್ ಸಿಂಗ್ ಪಡೆದುಕೊಂಡರು.
Loading ...