ದುಬೈ: ದುಬೈನಲ್ಲಿ ಭಾರತೀಯ ವ್ಯಕ್ತಿಯೊಬ್ಬರು 45 ಕೋಟಿ ರೂಪಾಯಿ ಮೊತ್ತದ ಬಂಪರ್ ಲಾಟರಿ ಬಹುಮಾನ ಗೆದ್ದಿದ್ದಾರೆ.
ಮುಂಬೈ ಮೂಲದ ಸಚಿನ್(47) ಪತ್ನಿ ಹಾಗೂ ಮೂವರು ಮಕ್ಕಳೊಂದಿಗೆ ಯುಎಇನಲ್ಲಿ ವಾಸಿಸುತ್ತಿದ್ದಾರೆ. ಸ್ಥಳೀಯವಾಗಿ ಆಯೋಜಿಸುವ ಲಾಟರಿಯಲ್ಲಿ ಅವರು 45 ಕೋಟಿ ರೂಪಾಯಿ ಬಹುಮಾನಗಳಿಸಿದ್ದಾರೆ. 25 ವರ್ಷಗಳಿಂದ ದುಬೈನಲ್ಲಿ ನೆಲೆಸಿರುವ ಸಚಿನ್ ಸಿಎಡಿ ತಂತ್ರಜ್ಞರಾಗಿದ್ದಾರೆ. ಶನಿವಾರ 139ನೇ ಮಜೂಜ್ ಲಾಟರಿ ಬಹುಮಾನ ಗಳಿಸಿದ್ದಾರೆ. ಪ್ರತಿ ವಾರ ಮಜೂಜ್ ನಲ್ಲಿ ಭಾಗವಹಿಸುತ್ತಿದ್ದ ನನಗೆ ಒಂದು ದಿನ ಗೆಲ್ಲುವ ನಿರೀಕ್ಷೆ ಇತ್ತು, ಈ ಗೆಲುವಿನಿಂದ ನನ್ನ ಕುಟುಂಬ ಮತ್ತು ಜೀವನ ಬದಲಾಗಲಿದೆ ಎಂದು ಸಚಿನ್ ಹೇಳಿದ್ದಾರೆ.
ಮತ್ತೊಬ್ಬ ಭಾರತೀಯ ಗೌತಮ್ ಎಂಬುವರು ಇದೇ ಸ್ಪರ್ಧೆಯಲ್ಲಿ 2.25 ಕೋಟಿ ರೂಪಾಯಿ ಬಹುಮಾನ ಗಳಿಸಿದ್ದಾರೆ. ಕಳೆದ ವಾರ ಉತ್ತರ ಪ್ರದೇಶ ಮೂಲದ ಆರ್ಕಿಟೆಕ್ಚರ್ ಆದಿಲ್ ಖಾನ್ ಮುಂದಿನ 25 ವರ್ಷ ಸತತವಾಗಿ ಪ್ರತಿ ತಿಂಗಳು 5.5 ಲಕ್ಷ ರೂ. ಬಹುಮಾನ ಸಿಗುವ ಭರ್ಜರಿ ಲಾಟರಿಯಲ್ಲಿ ವಿಜೇತರರಾಗಿದ್ದರು.
