ʼರಾಯಲ್ ಎನ್‌ಫೀಲ್ಡ್ ಹಿಮಾಲಯನ್‌ʼ ಮುಡಿಗೆ ಇಂಡಿಯನ್ ಮೋಟಾರ್‌ ಸೈಕಲ್ ಆಫ್ ದಿ ಇಯರ್ ಪ್ರಶಸ್ತಿ !

ರಾಯಲ್ ಎನ್‌ಫೀಲ್ಡ್ ಹಿಮಾಲಯನ್‌, ಇಂಡಿಯನ್ ಮೋಟಾರ್‌ ಸೈಕಲ್ ಆಫ್ ದಿ ಇಯರ್ 2024 ಪ್ರಶಸ್ತಿಯನ್ನು ಪಡೆದುಕೊಂಡಿದೆ. ಟ್ರಯಂಫ್ ಸ್ಕ್ರ್ಯಾಂಬ್ಲರ್ 400X ರನ್ನರ್-ಅಪ್‌ ಆದರೆ, ಕೆಟಿಎಂ 390 ಡ್ಯೂಕ್ ಎರಡನೇ ರನ್ನರ್-ಅಪ್ ಸ್ಥಾನವನ್ನು ಗಳಿಸಿದೆ.

ಇಂಡಿಯನ್ ಮೋಟಾರ್ ಸೈಕಲ್ ಆಫ್ ದಿ ಇಯರ್ ಎಂಬುದು ಮೋಟಾರ್ ಸೈಕಲ್‌ಗೆ ನೀಡಲಾಗುವ ಅತ್ಯಂತ ಪ್ರತಿಷ್ಠಿತ ಪ್ರಶಸ್ತಿಯಾಗಿದೆ. ಇಂಡಿಯನ್ ಕಾರ್ ಆಫ್ ದ ಇಯರ್ ಪ್ರಶಸ್ತಿಯ ಪ್ರದಾನ ವೇಳೆಯೇ ಇಂಡಿಯನ್ ಮೋಟಾರ್ ಸೈಕಲ್ ಆಫ್ ದಿ ಇಯರ್ ಘೋಷಿಸಲಾಗುತ್ತದೆ.

ತೀರ್ಪುಗಾರರ ತಂಡವು ನಿಯತಕಾಲಿಕೆಗಳು ಮತ್ತು ಇತರ ಮಾಧ್ಯಮ ಚಾನೆಲ್‌ಗಳ ಪತ್ರಕರ್ತರನ್ನು ಒಳಗೊಂಡಿರುತ್ತದೆ. ಅವರು ವರ್ಷವಿಡೀ ಮೋಟಾರ್‌ ಸೈಕಲ್‌ಗಳನ್ನು ಪರೀಕ್ಷಿಸುತ್ತಾರೆ. ಆಟೋ ಟುಡೇ ಸಹಾಯಕ ಸಂಪಾದಕರಾದ ದೀಪಯನ್ ದತ್ತಾ ಮತ್ತು ಆಟೋ ಟುಡೇ ಸಹ ಸಂಪಾದಕ ರಾಹುಲ್ ಘೋಷ್ ಸೇರಿದಂತೆ 14 ಸದಸ್ಯರು ತೀರ್ಪುಗಾರರ ತಂಡದಲ್ಲಿದ್ದರು.

ಮೋಟಾರ್‌ ಸೈಕಲ್ ಆಫ್ ದಿ ಇಯರ್ 2024 ಪ್ರಶಸ್ತಿ ಪಡೆದ ಹಿಮಾಲಯನ್ ಟ್ರಯಂಫ್ ಸ್ಕ್ರ್ಯಾಂಬ್ಲರ್ 400X ಮತ್ತು KTM 390 ಡ್ಯೂಕ್ ಜೊತೆಗೆ ಹಾರ್ಲೆ-ಡೇವಿಡ್ಸನ್ X440, ಹೀರೋ ಕರಿಜ್ಮಾ XMR, ರಾಯಲ್ ಎನ್‌ಫೀಲ್ಡ್ ಸೂಪರ್ ಮೀಟಿಯರ್ 650 ಮತ್ತು TVS ಅಪಾಚೆ RTR 310 ಅನ್ನು ಹಿಂದಿಕ್ಕಿತು.

ರಾಯಲ್ ಎನ್‌ಫೀಲ್ಡ್ ಹಿಮಾಲಯನ್ 40.02bhp ಮತ್ತು 40Nm ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಇದರ ಎಂಜಿನ್ 6-ಸ್ಪೀಡ್ ಗೇರ್‌ ಬಾಕ್ಸ್ ನೊಂದಿಗೆ ಸ್ಲಿಪ್ ಮತ್ತು ಅಸಿಸ್ಟ್ ಕ್ಲಚ್‌ನೊಂದಿಗೆ ಸಂಯೋಜಿಸಲ್ಪಟ್ಟಿದೆ. ಇದರ ಬೆಲೆ 2.69 ಲಕ್ಷ ರೂ. ನಿಂದ (ಎಕ್ಸ್ ಶೋ ರೂಂ) 2.84 ಲಕ್ಷ ರೂ. ವರೆಗೆ ಇದೆ.