ನವ ವಧುವಿನಂತೆ ಸಿಂಗಾರಗೊಂಡು ವಿಜಯ್​ದೇವರಕೊಂಡ ಜೊತೆ ಕಾಣಿಸಿಕೊಂಡ ನಟಿ ಸಮಂತಾ: ವಿಡಿಯೋ ವೈರಲ್

ಖ್ಯಾತ ನಟಿ ಸಮಂತಾ ರುತ್​ ಪ್ರಭು ವಧುವಿನಂತೆ ಸಿಂಗಾರಗೊಂಡಿದ್ದು ಅವರ ಪಕ್ಕದಲ್ಲಿ ವಿಜಯ್​ ದೇವರಕೊಂಡ ನಿಂತಿರುವ ವಿಡಿಯೋ ಸೋಶಿಯಲ್​ ಮೀಡಿಯಾಗಳಲ್ಲಿ ವೈರಲ್​ ಆಗ್ತಿದೆ. ಪ್ರಸ್ತುತ ಈ ಜೋಡಿ ಕುಶಿ ಚಿತ್ರದ ಚಿತ್ರೀಕರಣದಲ್ಲಿ ಬ್ಯುಸಿ ಆಗಿದ್ದಾರೆ. ಮಂಗಳವಾರದಂದು ಆಂಧ್ರಪ್ರದೇಶದ ದ್ರಾಕ್ಷಾರಾಮದಲ್ಲಿರುವ ದೇವಸ್ಥಾನದಲ್ಲಿ ಪೂಜೆಯ ಶೂಟಿಂಗ್​ ನಡೆದಿದೆ. ಈ ವೇಳೆ ಸಮಂತಾ ಸರಳವಾದ ಕೆಂಪು ಬಣ್ಣದ ಸೀರೆಯಲ್ಲಿ ಮಿಂಚಿದ್ದಾರೆ.

ಸಮಂತಾ ಜೊತೆಯಲ್ಲಿ ನಟ ವಿಜಯ್​ ದೇವರಕೊಂಡ ಕೂಡ ಕಾಣಿಸಿಕೊಂಡಿದ್ದಾರೆ. ವಿಜಯ್​ ದೇವರಕೊಂಡ ಸಾಂಪ್ರದಾಯಿಕ ಉಡುಗೆಯಲ್ಲಿ ಗಮನ ಸೆಳೆದಿದ್ದಾರೆ. ಸಮಂತಾ ಹಾಗೂ ವಿಜಯ್​ ತಮ್ಮ ಸಹನಟರೊಂದಿಗೆ ದೇವಸ್ಥಾನದಲ್ಲಿ ಕಾಣಿಸಿಕೊಂಡಿದ್ದು ಅಭಿಮಾನಿಗಳನ್ನು ನೋಡುತ್ತಿದ್ದಂತೆಯೇ ಅವರೆಡೆಗೆ ತಿರುಗಿ ನಮಸ್ಕರಿಸಿದ್ದಾರೆ.

ಸಮಂತಾ ಹಾಗೂ ವಿಜಯ್​ ಸದ್ಯ ಕುಶಿ ಚಿತ್ರದ ಶೂಟಿಂಗ್​​ನಲ್ಲಿ ಬ್ಯುಸಿ ಆಗಿದ್ದಾರೆ. ಶಿವ ನಿರ್ವಾಣ ನಿರ್ದೇಶನದ ಈ ಸಿನಿಮಾ ರೊಮ್ಯಾಂಟಿಕ್​ ಕತೆಯನ್ನು ಹೊಂದಿದ್ದು ಈ ಜೋಡಿಯ ಎರಡನೇ ಸಿನಿಮಾ ಇದಾಗಿದೆ. ಈ ಹಿಂದೆ 2018ರಲ್ಲಿ ಮಹಾನಟಿ ಸಿನಿಮಾದಲ್ಲಿ ಈ ಜೋಡಿ ಒಟ್ಟಾಗಿ ನಟಿಸಿತ್ತು.

Rowdy boy @TheDeverakonda drops a video as team #Kushi is busing in wrapping up their last schedule!!✨

UK 🇬🇧 release by @TeamDreamZE #VijayDeverakonda #Samantha @ShivaNirvana @HeshamAWMusic @MythriOfficial #DreamzEntertainment pic.twitter.com/rq5NHoCDr3

— DreamZ Entertainment UK (@TeamDreamZE) July 4, 2023