ಇತ್ತೀಚಿಗೆ ನಡೆದ ಪ್ರತಿಭಟನೆಯೊಂದರಲ್ಲಿ ಹ್ಯಾಂಬರ್ಗ್ ಹಾಗೂ ಡಸೆಲ್ಡಾರ್ಫ್ನಲ್ಲಿರುವ ಲಾಸ್ಟ್ ಜನರೇಶನ್ ಗ್ರೂಪ್ನ ಕಾರ್ಯಕರ್ತರು ಸ್ಥಳೀಯ ರನ್ವೇಗಳ ಒಳಗೆ ನುಸುಳಲು ಹಾಗೂ ತಮ್ಮನ್ನು ತಾವು ಒಂದು ಸ್ಥಳದಲ್ಲಿ ಅಂಟಿಸಿಕೊಳ್ಳೋದ್ರಲ್ಲಿ ಯಶಸ್ವಿಯಾದರು. ಈ ಪ್ರತಿಭಟನೆಯಿಂದಾಗಿ ವಿಮಾನ ಕಾರ್ಯಾಚರಣೆಗೆ ಅಡೆತಡೆ ಉಂಟಾಗಿತ್ತು.
ಕೆಲ ಸಮಯದ ಬಳಿಕ ಪ್ರತಿಭಟನಾಕಾರರನ್ನು ಚದುರಿಸಿ ಪರಿಸ್ಥಿತಿಯನ್ನು ನಿಯಂತ್ರಣಕ್ಕೆ ತೆಗೆದುಕೊಳ್ಳುವಲ್ಲಿ ಅಧಿಕಾರಿಗಳು ಯಶಸ್ವಿಯಾದರಾದರೂ ಸಹ ಇದರಿಂದ ಕೆಲವು ಗಂಟೆಗಳ ಕಾಲ ವಿಮಾನ ಕಾರ್ಯಾಚರಣೆ ಸ್ಥಗಿತಗೊಂಡಿತ್ತು.
ಬರ್ಲಿನ್ನಿಂದ ವೈರಲ್ ಆಗಿರುವ ಮತ್ತೊಂದು ವಿಡಿಯೋದಲ್ಲಿ ಪ್ರತಿಭಟನಾಕಾರರ ಪೈಕಿ ಇಬ್ಬರು ಕಾಂಕ್ರಿಟ್ ಹಾಗೂ ಎಪಾಕ್ಸಿ ರಾಳದ ಮಿಶ್ರಣವನ್ನು ಬಳಕೆ ಮಾಡಿಕೊಂಡು ತಮ್ಮ ಕೈಗಳನ್ನು ರಸ್ತೆಗೆ ಅಂಟಿಸಿಕೊಂಡಿದ್ದಾರೆ. ಇವರ ಕೈಗಳನ್ನು ಕತ್ತರಿಸಿ ತೆಗೆಯಬೇಕಾಗಿ ಬರಬಹುದು ಎಂದು ಹಲವರು ಅಭಿಪ್ರಾಯಪಟ್ಟಿದ್ದಾರೆ.
Eco-activists in Germany used a concrete and epoxy resin mixture to glue their hands to the asphalt in protest. Tragically, the consequences may require potential amputation of their hands😳 pic.twitter.com/xLnBuXkiKx
— Tansu Yegen (@TansuYegen) July 12, 2023
