ಆಪ್ ನಾಯಕ ರಾಘವ್ ಚಡ್ಡಾ ಹಾಗೂ ಬಾಲಿವುಡ್ ನಟಿ ಪರಿಣಿತಿ ಚೋಪ್ರಾ ಸೆ. 24ರಂದು ರಾಜಸ್ಥಾನದ ಉದಯಪುರದ ಲೀಲಾ ಪ್ಯಾಲೇಸ್ನಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಅತ್ಯಂತ ಅದ್ಧೂರಿ ವಿವಾಹ ಸಮಾರಂಭದಲ್ಲಿ ಸಾಕಷ್ಟು ಸೆಲೆಬ್ರಿಟಿಗಳು ಹಾಗೂ ರಾಜಕೀಯ ನಾಯಕರು ಭಾಗವಹಿಸಿದ್ದರು.
ವರದಿಗಳ ಪ್ರಕಾರ, ರಾಘವ್ ಚಡ್ಡಾ ಹಾಗೂ ಪರಿಣಿತಿ ಚೋಪ್ರಾ ಲೀಲಾ ಪ್ಯಾಲೇಸ್ನ ಅತ್ಯಂತ ಐಷಾರಾಮಿ ಹಾಗೂ ದುಬಾರಿ ಕೋಣೆಯನ್ನು ಬುಕ್ ಮಾಡಿದ್ದರು ಎನ್ನಲಾಗಿದೆ. ಉದಯಪುರದ ಲೀಲಾ ಪ್ಯಾಲೇಸ್ ಭಾರತದ ಅತ್ಯಂತ ದುಬಾರಿ ಹೋಟೆಲ್ಗಳಲ್ಲಿ ಒಂದಾಗಿದೆ. ಹಲವಾರು ಸೆಲೆಬ್ರಿಟಿಗಳು ಹಾಗೂ ಉದ್ಯಮಿಗಳು ಈ ಹೋಟೆಲ್ನಲ್ಲಿ ಮದುವೆ ಕಾರ್ಯಕ್ರಮ ಪ್ಲಾನ್ ಮಾಡುತ್ತಾರೆ.
ಹೋಟೆಲ್ನಲ್ಲಿ ರಾತ್ರಿ ತಂಗುವ ಕೋಣೆಗಳು ಸಾವಿರದಿಂದ ಲಕ್ಷ ರೂಪಾಯಿಗಳವರೆಗೆ ಇರುತ್ತದೆ. ಆದರೆ ಲೀಲಾ ಪ್ಯಾಲೇಸ್ನಲ್ಲಿ ಅತೀ ಅಗ್ಗದ ಕೋಣೆಯು ಒಂದು ರಾತ್ರಿಗೆ 26,350 ರೂಪಾಯಿ ದರವನ್ನು ಹೊಂದಿದೆ. ಮಹಾರಾಜ ಸೂಟ್ನ ಬೆಲೆ ಒಂದು ರಾತ್ರಿಗೆ 9 ಲಕ್ಷ ರೂಪಾಯಿ ಆಗಿದೆ. ರಾಘವ್ ಚಡ್ಡಾ ಹಾಗೂ ಪರಿಣಿತಿ ಚೋಪ್ರಾ ಮದುವೆಯ ದಿನದಂದು ವಾಸ್ತವ್ಯ ಹೂಡಲು ಇದೇ ಕೋಣೆಯನ್ನು ಆಯ್ಕೆ ಮಾಡಿಕೊಂಡಿದ್ದರು ಎನ್ನಲಾಗಿದೆ. ಈ ಪ್ಯಾಲೇಸ್ನಲ್ಲಿ 1 ಲಕ್ಷ, 3 ಲಕ್ಷ ಹಾಗೂ 5 ಲಕ್ಷ ರೂಪಾಯಿ ಬಾಡಿಗೆಯ ಕೋಣೆಗಳು ಸಹ ಲಭ್ಯವಿದೆ.
ಈ ಅರಮನೆಯ ಹೋಟೆಲ್ ವಿವಿಧ ರೀತಿಯ ವೆಡ್ಡಿಂಗ್ ಪ್ಯಾಕೇಜ್ ಹೊಂದಿದೆ. ಲೀಲಾ ಪ್ಯಾಲೇಸ್ನಲ್ಲಿ ನೀವು ಮದುವೆ ಮಾಡಲು ಬಯಸಿದ್ದರೆ 150 ರಿಂದ 200 ಮಂದಿ ಅತಿಥಿಗಳಿಗೆ 1.6 ಕೋಟಿಯಿಂದ 2.2 ಕೋಟಿ ರೂಪಾಯಿಗಳವರೆಗೆ ಖರ್ಚಾಗುತ್ತದೆ ಎನ್ನಲಾಗಿದೆ.
Loading ...