ಬಾಲಿವುಡ್ ನಟ ವರುಣ್ ಧವನ್ ಹಾಗೂ ಜಾನ್ವಿ ಕಪೂರ್ ಶೀಘ್ರದಲ್ಲಿಯೇ ಬವಾಲ್ ಸಿನಿಮಾದಲ್ಲಿ ಒಟ್ಟಾಗಿ ತೆರೆ ಮೇಲೆ ಬರಲಿದ್ದಾರೆ. ಈ ಸಿನಿಮಾ ಜುಲೈ 21ರಂದು ಅಮೆಜಾನ್ ಪ್ರೈಮ್ನಲ್ಲಿ ರಿಲೀಸ್ ಆಗಲಿದೆ.
ಸಿನಿಮಾ ರಿಲೀಸ್ಗೂ ಮುನ್ನ ವರುಣ್ ಹಾಗೂ ಜಾನ್ವಿ ಸಿನಿಮಾ ಪ್ರಮೋಷನ್ನಲ್ಲಿ ಬ್ಯುಸಿಯಾಗಿದ್ದಾರೆ. ಈಗಾಗಲೇ ಸಿನಿಮಾ ತಂಡ ದಿಲ್ ದೇ ದಿಲ್ ತಕ್ ಬಿಡುಗಡೆ ಮಾಡಿದೆ. ವರುಣ್ ಹಾಗೂ ಜಾನ್ವಿ ಇದರಲ್ಲಿ ಸಖತ್ ಮುದ್ದಾಗಿ ಕಾಣಿಸಿಕೊಂಡಿದ್ದಾರೆ.
ಚಿತ್ರದಲ್ಲಿ ತಮ್ಮ ಪಾತ್ರದ ಬಗ್ಗೆ ಮಾತನಾಡಿದ ವರುಣ್ ಧವನ್, ಇದು ನನಗೆ ಅತ್ಯಂತ ರೋಮಾಂಚನಕಾರಿ ಹಾಗೂ ಲಾಭದಾಯಕ ಪಾತ್ರವಾಗಿದೆ. ಇದೊಂದು ಸವಾಲಿನ ಪ್ರಯಾಣ ಕೂಡ ಹೌದು. ಅಜ್ಜು ಹಾಗೂ ನಿಶಾರ ಪ್ರಣಯ ಕತೆ ಪ್ರಪಂಚಾದ್ಯಂತ ಎಲ್ಲರಿಗೂ ಇಷ್ಟವಾಗುತ್ತೆ ಎಂಬ ನಂಬಿಕೆ ನನಗಿದೆ ಎಂದಿದ್ದಾರೆ.
ನಟಿ ಜಾನ್ವಿ ಕಪೂರ್ ಕೂಡ ಈ ವಿಚಾರವಾಗಿ ಮಾತನಾಡಿದ್ದು, ನಾವು ನಮಗೆ ಸಿಕ್ಕ ಪಾತ್ರಗಳಿಗೆ ಹೊಂದಿಕೊಳ್ಳುತ್ತೇವೆ. ಈ ಸಿನಿಮಾದಲ್ಲಿ ನಿಶಾ ಪಾತ್ರವು ಸಾಕಷ್ಟು ಕನಸುಗಳನ್ನು ಹೊತ್ತ ಸರಳ ಯುವತಿಯ ಪಾತ್ರವಾಗಿದೆ. ಬವಾಲ್ನಲ್ಲಿ ನಿಶಾಳ ಜೀವನ, ಅವಳ ಪ್ರೀತಿ ಎಲ್ಲವೂ ಪ್ರೇಕ್ಷಕರಿಗೆ ಹತ್ತಿರ ಎನಿಸಲಿದೆ ಎಂದಿದ್ದಾರೆ.
ಅಶ್ವಿನಿ ಅಯ್ಯರ್ ತಿವಾರಿ ಹಾಗೂ ನಿತೇಶ್ ತಿವಾರಿ ಅರ್ಥ್ಸ್ಕಿ ಪಿಕ್ಚರ್ಸ್ ಸಹಯೋಗದಲ್ಲಿ ಸಾಜಿದ್ ನಾಡಿಯಾಡ್ವಾಲಾರ ನಾಡಿಯಾಡ್ವಾಲಾ ಗ್ರ್ಯಾಂಡ್ಸನ್ ಎಂಟರ್ಟೈನ್ಮೆಂಟ್ ಈ ಸಿನಿಮಾವನ್ನು ನಿರ್ಮಿಸಿದ್ದು , ನಿತೇಶ್ ತಿವಾರಿ ಈ ಸಿನಿಮಾವನ್ನು ನಿರ್ದೇಶಿಸಿದ್ದಾರೆ. ಈ ಸಿನಿಮಾ ಪ್ರೈಮ್ ವಿಡಿಯೋದಲ್ಲಿ ಜುಲೈ 21ರಂದು ರಿಲೀಸ್ ಆಗಲಿದೆ.
Loading ...