ಪ್ರಯಾಗ್‌ರಾಜ್: ಸಾಮಾಜಿಕ ಮಾಧ್ಯಮದಲ್ಲಿ ಅಶ್ಲೀಲ ಪೋಸ್ಟ್ ಲೈಕ್ ಮಾಡುವುದು ಅಪರಾಧವಲ್ಲ, ಆದರೆ ಅಂತಹ ವಿಷಯವನ್ನು ಹಂಚಿಕೊಳ್ಳುವುದು ಅಥವಾ ಮರು ಪೋಸ್ಟ್ ಮಾಡುವುದು ಕಾನೂನುಬಾಹಿರ ಎಂದು ಅಲಹಾಬಾದ್ ಹೈಕೋರ್ಟ್ ತೀರ್ಪು ನೀಡಿದೆ.
ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್‌ಗಳ ಬಳಕೆದಾರರು ಅವರು ಸಂವಹನ ನಡೆಸುವ ವಿಷಯಕ್ಕೆ ಎಷ್ಟು ಮಟ್ಟಿಗೆ ಜವಾಬ್ದಾರರಾಗಿರುತ್ತಾರೆ ಎಂಬುದರ ಕುರಿತು ಈ ತೀರ್ಪು ಸ್ಪಷ್ಟತೆ ಒದಗಿಸುತ್ತದೆ.
ಪೋಸ್ಟ್ ಅನ್ನು ಇಷ್ಟಪಡುವುದು ಎಂದರೆ ಬಳಕೆದಾರರು ಪೋಸ್ಟ್‌ನ ವಿಷಯವನ್ನು ಅನುಮೋದಿಸುತ್ತಾರೆ ಅಥವಾ ಒಪ್ಪುತ್ತಾರೆ ಎಂದು ಅರ್ಥವಲ್ಲ ಎಂಬ ತತ್ವವನ್ನು ನ್ಯಾಯಾಲಯದ ತೀರ್ಪು ಆಧರಿಸಿದೆ.
ಇದರ ಬಗ್ಗೆ ಮಾಹಿತಿ ತಂತ್ರಜ್ಞಾನ(ಐಟಿ) ಕಾಯಿದೆ ಏನು ಹೇಳುತ್ತದೆ?
ನ್ಯಾಯಾಲಯವು ಬುಧವಾರದ ತನ್ನ ತೀರ್ಪಿನಲ್ಲಿ, ಅಂತಹ ಪೋಸ್ಟ್ ಅನ್ನು ಹಂಚಿಕೊಳ್ಳುವುದು ಮಾಹಿತಿ ತಂತ್ರಜ್ಞಾನ (ಐಟಿ) ಕಾಯಿದೆಯ ಸೆಕ್ಷನ್ 67 ರ ಪ್ರಕಾರ “ಪ್ರಸಾರ” ವರ್ಗದ ಅಡಿಯಲ್ಲಿ ಬರುತ್ತದೆ ಮತ್ತು ದಂಡಗಳಿಗೆ ಒಳಪಟ್ಟಿರುತ್ತದೆ ಎಂದು ವಿವರಿಸಿದೆ.
ಕಾನೂನುಬಾಹಿರ ಸಭೆಗೆ ಸಂಬಂಧಿಸಿದ ಪೋಸ್ಟ್ ಅನ್ನು ಲೈಕ್ ಮಾಡಿದ್ದಕ್ಕಾಗಿ ಐಟಿ ಕಾಯ್ದೆಯ ಸೆಕ್ಷನ್ 67 ಮತ್ತು ಭಾರತೀಯ ದಂಡ ಸಂಹಿತೆಯ ಇತರ ಸೆಕ್ಷನ್‌ಗಳ ಅಡಿಯಲ್ಲಿ ಆರೋಪ ಹೊರಿಸಲಾದ ಆಗ್ರಾದ ಮೊಹಮ್ಮದ್ ಇಮ್ರಾನ್ ಕಾಜಿ ವಿರುದ್ಧ ನಡೆಯುತ್ತಿರುವ ಕ್ರಿಮಿನಲ್ ಮೊಕದ್ದಮೆಗಳನ್ನು ವಜಾಗೊಳಿಸಿದ ನ್ಯಾಯಮೂರ್ತಿ ಅರುಣ್ ಕುಮಾರ್ ಸಿಂಗ್ ದೇಶ್ವಾಲ್ ಅವರು ಈ ಹೇಳಿಕೆಗಳನ್ನು ನೀಡಿದ್ದಾರೆ.
“ಅರ್ಜಿದಾರರ ಫೇಸ್‌ಬುಕ್ ಮತ್ತು ವಾಟ್ಸಾಪ್ ಖಾತೆಗಳಲ್ಲಿ ಯಾವುದೇ ಆಕ್ಷೇಪಾರ್ಹ ಪೋಸ್ಟ್ ಲಭ್ಯವಿಲ್ಲದ ಕಾರಣ ಅರ್ಜಿದಾರರನ್ನು ಯಾವುದೇ ಆಕ್ಷೇಪಾರ್ಹ ಪೋಸ್ಟ್ ನೊಂದಿಗೆ ಸಂಪರ್ಕಿಸುವ ಯಾವುದೇ ವಸ್ತು ಕಂಡುಬಂದಿಲ್ಲ. ಐಟಿ ಕಾಯ್ದೆ 67ರ ಪ್ರಕಾರ ಶೀಲ ಮತ್ತು ಪ್ರಚೋದನಾತ್ಮಕ ದೃಶ್ಯಗಳ ಪ್ರಸರಣ ಅಪರಾಧವಾಗಿದೆ. ವೀಕ್ಷಣೆ ಅಪರಾಧವಲ್ಲ ಹೀಗಾಗಿ. ಆತನ ಖಾತೆಯಲ್ಲಿ ಆಕ್ಷೇಪಾರ್ಹ ದೃಶ್ಯ ಕಾಣಿಸಿಲ್ಲ ಎಂದು ಹೇಳಿ ಆತನನ್ನು ಖುಲಾಸೆ ಮಾಡಿದೆ.
ಕಾಜ್ಮಿ ಅವರು ಸಾಮಾಜಿಕ ಮಾಧ್ಯಮದಲ್ಲಿ “ಪ್ರಚೋದನಕಾರಿ” ಸಂದೇಶಗಳನ್ನು ಇಷ್ಟಪಟ್ಟಿದ್ದಕ್ಕಾಗಿ ಕ್ರಿಮಿನಲ್ ಮೊಕದ್ದಮೆಯನ್ನು ಎದುರಿಸಿದರು, ಇದರ ಪರಿಣಾಮವಾಗಿ ಮುಸ್ಲಿಂ ಸಮುದಾಯದ ಸುಮಾರು 600-700 ವ್ಯಕ್ತಿಗಳು ಅನುಮತಿಯಿಲ್ಲದೆ ನಡೆಸಿದ ಮೆರವಣಿಗೆಗಾಗಿ ಒಟ್ಟುಗೂಡಿದರು. ಆಗ್ರಾದ ಮುಖ್ಯ ನ್ಯಾಯಾಂಗ ಮ್ಯಾಜಿಸ್ಟ್ರೇಟ್ (CJM) ಚಾರ್ಜ್ ಶೀಟ್ ಅನ್ನು ಗಮನಿಸಿ ಜೂನ್ 30 ರಂದು ಅವರ ವಿರುದ್ಧ ಜಾಮೀನು ರಹಿತ ವಾರಂಟ್ ಹೊರಡಿಸಿದರು.
