ರೈಲಿನಲ್ಲಿ ಆಗಾಗ ಬೀದಿ ನಾಯಿಗಳು ಟ್ರಾವೆಲ್ ಮಾಡೋ ವಿಡಿಯೋ ನೀವು ನೋಡಿಯೇ ಇರ್ತೀರಿ. ಆದರೆ ಇದೀಗ ಮಹಿಳಾ ಪ್ರಯಾಣಿಕೆಯೊಬ್ಬರು ಮೇಕೆಯೊಂದಿಗೆ ರೈಲಿನಲ್ಲಿ ಪ್ರಯಾಣಿಸಿದ್ದು ಈ ವಿಡಿಯೋ ಸಖತ್ ವೈರಲ್ ಆಗಿದೆ.
ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿರೋ ವಿಡಿಯೋದಲ್ಲಿ ರೈಲಿನ ಟಿಕೆಟ್ ಕಲೆಕ್ಟರ್ ಮೇಕೆಗೆ ಟಿಕೆಟ್ ತೆಗೆದುಕೊಂಡಿದ್ದೀರೇ ಎಂದು ಮಹಿಳೆಯನ್ನು ಪ್ರಶ್ನಿಸುತ್ತಿರೋದನ್ನ ಕಾಣಬಹುದಾಗಿದೆ. ಆದರೆ ಮಹಿಳೆಯು ಮೇಕೆಯ ಟಿಕೆಟ್ನ್ನು ಟಿಸಿಗೆ ತೋರಿಸಿದ್ದು ಇದನ್ನು ನೋಡಿದ ರೈಲ್ವೆ ಅಧಿಕಾರಿ ಶಾಕ್ ಆಗಿದ್ದಾರೆ.
ನಿಮ್ಮ ಹಾಗೂ ನಿಮ್ಮ ಮೇಕೆಯ ಟಿಕೆಟ್ ನೀಡಿ ಎಂದು ಐಆರ್ಸಿಟಿಸಿ ಅಧಿಕಾರಿ ಹೇಳುತ್ತಿದ್ದಂತೆಯೇ ಮಹಿಳೆಯು ಟಿಕೆಟ್ನ್ನು ತೋರಿಸುತ್ತಾರೆ. ಟಿಕೆಟ್ನಲ್ಲಿ ಮೂವರು ಪ್ರಯಾಣಿಕರ ಪಟ್ಟಿಯನ್ನು ನೋಡಬಹುದಾಗಿದೆ. ಮಹಿಳೆ, ತನ್ನ ಪತಿ ಹಾಗೂ ಮೇಕೆಯ ಟಿಕೆಟ್ನ್ನು ಅಧಿಕಾರಿಗೆ ತೋರಿಸಿದ್ದಾರೆ. ಅಲ್ಲದೇ ಅಧಿಕಾರಿಯ ಕಡೆಗೆ ನಗೆ ಬೀರುತ್ತಾ ನನ್ನ ಬಳಿ ನನ್ನ ಮೇಕೆಯ ಟಿಕೆಟ್ ಕೂಡ ಇದೆ ಎಂದು ಹೇಳಿದ್ದಾರೆ.
ಈ ವಿಡಿಯೋ ನೋಡಿದ ನೆಟ್ಟಿಗರು ಆ ಮಹಿಳೆಯ ಪಾಲಿಗೆ ಮೇಕೆ ಕೇವಲ ಪ್ರಾಣಿಯಲ್ಲ. ಅದು ಆಕೆಯ ಕುಟುಂಬದ ಒಂದು ಭಾಗವಾಗಿರುವಂತೆ ಕಾಣುತ್ತಿದೆ. ಕುಟುಂಬ ಸದಸ್ಯರನ್ನು ನೋಡಿಕೊಂಡಂತೆ ಆಕೆ ಮೇಕೆಯನ್ನು ನೋಡಿಕೊಂಡಿದ್ದಾರೆ. ಈ ಮಹಿಳೆಯಿಂದ ಸಮಾಜ ಕಲಿಯಬೇಕಾಗಿರೋದು ತುಂಬಾನೇ ಇದೆ ಅಂತಾ ನೆಟ್ಟಿಗರು ಅಭಿಪ್ರಾಯ ಹೊರಹಾಕಿದ್ದಾರೆ. ಅಂದಹಾಗೆ ಈ ವಿಡಿಯೋ ನೋಡಿ ನಿಮಗೆ ಏನು ಅನ್ನಿಸಿತು..?
Got this video in WA
This lady is taking her goat in the train..and she bought a ticket for the goat.
Look at her pride in her own honesty when she replies to the ticket collecting officer pic.twitter.com/2Du1Gq8a6o— D Prasanth Nair (@DPrasanthNair) September 5, 2023
